LAKSASIKE 9:3 - Ala Ane Wene Ket Mene Warogo Wo'ninapike Wene

³ Atì'nogo yogosikomo, wogosikomo re, waga lagaikesik, o kota Tamìsìk atoma horok hogo kigin ha'ma re, pogot oba nen aike omake hesigat, at era'lukwe apipin lìarogo yasi pi wagaike.

LAKSASIKE 9:3 ပူးပေါင်းရင်းမြစ်များ

1 KORÌTÙT 15:8

Atì'nogoo inelokoma melarìk waga lagaikesik, hobuk ebe hobuk he, an omalik inetawì akutmo tago mene hake meneat he, nelokoma melagaikomo neileken hasigiat.

LAKSASIKE 22:6

An o kota Tamìsìk horogat legein ha'ma re, likene omake hesigat pogot oba nen apipin motok apik mene an nera'lukwe yasi pi wagaike.

ABÌKAKAN 21:23

Nen, o kota atoma Ala apopok yatìk, Topa Eak a'nogo esage hake yatìk, lìarogo yato kolek nogo nen he, mo mel, tugi mel, yatì logousak legat welaga hìgì.

1 TIMOTÌÙT 6:16

Nen, at ebe wa'lagì'lek esok motok welagarek he, at aligat o. At ebe o lìa ba motok were'ma, ineileken siluk pabuk ìlìk, oba horok hogo lasak mea. At ebe apùnì aike nen ineileken hìgì'legat. Atì'nogo hasak mea. Omame motok logogin mene atì, hogorato motok logouok o, ìlùk “Amin,” ìgì atì.

ABÌKAKAN 22:5

Nen, Ala ebe apopok it inebe lìarinapo kolek nogo nen he, a hùako legat, nen esage mel, mo mel, yatì logousak legat, werek kolek, it kaintek inetagepogot logolìk, apùnì aike inawe a'ma hisìlìk hagisek moto'-motok logogun isìgì o.

LAKSASIKE 9:17

Atì'nogo yogosikomo, at Ananiat a'nogo lagaikesik he, ouma kìlìk, eki Saùlùt oba sebelhì logolìk he, mel yogosike: “Saùlùt, nagaiyak. Ninoe Etagepogot Yesùt, hat o yoma wesigìlùk kwe ba waganem, helokoma melagama, heileken hegen mene a'naga nen, hat heileken hekenagìk, Ala Areagùn ha'la peserogo ki wagìk, uagaluk lakhani wagama wagì o,”

LAKSASIKE 9:27

Atì'nogo werek kolek, at Parenapat en Saùlùt ebe wanhikesik wolok he, it ap Yesùt en inebe weteberogo inayoko hìlìk laksasike mene amanogo aike inoba lagaike. Wolok lìlìk he, mel yogoisasike: “Ap yì re, kwe ebekwe laga logolìk, ninoe Etagepogot eileken hasikomo, at en wene tì'nogo yogotomo nen, at ebe o Tamìsìk logolìk, ayù'legat Yesùt etage palogo wene pak hogo yogoisìkì laga mene wolok wagì o,” ìlùk pìlìngìrogo yogoisasike.

1 KORÌTÙT 9:1

An nalepma welagìrek lek nogo? At Ala nen nayoko hìlìk lakhani wagaike lek nogo? Ninoe Etagepogot Yesùt ebe an neileken hìgì'lek nogo? Ninoe Etagepogot neperak hutik logolìk hagatì mene, hinebe welagep atì lek nogo?