LAKSASIKE 9:20 - Ala Ane Wene Ket Mene Warogo Wo'ninapike Wene

²⁰ Atì'nogo welagaukwa atem sat, o it apùnì Yahuri mene sapan ìkì lagaukwa bakwe kìlìk, wene Yesùt hesik yogoisìkì logolìk he, “At Yesùt atì, ebe Ala apurat o,” ìlùk yogoisìkì lagaike.

LAKSASIKE 9:20 ပူးပေါင်းရင်းမြစ်များ

YOHANET 20:28

Atì'nogo yogosikomo, at Tomat en he, “Egi! Noe, hebe Hetagepogot Ala at hììgì o,” ìlùk yogosikomo,

KALATIA 2:20

Nen, yogotak nebe neluk welagì yì re, nokawerek nomame ba welagì hùk. We, at Karìsùt at na'la logolìk eluk welagarek o. At ebe Ala apurat logolìk, nebe etawì nen an hesigat, “Noasuak,” ìlùk akasike ba ebe wasukwa atì. Nen, an netaùken at oba hìpìrìk were'ma re, at ebe na'la were'ma, neluk welagìrek atì.

YOHANET 1:49

at Nataniel en he, mel yogosike: “Noe. Ala aput nit Isirael mene ninoe kain Hetagepogot harat hììgì o,” ìlùk yogosike.

MATÌÙT 27:43

Etaùken Ala oba hìpìrìk logolìk, An Ala aput o, ìlùk ìkì laga a'nogo re, at Ala nenat teligin akike halok he, telìnìk he,” ìlùk isukwa.

MATÌÙT 4:3

Atì'nogo nele were'ma re, at Ibilit ina'la kagalìk nikerek mene a'nogo oba wìrìk he, “Hat eberogoat Ala aput halok he, helep aroma sùpùrùk horoti mene haga'lasuak en yogosin o,” ìlùk, yogosikomo re,

ABÌKAKAN 2:18

Atì'nogo yogonetesik hobuk mel yogonete: “An Ala aput neileken etu amulok hake, nen, nesok he, tembaga etumo weratenem apipin here-here ikerek atì hake a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Tiatira atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak:

LAKSASIKE 13:14

Lagaikomo nen, it amanogo o Perega atoma nen he, o Pìsìrìa tokwe kota Atiokia atoma lagai wagaukwa. Lagai wìrìk he, ineki Ala hesik welegat logolìk, o apùnì Yahuri mene sapan ìkì lagaukwa ba kìlìk, hù'lagaukwa.

LAKSASIKE 13:5

Wagaukwasik, o Salamit wìrìk he, apùnì Yahuri mene o sapan ìkì lagaukwa bakwe kìlìk, Ala ane yogoisìlìk nìkì lagaukwa. Yogoisìlìk niko kolek, at etage Yohanet ìgìk, Marekùt ìgìk ìkì lagaukwa mene a'nogo nen leberisìkì lagaike.

LAKSASIKE 9:22

Hogorato kolek he, at Saùlùt en, ane omamerogoat ina'la kagalhì logolìk, mel yogoisìkì lagaike: “Ala nen he, Ap aike telhinabuagalùk lakhei wesigin, ìlùk wene wa'nisasike a'nogo ebe re, Yesùt atìat o,” ìlùk pak hogoat yogoisikenem, eberogoat agaikomo re, it apùnì Yahuri mene o Tamìsìk welagaukwa mene atoma nen oko nena u heat inoake palaga lagaike.

LAKSASIKE 8:36

Yogorìk motok ebekwe pìkì logolìk he, i were'ma pisukwasik, at ap kain a'nogo nen he, “I werek yì han. An ima pela'nabusak akìkì lagì. Ì a? At he, kì mene oan welagì akegen,” [

YOHANET 20:31

Atì'nogo meneat he, helal waganek werek yì obogat he, hit en he, Yesùt atì Ala aput, nit apùnì telninabuagalùk wenagasogo lakhei wagaike a'nogo eberogoat, ìlùk hùthìlìk hinetaùken at oba hìpìrethìlìk, at etage palhenem hineluk logouageip ìlùk, helal waganogo hìgì o.

YOHANET 19:7

it ap Yahuri mene amanogo nen he, mel yogosukwa: “At en ìkì logolìk, An nebe Ala aput, isike atì nen, wene Ala nen ninasuk wasike wene, nit en hagatorek atì higit hogo, at ebe wasusak elogat o. Halok he, wasusak akìkì lago,” ìlùk yogosukwa.

MATÌÙT 27:54

Nen, ap tentara mene inoe kain mene mel, agoromì he'nakìt Yesùt era'lu kagalek welagaukwa mene amanogo mel, lugul langathìgìk, yì hake tì hake haga'lagìk, isike amanogo ineileken hasukwasik inayùk apik arìk he, “Ap yì re, Ala aput eberogoat hìgì o,” ìlùk isukwa.

