LAKSASIKE 9:26 - Ala Ane Wene Ket Mene Warogo Wo'ninapike Wene

²⁶ Atì'nogo pelakhesukwama, at Saùlùt o atoma nen o kota Yerusalem pìlìk he, it apùnì aike Yesùt ane wanhì lagaukwa mene inom omakìma lapuk hogo logouogolùk walhasike meneat he, it obogat en, “At eberogoat Yesùt ane wanhesik en ìlì'logo,” ìlùk hùthìgì'lek en, at ebe inayùk welagaukwa.

LAKSASIKE 9:26 ပူးပေါင်းရင်းမြစ်များ

LAKSASIKE 26:20

Wene atì, emakum it apùnì Yahuri mene o Tamìsìk atoma welagaukwa mene yogoisasigi. Hobuk o Yerusalem lìlìk logolìk, it atoma mene yogoisìgìk, o propinsi Yurea mene obogat yogoisìgìk, isigisik, it etakwe mene yogoisìlìk nìkì lagì. Atì'nogo yogoisìlìk nìkì logolìk he, Weak hagatì lagep mene heraksìlìk hinoabùt hebelarìk hinelokwe Ala wogo'no o. Hinelokwe Ala wogorìk he, hinoabùt apùnì inoabat hebelarìk hagatarek hagat hagatì logoino o, ìlùk yogoisìkì lagì.

LAKSASIKE 9:19

Ima pelakhesikomo re, sùpùrùk nìlìk omame agaike. At Saùlùt a'nogo o Tamìsìk logolìk, apùnì ninoe Etagepogot Yesùt ane wanhukwa mene inom ineki hamùlùat welagaukwa.

KALATIA 2:4

Atì'nogo meneat he, it aike meneat he, ninagaiya'lak Ala againapùrì mene negen haga'larìk hinagasogo ki wìrìk he, ogat ekalìma mene paluagalùk isukwaat. Atì'nogo hinagasogo ki wìrìk he, nit Karìsùt ninom omakeat arìk ninalepma logolìk ninoabùt hagatorek mene atì, it en he, “Ero nìkì'nogo nen haga'lagaikasik hagarì'lùgì,” ìlùk ero herasuogolùk ki wagaukwa atì. Atì'nogo herakìlìk inawe a'ma hinìlìk, it hagatarek mene atì hagatì logouagalùk ineileken nisa ki wagaukwa atì.

LAKSASIKE 4:23

It Peterùt Yohanet eperak a'nogo, ap kaintek amanogo nen ineki hele hikalogo wulaksasukwama re, inerùgì inagaiya'lak Ala againapùrì mene aike amanogo were'ma inoba lagaukwa. Lagaukwasik, mel yogoisasukwa: “It ap Ala esewetek inogogì kaintek amanogo mel, inalugetek amanogo mel, it en wene yì'nogo yogonisaga,” ìlùk pìlìngìrogo yogoisasukwa.

MATÌÙT 24:10

Atìgìnho kolek, it apùnì aike inetaùken Ala ba hìpìrethesukwa meneat he, inebe logolegat ina'la pùk arìk heraksalùk wùlìbìk he, at aike nen at aike wasuagalùk wolok lagìk, aike nen aike anini oba hìgìk, ugun o.

LAKSASIKE 9:25

Kagalek werek kolek, it apùnì Saùlùt ane wanhì lagaukwa mene nen he, o hùako aike sapùl, at ebe mul ugu mene a'la kalhìlìk he, leget pa'leget uan wùrìk oba ako aike pokwe holelek were'ma wulakhìlìk he, kopì kelogo leget aphane pelakhesukwa.