LUKAT 1:6 - Ala Ane Wene Ket Mene Warogo Wo'ninapike Wene

⁶ It agwe eperak atì re, ninopase Etagepogot en, “Yì'nogo haga'no, tì'nogo haga'no,” ìlùk, yakùlnisìgìk, ninasuk watìk, isike mene a'nogo, motok higit hogoat hagatì lagaukwama re, at Ala nen he, “It atì inoabùt hano motok,” ìlùk, enagat eileken isìkì lagaike.

LUKAT 1:6 ပူးပေါင်းရင်းမြစ်များ

LAKSASIKE 24:16

Atì'nogo logolìk, na'la nen he, Weak aike hagatì, ìlùk na'la ekin logoinogo ìlùk he, Ala hesik mel, apùnì hesik mel, hano hagatì lagì ìlùk, na'la selek logoigìlùk, nomamerogo hagatì lagì o.

1 TESALONIKA 3:13

Atì'nogo hagathinapì logopik he, ninoe Etagepogot Yesùt okawerek agoromì inom at waganem he, hinebe ninopase Ala okawerek hesik hisìlìk, at eilhanem ùkùm hinoba lek hano tegelek were'ma hisa wesuak en, hinetaùken wurigethinapì logouak o.

1 YOHANET 2:3

Wene Ala nen ninasuk waterek wene atì, hologo higit hogo hagatì lago halok he, at e be ninelu o, ìlùk atì ba nen ninetawì wekelogo hùthìkì lago.

2 PETERÙT 3:14

Nerùgì nagaiya'lak. Hinebe netawì e. Atì'nogo wesigin ìlùk, serogo logolìk he, ùkùm hinoba hakìgì'legat, weak agì'legat, Ala hinom hano were'ma at ebe hisa Wesuak en, at hesik akiluk hogo hagatì logoino.

1 YOHANET 3:7

Nagainapùrì e. It apùnì agaike nen lalhinabi nogo ìlùk hinoabùt hebelogo logoino o. Sa nen oabùt higit hogo hagaterek halok he, at Karìsùt oabùt higit hogo hagaterek atì hagat, hagato werek o.

1 YOHANET 2:29

At Karìsùt Ala aput oabùt hano higit hogo nek hagaterek a'nogo hinelu halok he, hit hina'la nen he, “It apùnì aike inoabùt hano higit hogo hagatarek mene inebe lopok Ala againapùrì hobuk taginapomo werek,” ìlùk hinelu asusagat o.

KOLOSE 1:22

Atì'nogo meneat he, hit hinebe at Ala okawerek hesik hakìlìk, at eilhanem ùkùm hinoba lek hogo hano tegelek logouagalùk, aput ebe wa'lagaike atì ba, okawerek hinom lapulogo hikasikomo welagep atì.

2 KORÌTÙT 1:12

Nit hogorakìkì lago atì, ebe yì'nogo nen. Nit it apùnì kweangma mene aike ina'lakwe ina'lakwe logolìk, it hesik hagatì lago re, hamùlùgat negen. Mene re, hit hesik enek he, esin hogo hagatì lago. Atì re, apùnì kweangma mene ina'la kagalek mene hagatarek hak hagatì'lek. We, at Ala oabùt hano a'nogo nen, ninetaùken hano omakeat logolìk hagatì logouagalùk ninoabùt wo'nisasikomo hagatorek mene atì nina'la ebetì logolìk, “Nit hano hagatì lagoma,” ìlùk hogorakìkì lago atì.

1 KORÌTÙT 11:2

Wene yì hesik tì hesik an noba ebetì logolìk, an yakùlnesukwama hit yakùlhisasigi mene hesogoat welagep atì nen hogothinapì lagì o.

LAKSASIKE 23:1

Atì'nogo menhesikomo, at Paùlùt it ap Yahuri Ala hesik wene ero pìlìngìtì lagaukwa mene inebe atogosukwa amanogo, eileken lùrogo inoba isìkì logolìk he, “Nogogì nagoromì. An Ala eilhanem, hageat en hùlì yogotak hùlì hagatì lagì atì re, Weak hagatì lagì, ìlùk na'la wenesùgì ebetì lagì lek. We, wene na'la selek, hano hagatì lagì, ìlùk akìkì lagì,” ìlùk yogoisasikesik he, aike igin ha'ma re,

LUKAT 16:15

Atì'nogo isukwama re, at Yesùt en it yogoisìkì logolìk he: “An higit hagatì lagì, ìlùk apùnì ineilhanem hinoabùt higit mene hake hagatì lagep. Meneat he, Ala nen hinetaùken motok elu o. Yì mene tì mene it apùnì nen hano ìlùk esinetsagarek mene atì re, at Ala motok apsìrì o.

LUKAT 1:7

Meneat he, at he Elisabet atì, ebe abìlì nen eak aike takìgì'lek logolìk agùn eperagat arat yaman agaukwasik welagaukwa.

LUKAT 2:25

Ati sat ap o Yerusalem mene aike etage Simeon. At oabùt he, hano, Ala ayùk hogo logolìk, motok higit hogo hagatì lagaike. Atì'nogo hagatì logolìk, apùnì Isirael mene ina'la hanorinabi wesigin mene atì serogo were'ma, Ala Areagùn oba louk isikomo welagaike.

LAKSASIKE 2:25

At Yesùt hesik Taùt en mel isike: An yì mene tì mene nen nabologo'neanogo ìlùk nopase Etagepogot ebe nera'lu were'ma, ninhùp-nanhùp neileken hiko motok welagirek.

LAKSASIKE 8:21

Ala eilhanem ha'la motok weak ebetì lagen atì nen, nit hagatì lago atì, hat ninom ese asusak lek o.

ÙRÙM 8:4

Alep he, nit higit hogo hagatì logouagalùk, wene Ala nen ninasuk wasike meneat he, weak hagatì lagagu atì. Weak hagatì lagagusi'mo re, hobuk nit apùnì inoabùt wanhì'lek logolìk Ala Areagùn oabùt waganogo higit hagatì lago mene hùgì at isike hak hagatì logouagalùk, weak hagatarek atì arat mabenetsasike atì.