LAKSASIKE 13:46

Atì'nogo isukwa meneat he, it Paùlùt Parenapat aperagat inayù'lek hogoat logolìk he, mel isukwa: “Ala ane atì hit tak yogohisasak obaat yogohisa wago meneat he, hit hinabìt en heraksegesip, hinokawerek en he, Nit nabùlal-habùlal haga'ninabusak he, mea o, ìlùk u hagat ìkì lagep atì nen, nit ninoe Etagepogot en ninayoko hìkì logolìk yogonisasike hagat hagasugun. At en: An nen he, apùnì etakwe mene lìarinapìk, o wùrep oba werek mene telinapìk, igìlùk he, esage kìalek hake, hit hinebe hikìgì o, ìlùk yogonisasike higit hogo, hebek hogoat it apùnì etakwe mene yogoisa logoin o,” ìlùk yogoisasukwa.

LAKSASIKE 14:1

It Paùlùt Parenapat eperak o Ikonìùm atoma logolìk, o apùnì Yahuri mene sapan ìkì lagaukwa ba kìlìk he, wene atì'nogoat yogoisasukwama, inebe logolegat, Yahuri mene lek, Yunani mene lek, wene atì eberogoat ìlùk wanhukwa.

LAKSASIKE 16:13

nineki Ala hesik welegat logolìk, sapan uogolùk, o kota kwe ape pale'ma atoma nen wùlìbìk he, i aik oba atoma apùnì Yahuri mene sapan egarek oba obùlùk aike logousak ìlùk lagagusik herasugu. Atoma hìmì atogorek were'ma ninebe hù'larìk he, ninom wenekak ìkì logolìk wene yogoisasugu.

LAKSASIKE 17:2

Atì'nogo wùrìk were'ma, at Paùlùt o sapan egarek oba wùrìk werek halok kìkì lagaike hagat inoba kisike. Kìlìk he, minggu 3 ba sapan atoma ìkì logolìk, wene Ala ane helal waganek a'nogo ba ina'la kagalogo hinok wogisikenem it en oko yogotìk, ìkì lagaukwa.

LAKSASIKE 17:10

Atì'nogo wulaksasukwama, o hi isikomo re, it Ala againapùrì nen Paùlùt Silat eperak o Perea laksa wagaukwa. Laksa wagaukwama wìrìk he, o apùnì Yahuri mene sapan ìkì lagaukwa ba kisukwa.

LAKSASIKE 17:17

A'la weak arìk he, ninhùp-nanhùp o apùnì Yahuri mene sapan ìkì lagaukwa ba kìlìk, it Yahuri mene mel, welek mene Ala ane wanhukwasik Yahuri mene negen welagaukwa mene mel, at en wene ina'la kagalogo yogoisikenem, it en at oko yogotì lagaukwa. Atì'nogo ìkì logolìk he, apùnì pasar oko wanhare'ma lìlìk, apùnì inom apì arìk, at en wene ina'la kagalhenem, it en oko yogotìk ìkì lagaukwaat.

LAKSASIKE 18:4

Atì'nogo kato inom logolìk, ninhùp-nanhùp Ala hesik ineki welegat logolìk sapan uogolùk ikenem, o apùnì Yahuri mene sapan ìkì lagaukwa ba kìlìk he, it apùnì Yahuri mene lek, Yunani mene lek, Yesùt ane wanuagalùk ina'la kagalhì lagaike.

LAKSASIKE 18:19

Esi atì'nogo palhikesik, o atoma nen o Epesùt lagaukwa. Lagaukwasik he, it Akwila Perisikila eperak atoma hisalùk he, o apùnì Yahuri mene sapan egarek oba kìlìk he, it Yahuri mene atoma welagaukwa mene, wene at en ina'la kagalogo yogoisikenem, it en oko yogotìk, it en at yogotenem, at en oko yogoisìgìk, ìkì lagaukwa.

LAKSASIKE 19:8

Atì'nogo isukwama re, at Paùlùt o apùnì Yahuri mene sapan ìkì lagaukwa ba kìlìk ayù'lek hogo logolìk he, wene Ala nen awe a'ma hisikerek wene a'nogo hùthìlìk wanuagalùk, ina'la kagalogo, wene at en yogoisìgìk, it en oko at yogotìk, ìkì logolìk he, tùgì hinagan welagaike.

KALATIA 1:16

Wena'napikesik he, hano wene aput Yesùt hagasike wene a'nogo apùnì etakwe mene yogoisìlìk nìkì logouagalùk aput ebe nelokoma melagaikomo re, wene apùnì aike inoba hinok wanhì'legat o.

LAKSASIKE 8:37

ìlùk yogosikomo, at Pilipùt en he, “Noe. Hetaùken omakeat logolìk, Yesùt oba hìpìrethegetik egen halok he, ima pelakhabusagat o,” ìlùk yogosikomo, at ap a'nogo nen he, “At Yesùt Karìsùt atì, eberogoat Ala apurat o, ìlùk na'la akìgì,” ìlùk yogosike.]