LAKSASIKE 9:17 - Ala Ane Wene Ket Mene Warogo Wo'ninapike Wene

¹⁷ Atì'nogo yogosikomo, at Ananiat a'nogo lagaikesik he, ouma kìlìk, eki Saùlùt oba sebelhì logolìk he, mel yogosike: “Saùlùt, nagaiyak. Ninoe Etagepogot Yesùt, hat o yoma wesigìlùk kwe ba waganem, helokoma melagama, heileken hegen mene a'naga nen, hat heileken hekenagìk, Ala Areagùn ha'la peserogo ki wagìk, uagaluk lakhani wagama wagì o,”

LAKSASIKE 9:17 ပူးပေါင်းရင်းမြစ်များ

LAKSASIKE 8:17

Atì'nogo Ala ayoko hìkì logolìk, ineki inoba sebelhenem he, Ala nen Areagùn wogisasikomo helasukwa.

LAKSASIKE 6:6

inebe 7 atem heragasogo hisìlik he, it ap Yesùt en inayoko hìlìk laksasike mene amanogo inoba hisa wagaukwa. Hisa wagaukwama, it en ineki inùkùloak sebelogo sapan isukwa.

LAKSASIKE 2:4

Ineileken atì'nogo hiko kolek, Ala Areagùn it obogat ina'la peserogo kisike. Kìlìk he, Ala Areagùn nen, “At atì ane tì'nogo ìkì logouak,” ìlùk akasike higit hogoat, it apùnì aike inane ba uagalùk yakùlisiko kolek elalinat ìkì lagaukwa atì.

1 TIMOTÌÙT 5:22

Apùnì aike Ala hesik hagatì logouagalùk, inùkùloak hepok-hepok sebelinapì logogùn o. Nen, it aike weak hagatenem hinom hagatì'lek heil lopok hogo logoino.

LAKSASIKE 13:52

Ki lagaukwama, apùnì o Atiokia atoma mene Yesùt ane wanhukwa mene hùgì Ala Areagùn ina'la peserogo kisikomo ina'la hai apik hakasukwa.

IBERANI 6:2

Ima pagarek wene atì yakùlhìk, inùkùl sebelharek wene atì yakùlhìk, wa'larì'mo Ala nen ninelugu'ninabigin wene atì yakùlhìk, elùgùn oba ùkùm ninoba hìgìk, kotìk, ikenem moto'-motok logogun wene atì yakùlhìk, isugu mene atì ninane etenogo hobuk yakùluok legat o.

PILEMON 1:16

At hobuk hat heperak logogun atì, ebe hatitigeke logolìk, hat hesik hagatì logogin meneat he, atì nek hùk. At he, at ebe Ala aput agasik ninagaiyak ninetawì meneat logogin atì. At en he, an netawì meneat logolìk, an hesik hano motok hagarì'logo atì, hamùlùgat o. Hat hesik enek he, at ebe kweangma hatitigeke logolìk, hagaiyak heperak ninoe Etagepogot hinom hutik logogun atì nen, ebenageik hetaùken tùlem motok logogin o.

2 TIMOTÌÙT 1:6

Atì'nogo hìpìrìk welagen atì nen he, an nen neki hùkùl sebelhenem, Ala oabùt hano nen, “Hat tì'nogo hagatì logoino,” ìlùk hoabùt wokhesike mene atì, etu hìrìmìtarek hak, ha'la agaken hogo arìk logoinogolùk ha'la kagalogo yogohetì o.

1 TIMOTÌÙT 4:14

Hat hesik hageat it ap Ala againapùrì serisek welagaikarek mene nen ineki hùkùloak sebelho kolek, it ap Ala ane yogoisagarek mene nen mel isukwa atì: “Hat hobuk tì'nogo hagatì logoino,” ìlùk, yogohesukwa higit hogo, Ala oabùt hano nen ninoabùt lopok wo'nisikerek a'nogo hat wokhesike mene atì ba hagatì'lek hobaken nen hìgìk heraksagun o.

1 KORÌTÙT 15:47

Ala nen emakum ap Aram atì ebe kweang lobulongeke mene elalhikesi'mo re, oabùt kweang meneat o. Meneat he, ap Aram hobuk mene atì pogot oba nenat wagaike.

1 KORÌTÙT 15:8

Atì'nogoo inelokoma melarìk waga lagaikesik, hobuk ebe hobuk he, an omalik inetawì akutmo tago mene hake meneat he, nelokoma melagaikomo neileken hasigiat.

ÙRÙM 15:7

Apùnì nen at Ala hogoratì logouagalùk, at Karìsùt en hit hinebe wokhinapike hak, hit aike nen it aike woginapìk, it aike nen hit aike wokhinapìk, hit-hit wok-wok ìkì logoino o.

LAKSASIKE 26:15

Atì'nogo yogonesikomo, an nen he, Eige. Noe. Hat sa, ìlùk yogosigi. Yogotenem ninoe Etagepogot en he, An Yesùt. Yì aik tì aik haga'nabigìlùk mù'narek nìkì lagen mene a'nogoat o.

