LUKAT 1:20 - Ala Ane Wene Ket Mene Warogo Wo'ninapike Wene

²⁰ Atì'nogo wagarìk wene yogohetì meneat he, eberogoat akìgì'lek atì nen, haga'lasusak higit oba haga'lasigin atì oan haga'lagì'lek werek kolek he, hane palogo pìlìk hane ìgì'lek te'meksek logopik en, hobuk wene atì obogat haga'laganem en, hane huak igin o,” ìlùk yogosike.

LUKAT 1:20 ပူးပေါင်းရင်းမြစ်များ

MAREKÙT 16:14

Atì'nogo hagarìk waga lagaikesik, ebe hobuk he, it at Yesùt agoromì inebeo 11 nen amanogo hùrek sùpùrùk niko were'ma, “Ineileken neoak,” ìlùk inoba kisikesik inelokoma melagaikesik mel yogoisasike: “Hit yoma hina'la nen he, eberogoat ìlùk akìgì'lek hina'la pùgat yoma rì! Ala nen an nebe arat nelugu'napomo were'ma, it aike nen ineileken neegasik yogohisa wagaika meneat he, hina'la nen eberogoat ìlùk akìgì'legat yoma rì!” ìlùk wenagisasike.

MAREKÙT 9:19

Yogosikomo re, at en it apùnì amamogo mel yogoisasike: “Hit apùnì o yogotak welagep mene yì re, hinetaùken noba hìpìrethìgì'lek welagep yì rì! An nepe morogo neki mìren oba ninom logogun nogo. Yekerek arì an noba wolok we'ni o,” ìlùk yogoisasikomo oba wolok wagaukwa.

LUKAT 1:19

at malaikat a'nogo nen he, “An Ala eilhanem metek welagìrek mene netage Kapiriel atì nebe anat o. Hano wene yì yogohesuagalùk, at Ala nen yoko lakhani wagama wagì o.

LUKAT 1:21

Atì'nogo yogoto kolek he, it apùnì olilu sapan iko welagaukwa amanogo nen he, “Sakaria a'nogo olilu motok wùlìbi wagì'lek Ala awi wùrì'mo ouma motok werek atì nayùk e!” ìlùk atì'nogo ikenem,

LUKAT 1:22

Sakaria ebe wùlìbi wagaikesik he, wene ane aike motok yogoisìgì'lek kamo isikomo, it amanogo nen he, “Ap yì Ala awì wùrì'mo nen abìkakan aike hikomo hìgì,” ìlùk hùthasukwa. Atì'nogo ikenem he, at a'nogo aike ane motok ìgì'lek, we eki tùm pìlìng enek ìkì lagaike.

LUKAT 1:45

Nopase Etagepogot en abok yogohesike mene, ebeat asigin o, ìlùk, hetaùken Ala ba hipìrethegen atì, ha'la hai apik hakegein o,” ìlùk yogosike.

LUKAT 1:64

Hogorato kolek aremnogoat, Sakaria a'nogo ane motok huak ìlìk he, ane ìkì logolìk Ala hai watì lagaike.

ÙRÙM 3:3

Mene re, it apùnì Yahuri mene he'nakìt wene atì hologo logolìk inoabùt hùpùn hogo hagatarek lek atì nen nìkì'nogo haga'lasigin akegep. It inoabùt Ala ane hologo logolìk hùpùn hogo logohùk atì nen he, Ala oabùt hùpùn hogo hagaterek mene atì lek arìk obaken nene hagasigin akegep?

2 TIMOTÌÙT 2:13

Mene re, at okawerek en, “An noabùt alep welagì mene atì lek o, ìlùk hùnogoat munenagarek lek atì nen, nit at oba lopoksek logogun lek halok, at en nit ninoba lopoksek motogat welagarek o,” ìlùk, egarek atì eberogoat o.

TITUT 1:2

At Ala nen, yì mene tì mene oan elalhì'lek logolìk, nit apùnì hesik mel isike: “Apùnì an nen elalinabìk he, inebe ineluk motok logouagalùk, hano hagarinabigin,” ìlùk, abok isike atì, “Apeliak ikerek lek,” ìlùk nina'la eberek logolìk, ebe wene yakùlisìkì lago atì.

IBERANI 6:18

Wene hopuk palogo yogoisasike atì re, nit Ala awe a'ma ki wago mene hùgì nina'la nen, “Hano'ninabigin,” ìlùk eberek welago mene ninetaùken hapuk hogo logouagalùk nirat yogonisasike. Abok ìgìk, hopuk palhìk, wene pìre isike atì, nit en he, Ala apeliak ikerek motok lek, ìlùk ninetaùken hapuk hogo logouagalùk yogonisasike atì.

ABÌKAKAN 3:19

Atì'nogo hinasuk watì atì re, it apùnì an netaùken hutik mene hùgì, inebe lopok inasuk warogo labìsake tùgì inoatìrek enek atì nen he, weak hagatì lagep mene atì heraksìlìk, hinoabùt hebelarìk he, akiluk hogo hagatì logoino o.