LAKSASIKE 9:27 - Ala Ane Wene Ket Mene Warogo Wo'ninapike Wene

²⁷ Atì'nogo werek kolek, at Parenapat en Saùlùt ebe wanhikesik wolok he, it ap Yesùt en inebe weteberogo inayoko hìlìk laksasike mene amanogo aike inoba lagaike. Wolok lìlìk he, mel yogoisasike: “Ap yì re, kwe ebekwe laga logolìk, ninoe Etagepogot eileken hasikomo, at en wene tì'nogo yogotomo nen, at ebe o Tamìsìk logolìk, ayù'legat Yesùt etage palogo wene pak hogo yogoisìkì laga mene wolok wagì o,” ìlùk pìlìngìrogo yogoisasike.

LAKSASIKE 9:27 ပူးပေါင်းရင်းမြစ်များ

LAKSASIKE 4:36

Atì'nogo hagatì logolìk he, ap aike etage Yùsùp. Ùkùl etage Lewi mene. Ana o etage Siperùt mene, it ap Yesùt en inebe weteberogo inayoko hìlìk laksasike mene amanogo nen, nit ninane ba etage Inetaùkensebele ìlùk u hak, it inane ba etage Parenapat salhukwa.

LAKSASIKE 4:29

Mene re, ninopase. Nit ninoasuogolùk ìlì'lùgì atì heileken isan o. Nit hagoromì yoma wene hat en isigin mene atì, ninayù'lek hogo yogoisìkì logouagalùk homame wo'nisan o.

LAKSASIKE 4:13

It Peterùt Yohanet eperak inayù'lek logolìk, wene pak hogo atì'nogo yogoisikenem he, it ap amanogo nen hogorinapì logolìk he, “Ap yì sekola yakùlhì'lek. We, inokot ouma meneat he, Yesùt inom nìkì lagaika mene a'nogo nen hìgì,” ìlùk huthasukwa.

KALATIA 2:13

At ane pìre logolìk hek hogo wùlìpike hak, it apùnì Yahuri mene he'nakìt inebe obogat inom wùlìpì logolìk he, at Parenapat a'nogo a'la kagalogo hobuk it inane pìre mene atì lapo ìlùk wùlìpikeat.

KALATIA 2:9

Atì'nogo hùthinasukwasik he, it Yakobùt mel, Peterùt mel, Yohanet mel, Ala againapùrì nen he, “Nit ninogogì it werek,” ìlùk egarek mene nen he, “Hit en he, wene apùnì etakwe mene yogoisìlìk lano. Nen, nit en he, apùnì inogat inekalìma mene palek mene hesik yogoisìlìk logoin. Ninom hutigat hagatì logouok,” ìlùk he, Parenapat neperak nineki hak-hak hai wa'ninapukwa.

1 KORÌTÙT 15:8

Atì'nogoo inelokoma melarìk waga lagaikesik, hobuk ebe hobuk he, an omalik inetawì akutmo tago mene hake meneat he, nelokoma melagaikomo neileken hasigiat.

1 KORÌTÙT 9:6

Ì a, at he, it atì yabu wanhì'lek welegat werek kolek, an Parenapat neperak ninaligat enek yì mene tì mene nineki ba nen set kalogo herakasak akegep?

LAKSASIKE 15:2

Wene atì'nogo yakùlisasukwama, at Paùlùt Parenapat eperak en it ap atì mel yogoisasukwa: “Hit en egep atì motok kolo egep o,” ìlùk, inom wene palhìk, serep agìk, apigat isukwa. Wene atì'nogo serep agaukwama re, it atoma mene nen he, Paùlùt Parenapat eperak, it aike inomat o Yerusalem lìlìk he, it ap Yesùt en inebe weteberogo inayoko hìlìk laksasike mene amanogo mel, it ap Ala againapùrì hagisek welagaukwa mene mel, inom en wene atì hesik haluagalùk laksùogolùk isukwa.

LAKSASIKE 13:2

Logolìk he, ineki aike ba Ala againapùrì inom ninoe Etagepogot awe a'ma kìlìk, sùpùrùk nìkì'lek, at hogorato were'ma, Ala Areagùn nen yogoisìkì logolìk, “Parenapat Saùlùt eperak en an hesik hagatì logouagalùk, inayoko hìgìma atì nen he, it inebe weteberogo an hesik hanino o,” ìlùk yogoisasike.

LAKSASIKE 12:25

Ati'nogo hùko aga kolek he, it Parenapat Saùlùt eperak en, apùnì Yerusalem mene arat leberisalùk he, inapotkwe wesuogolùk, ap etage Yohanet ìgìk, Marekùt ìgìk ìkì lagaukwa mene atì wolok wagaukwa.

LAKSASIKE 11:25

Atì'nogo haga'laga kolek he, at Parenapat hobuk at Saùlùt ebe herarìk, o Tarasùt wagaike.

LAKSASIKE 11:22

Atì'nogo hagasukwama, it apùnì aike nen he, “It Yesùt ane wanhasik, inoabùt hebelha o,” ìlùk inabok ìkì lagaukwama re, it Ala againapùrì, o Yerusalem atogotì lagaukwa mene amanogo inasuk holhukwasik he, at Parenapat ayoko hìlìk, ebe o Atiokia lakhei wagaukwa.

LAKSASIKE 9:17

Atì'nogo yogosikomo, at Ananiat a'nogo lagaikesik he, ouma kìlìk, eki Saùlùt oba sebelhì logolìk he, mel yogosike: “Saùlùt, nagaiyak. Ninoe Etagepogot Yesùt, hat o yoma wesigìlùk kwe ba waganem, helokoma melagama, heileken hegen mene a'naga nen, hat heileken hekenagìk, Ala Areagùn ha'la peserogo ki wagìk, uagaluk lakhani wagama wagì o,”

LAKSASIKE 9:29

Yogoisìkì logolìk he, it aike inebe Yahuri meneat he, inane Yunani mene inane ìkì lagaukwa mene wene yogoisikenem, it en hinok wanhenem, oko yogoisìgìk ikenem he, ebe wasuogolùk walhìkì lagaukwa.