LAKSASIKE 8:40 - Ala Ane Wene Ket Mene Warogo Wo'ninapike Wene

⁴⁰ Nen, at Pilipùt Ala Areagùn nen wolok o Asitot atoma hei wagaikomo logolìk, epe hebelagaikesik, o atoma nen he, o sili obogat oumakwe ya kìgìk, ta kìgìk, wene hano wene yogoisìlìk, o kota Kaisarea lagai wagaike.

LAKSASIKE 8:40 ပူးပေါင်းရင်းမြစ်များ

LAKSASIKE 21:8

Ninom welagagusik, hùenkwe re, o Kaisarea lagagusik, it ap inebe 7 nen hageat o Yerusalem en weteberogo hisìlìk menhisasukwa amanogo mene aike hano wene yogoisìlìk nìkì lagaike mene etage Pilipùt were'ma, aua kìlìk ninom welagagu.

LAKSASIKE 25:4

Atì'nogo yogosukwa meneat he, at Pesetùt en he, “At Paùlùt eki hele warek o Kaisarea atomaat logouak. Were'ma, an yoma welagì'lek hepogat legein o.

LAKSASIKE 23:33

Lagaukwama, it wolok wagaukwa mene amanogo o Kaisarea wìrìk he, surat palek a'nogo ap kain gubernur wogorìk he, Pùlùt ebe inom wogosukwa.

LAKSASIKE 23:23

Atì'nogo hagasikesik, ap tentara esa logolhì lagaukwa mene inoe kain a'nogo nen he, ap kaintek at awe a'ma welagaukwa mene inebe pìre waisasikesik he, mel yogoisasike: “Hit en ap tentara mene inebe 200 mel, wam kuda oba inebe hùrek logolìk weim yaparek mene inebe 70 mel, sike sìge ba inoatarek mene inebe 200 mel, inom logolegat atogorinabìk he, yogotak hùako jam 9 o Kaisarea loageip en ìlùk weteberogo hisano.

LAKSASIKE 10:1

O Kaisarea atoma ap esa hùko tentara mene etage ap Italia esa ìlùk ìkì lagaukwa mene ap aike inoe kain mene etage Korenelìùt welagaike.

ÙRÙM 15:19

At ebe hathoagalùk yì mene tì mene hagatìk, hogorasuagalùk yì mene tì mene elalhìk, omamerogo isike. Ala Areagùn a'nogo omame baat hagasike atì. Hagato kolek he, an he, o Yerusalem a'loma nen lagakpagak pìkìt o Ilirikum a'loma, at Karìsùt wene hano wene atì tùkùm hogo yogoisìlìk wagì.

LAKSASIKE 25:13

Atì'nogo isukwasik he, ineki hamùlùgat were'ma nen, ap kain etagepogot Agarìpa erei Perenike eperagat, ap Pesetùt hai wasuogolùk oba o Kaisarea wagaukwa.

LAKSASIKE 25:6

Atì'nogo yogoisasikesik, eki 8 en he a? 10 nen he a. Inom o Yerusalem welagaukwasik en, o Kaisarea wagaike. Wagaikesik, hùenkwe re, o apùnì ùkùm inoba hìgìk, kotìk, ìkì lagaukwa ba hù'lasi kìlìk, agoromì nen Paùlùt ebe wolok wesuagalùk yogoisasike.

LAKSASIKE 25:1

Ap Pesetùt a'nogo menhesukwama, o Kaisarea atoma wagaikesik he, eki hìnagan welagaikesik en, o Yerusalem lagaike.

LAKSASIKE 21:16

Laga logolìk, it apùnì o Kaisarea mene Yesùt ane wanhukwa mene aike ninomat lagagu. Ninom lagagusik, it en wo'nisek, ap aike etage Manason, aua ero o Siperùt mene, Yesùt ane hageat en wanhikesik o Yerusalem were'ma, at en wo'ninabìk aua logouagalùk, wo'nisek kisukwama atoma ap pogat welagagu.

LAKSASIKE 12:19

Inane atì'nogo sagalhukwama, at kain Herotet a'nogo nen Peterùt ebe herasuagalùk ap aike yogoisasikomo herasukwa mene, ebe legat en he, it ap tentara kagalek welagaukwa mene amanogo inanema wokhìlìk he, inebe motok inoasuagalùk agoromì aike inayoko hesike. Inayoko hesikomo inebe inoasukwama re, at ebe o Yurea nen he, kota Kaisarea lagai wagaikesik welagaike.

LAKSASIKE 10:24

Waga logolìk, ebekalem ineki omakeat nogo ìlùk he, o Kaisarea wagaukwa. Waga kolek, at Korenelìùt inelokoma logolìk he, at ogogì agoromì mel, erùgì agaiya'lak at inom ekabe mene mel, inayoko hesikomo re, obogat atogosukwasik were'ma wagaukwa.

LAKSASIKE 8:25

Atì'nogo yogoisasikomo, it Peterùt Yohanet eperak en he, wene inelu mene tùkùm hogo ìkì logolìk, ninoe Etagepogot ane yogoisìkì lagaukwasik, o atoma nen he, hano wene atì, o Samaria o sili logolegat ya yogoisìgìk, ta yogoisìgìik, inapotkwe o kota Yerusalem lagaukwa.

LAKSASIKE 9:30

Wasuogolùk walhiko kolek, it Ala againapùrì it-it inerùgì inagaiya'lak inom omakeat mene aike nen, Saùlùt ebe o Kaisarea wolok wagaukwasik he, atoma nen o Tarasùt lagai wesuagalùk lakhei wagaukwa.

LAKSASIKE 11:11

Atì sat, ap inebe hìnagan o Kaisarea nen laksa wagaikama, o an ap pok were'ma wagaika.

LAKSASIKE 18:22

O Kaisarea lagaikesik he, Ala againapùrì o Yerusalem mene hai warinabi lagaikesik he, hobuk apotkwe o Atiokia wagaike.