LAKSASIKE 21:20

Yogoisasikomo, Ala hagasike mene atì hogorasukwa. Hogorasukwasik, Paùlùt yogotì logolìk he, “Paùlùt nagaiyak. Apùnì Yahuri mene inebe 1.000 hake nek hùk. Motok apigat inetaùken Yesùt oba hìpìrethagasik werek o. Logolìk he, wene Ala nen ninasuk wasike wene a'nogo it obogat en hesogo logouogolùk inomamerogo hagarì'lùgì atì hat helu akìgì.

LAKSASIKE 19:6

Pelaginapukwama, at Paùlùt en eki inùkùl sebelhenem he, Ala Areagùn inoba pi wagaikomo, it en he, wene it aike inane inokot mene ba elalinat ìgìk, Ala ane it aike yogoisìgìk, ìkì lagaukwa.

LAKSASIKE 13:3

Yogoisasikomo re, sùpùrùk nìkì'lek sapan ìkì lagaukwasik en, ineki it Parenapat Saùlùt eperak inùkùloak sebelogo laksa wagaukwa.

LAKSASIKE 10:36

Ma re, nit apùnì obogat ninoe Etagepogot Yesùt Karìsùt en lapuk hogo hinoagalùk, wene hano wene atì, ebe nit apùnì Yahuri mene ninoba lakhei wagaike atì hinelu o.

LAKSASIKE 4:31

Atì'nogo Ala ayoko hìkì lagaukwama re, o it atogorek welagaukwa ba atì abolok isike. Abolok ìkì logolìk he, Ala Areagùn inebe obogat ina'la peserogo kisikomo, wene Ala nen isike mene apùnì inayù'legat yogoisìkì lagaukwa.

LUKAT 15:32

Meneat he, hat hagot yì re, wa'laga akogo mene re, eluk a'lùk waga o. Nalaga mene herakogo o, atì nen he, nina'la hai hakìkì logolìk hagasusak meneat hagatì lago, ìlùk yogosike,” ìlùk Yesùt en yogoisasike.

LUKAT 15:30

Meneat he, hat haput arì hìmì yùgùnat haksìlìk nìkì logolìk hat wa'lasumo hamìnìngeke ese mene asusak mene higit hogo wogoten mene a'nogo motok nalek-halek hogo hebisalùk waga mene arì nek he, wam sapi eak otolik hano mene a'nogo warogo aganeke isaten yì rì! ìlùk yogosikomo,

LUKAT 2:11

Yogotak telhinabigin mene kain Etagepogot Karìsùt a'nogo o ap Taùt awì sili welagaike ba a'nogo ta'lagasik werek o.

LUKAT 1:76

Nen, hat naput yì nen, ninoe Etagepogot wesiginkwe yatì logouagalùk, hat ebalebagìk yoko laga logolìk apùnì yì weak tì weak hagarì'lùgì mene Ala nen ùkùm inoba mene sagalogo legetsìlìk telinabigin atì wene hat en yakùlisamo inelu asigin atì ba, hat habok ìkì logolìk, Esin welagarek mene ane yogoisìlìk niko a'nogo ebe yì, ìlùk ìkì logogun.

MAREKÙT 6:5

Atì'nogo hagasukwa atì nen, at Yesùt o atoma logolìk elalin mene aike hagatì'lek kamo isike. We, apùnì ou inoba mene inebe hamùlùgat enek eki hagisìlìk hagarinapike.

MATÌÙT 19:13

At Yesùt en atì'nogo yogoisasikesik were'ma, it apùnì aike nen inagainapùrì at an eki inùkùloak sebelogo sapan inoba houagalùk oba wogisek wagaukwama re, at agoromì ane wanhì lagaukwa mene amanogo nen wenagisasukwa.

MAREKÙT 5:23

“Yesùt noe. An na'logo ebe oan mene oba ou en wa'lasigìlùk iko kolek wagì. Hat en heki hakamo ebe hano arìk eluk logouak en, neperak lùogolùk hayoko wagì o,” ìlùk ane elageik ane yogosike.

LUKAT 1:41

Maria nen hai watenem Elisabet asuk holho kolek aremnogoat he, eak a'ma mene a'nogo hogoil hasike. Atì'nogo iko kolek, Ala Areagùn, he Elisabet a'la peserogo kisike.

LUKAT 1:67

At Yohanet opase Sakaria a'nogo Ala Areagùn a'la peserogo kisikomo Ala wene ìkì logolìk he, mel isike:

LAKSASIKE 9:18

ìlùk yogotenem aremnogoat, at eileken oba hìlìk welagaike mene nokok hogo pìlìk he, eileken hano agaike. Hano arìk, ebe mel agaikomo re, ima pelakhesike.

1 KORÌTÙT 9:1

An nalepma welagìrek lek nogo? At Ala nen nayoko hìlìk lakhani wagaike lek nogo? Ninoe Etagepogot Yesùt ebe an neileken hìgì'lek nogo? Ninoe Etagepogot neperak hutik logolìk hagatì mene, hinebe welagep atì lek nogo?

2 PETERÙT 3:15

Atì'nogo hagatì logolìk, hina'la nen he: “Ninoe Etagepogot etaùken uan nen, hepok wagì'lek oan werek atì re, telninabigìlùk eram enat oan se'nisek werek,” ìlùk hina'la akano. At ninoe Paùlùt ebe ninetawì mene a'nogo Ala nen a'la kagalhìkomo wene atì'nogo ìlùk helal waganogo hinoba lakhei wagaike atì.