LUKAT 1:17 - Ala Ane Wene Ket Mene Warogo Wo'ninapike Wene

¹⁷ Ala Areagùn ap Elia atì a'la logolìk omamerogo hagarìk nìkì lagaike mene atì, at Yohanet atì oba louk ìlìk, yekerùgì inopaselak inom, lapuk hogo hisìgìk, wene inesako holùhùk mene it aike wene holìk higit hogo hagatarek mene inoabùt wanuagalùk hagarinapìk, inebe ninopase Etagepogot hesigat logouagalùk tegelogo hisìgìk, igìlùk, at tak ta'larìk atì'nogo hagarìk nìkì logogin o,” ìlùk yogosike.

LUKAT 1:17 ပူးပေါင်းရင်းမြစ်များ

MATÌÙT 11:14

hinetaùkenma tùkùm hogo wanhep halok he, ap Elia ebe wesigin, ìlùk abok isukwa a'nogo re, ebe Yohanet wagaike atìat o.

MATÌÙT 3:3

Atì ìkì lagaike atì re, at Yesaya Ala ane yogoisìkì lagaike mene a'nogo nen yogoisìkì logolìk he, “Ap aike o leimo apùnì le'ma atoma ane wai ìkì logolìk he, Eiga! Ninoe Etagepogot wesiginkwe, kwe hanorogo tegelhìk, kolo mene higit hogo yatìk, ìkì logoni o, ìlùk waisìlì'logo,” ìlùk Yesaya nen ìkì lagaike a'nogo, at Yohanet ebeat wagaike atì.

MATÌÙT 3:4

Wagaikesik, leimo apùnì le'ma atoma logolìk, wam unta esi mene ìkogo re, asu laberìgìk, ogat mene nokologo agauak hagarogo re, pagaluk ìkìgik, ìkì logolìk sùpùrùk na hak he, pulue mene nìkìk, kin amusu ekama mene nìkìk, ìkì lagaike.

LUKAT 1:76

Nen, hat naput yì nen, ninoe Etagepogot wesiginkwe yatì logouagalùk, hat ebalebagìk yoko laga logolìk apùnì yì weak tì weak hagarì'lùgì mene Ala nen ùkùm inoba mene sagalogo legetsìlìk telinabigin atì wene hat en yakùlisamo inelu asigin atì ba, hat habok ìkì logolìk, Esin welagarek mene ane yogoisìlìk niko a'nogo ebe yì, ìlùk ìkì logogun.

YOHANET 1:13

Eserinapikomo, at againapùrì agaukwa atì re, apùnì inagainapùrì taka walok en holelinabìk mep mene logalogo taginaparek atì hak hùk. We, at Ala nenat taginapike o.

YOHANET 1:34

at ebe neileken tùkùm hogo hìgìrìk hùthìgì o. Atì'nogo hùthìgìrìk, at atì Ala aput eberogoat o, ìlùk, abok hit pak hogo yogohisìkì lagì yì,” ìlùk yogoisasike.

YOHANET 3:28

Ap atì nen apùnì telinabuagalùk Ala nen ayoko hìlìk lakhei wesigin isike a'nogo re, an he, lek meneat he, at hobuk wesigìlùk an alebagìk lakhani wagama wagì o, ìlùk, yogohisikenem hit arat hinasuk holhì lagagip akìgì.

LAKSASIKE 10:33

Atì nenat, an neki aike welagì'legat he, ap aike hayoko hoba laksìgìma, hat hoabùt hano nen kamo ìgì'lek hano wagen, noe. Nit obogat yogotak Ala eilhanem welago yoma re, ninoe Etagepogot en, Wene yogoisano, ìlùk yogohete mene, wene atì obogat ninasuk holuogolùk welago, noe,” ìlùk yogosike.

ÙRÙM 9:23

It atì hesik atì'nogo epe morogo logolìk, nit hesik mel akìlì'logo: “It aike netawì mene hanorinabigìlùk emakum elalinapigi atì, hano motok hagarinabigin mene inelu unak o,” ìlùk akikerek.

KOLOSE 1:12

ninopase Ala hai watìk, ìkì logousak atì. At ninopase nen, at againapùrì aike hinomat lìa ba hinawìwerek logouagalùk hagathinapikomo welagep atì nen, arat hai watì logousak atì.

2 TIMOTÌÙT 2:21

Ati hak he, sa nen okawerek en weak hagatarek mene atì horogo hebisìlìk, ebe Ala hesik hisìlìk were'ma, at enat yì mene tì mene hano mene hagasigìlùk, “Arat hano,” ìlùk, ayoko hegein atì.

1 PETERÙT 2:9

Mene re, hit enek he, “At Ala nen hano haga'ninabì'logo,” ìlùk abok yogoisìlìk loagalùk, hinebe o mùmmo were'ma, at ebe elalinat lìa motok welagarek oba wesuagalùk hinayoko hesikesik, hit at againapùrì asuagalùk wenakhinapìk, at ebe esewerek kaintek logouagalùk menhikìgìk, hinùkùl etage at okawerek ùkùl etage mene salogo hikìgìk, “Nokawerek nagainapùrì,” ìlùk hinebe wokhinapìk, isike atì.

1 YOHANET 2:28

Nagainapùrì e. Karìsùt wesigin atì like ebe waganem he, nit ninekalì agì'lek, ninayù'legat, at elokoma awe a'ma kuok en, hit at hinom hutik motok logoino o.

ABÌKAKAN 20:4

Atì'nogo hìgìrìk oba nen, opolik he, ap kaintek inobùlùk apik were'ma atoma inebe apigat kain logolìk, apùnì aike inawe a'ma hisìlìk hagisek logolìk ùkùm inoba hìgìk, kotìk, ìkì logouagalùk esewerek hisagama isìgì. Nen, aike hìgì re, it apùnì yeke lo yeke hake hùko mene a'nogo mel, sukwan at ebe hake hagarek a'nogo mel, hogorinapì'lek, etage salek helal waganek a'nogo inetaùken wekelogo ineilhaken oba he a? Ineki ba he a, wanhì'lek heraksìlìk, Yesùt hagatì lagaike mene yogoisìlìk negarek hesik ho, Ala ane hesik ho, inalokop palogo inoasukwa mene arat inapotkwe inelugurinabìk, menhisikesik, at Karìsùt inom apùnì aike inawe a'ma hisìlìk hagisek, mo lagagik pìgìk iko kolek 1.000 tahun welagaika isìgì.