LUKAT 10:11 - Ala Ane Wene Ket Mene Warogo Wo'ninapike Wene

¹¹ Nit hit hinaua logolìk kweang alolongeke ninesok oba labulaga mene yì, hit weak ìlùk hineilhanem horogo potsogo yì. Hina'la nen, Ala awe a'ma hinegein a'nogo yogotak arat hinegein, ìlùk, hanorogo hùthìkì logoino, ìlùk yogoisano.

LUKAT 10:11 ပူးပေါင်းရင်းမြစ်များ

LAKSASIKE 13:51

Wulaksikenem, ina'la eberek logouagalùk, it Paùlùt Parenapat eperak en he, “Hinoba lopok,” ìlùk inesok alolong hesalogo laksalùk he, o Ikonìùm ki lagaukwa.

LUKAT 10:9

O kota atoma logolìk, it aike inoba ou werek halok, hit en hagarinapì logolìk he, Ala nen awe a'ma hinegein a'nogo yogotak arat hikegein o, ìlùk yogoisìkì logoino.

IBERANI 1:3

Mo eileken tilelek-walelek lakhei wagarek hak, Ala ebe hogoratarek mene a'nogo nen, Yesùt ebe lakhei wagaikomo kweangma lìarogo logolìk, opase alìlùmo at hake welagarek. Ati'nogo logolìk, yì mene tì mene obogat welagarek atì, at ane omame ba welagarek. Were'ma, nit weak hagatì lagagu mene horogo legethìlìk he, Ala Etagepogot esin mene a'nogo oba lagasikesik era'lu kainat welagarek atì.

LAKSASIKE 13:46

Atì'nogo isukwa meneat he, it Paùlùt Parenapat aperagat inayù'lek hogoat logolìk he, mel isukwa: “Ala ane atì hit tak yogohisasak obaat yogohisa wago meneat he, hit hinabìt en heraksegesip, hinokawerek en he, Nit nabùlal-habùlal haga'ninabusak he, mea o, ìlùk u hagat ìkì lagep atì nen, nit ninoe Etagepogot en ninayoko hìkì logolìk yogonisasike hagat hagasugun. At en: An nen he, apùnì etakwe mene lìarinapìk, o wùrep oba werek mene telinapìk, igìlùk he, esage kìalek hake, hit hinebe hikìgì o, ìlùk yogonisasike higit hogo, hebek hogoat it apùnì etakwe mene yogoisa logoin o,” ìlùk yogoisasukwa.

LAKSASIKE 13:40

Mene re, it ap Ala ane yogoisìkì lagaukwa mene amanogo nen he, mel isukwa: Hit o yogotak welagep ya ba re, an nen yì mene tì mene hagatenem, at aike nen sekek hogo yakùlhisikenem he, hit en ebarogoat ìlùk huthìgì'lek logolìk hina'la meathìkì lagep atì lakhani! An nen atì'nogo hagatenem hineileken hìlìk hogoratì logolìk he, hinebe wa'lakogoin atì, ìlùk Ala nen isikomo halal waganogo hesukwa atì hak, hit hinoba asinogo ìlùk he, wene hinasuk tùkùm hogo holhì logoino o,” ìlùk yogoisasike.

LAKSASIKE 13:26

“Halok he, hit apùnì Aberaham en tagokwe mane mel, etakwe mene Ala ane hologo hagatì lagep mene yoma hinom welagep mene mel, nerùgì nagaiya'lak. Wene telninabusak wene atì Ala nen nirat ninoba lakhei wagama yì.

MAREKÙT 6:11

It apùnì o aike nen hinebe wokhinapìk, hinane holhìk, ìgì'lek halok he, o atì nen wùlìbi waga logolìk he, it o atoma mene ina'la hùthoagalùk he, hinesok a'makwe kweang alolong hesalogo pelaksalùk wùlìbi we'no,” ìlùk inasuk warogo laksasike.

MATÌÙT 10:14

Nen, it atoma nen hinebe wokhinapì'lek logolìk hinane wanhì'lek hebisaga halok he, o atoma heraksalùk hinapotkwe wùlìbi waga logolìk he, hinesok alolongeke horogo pelaksalùk wùlìbi we'no.

ÙRÙM 10:21

Nen, Ala nen apùnì Isirael mene mel yogoisasike: “An ohealek en, likene nen, hìmaganekokwe nen, apùnì yoma woginabigìlùk neki lang hogo welagì meneat he, inasuk holùhùk inane oak lagalhoat werek o,” ìlùk yogoisasikomo, Yesaya nen yogoisasikeat.

ÙRÙM 10:8

Halok he, wene atì mel akalùk isike: “Ala ane atì ebe horogat werek o. Atì hape ba mel, hetaùkenma mel, werek o,” ìlùk isike atì, apùnì nen inetaùken Ala oba hìpìrethousak wene nit en yogohisìkì lago atì hesigat isike o.

MATÌÙT 3:2

“Kain pogot oba mene awe a'ma hinegein a'nogo yogotak arat hinegein. Halok he, weak hagatì lagep mene heraksìlìk hinoabùt hebela'ni o,” ìlùk yogoisìkì lagaike.

MATÌÙT 10:7

Laga logolìk he, mel yogoisìlìk lano o: Ninopase Ala pogot oba mene nen awe a'ma hinegein a'nogo yogotak arat hinegein o, ìlùk, yogoisìlìk lano o.

LUKAT 9:5

Nen, it apùnì o aike nen hinebe wokhinapì'lek halok he, hebisalùk wùlìbi waga logolìk he, it o atoma mene ina'la hùthoagalùk he, hinesok ìlìngeken hesalogo pelaksalùk wùlìbi we'no,” ìlùk, inasuk warogo laksasikomo,

LUKAT 10:10

Meneat he, o kota aike hit kugun oba atoma nen hai warogo wokhinapo lek halok he, hinebe wùlìbi wìrìk ebekalem asi lìlìk he, mel ino: