LAKSASIKE 8:32 - Ala Ane Wene Ket Mene Warogo Wo'ninapike Wene

³² Yogosikomo, oba hù'lasi lagasikesik eileken hìthasike hak he, ap a'nogo helal mel ìlùk wagane'ma etage salhenem hasike: “At he, topa wam wasuogolùk wolok lagaikarek atì hak wolok lagaika o. Wolok lìlìk, topa eak esi paluogolùk ikenem, ane legat kamo ikerek atì hak, at atì ane aike ìgì'lek kamo ike o.

LAKSASIKE 8:32 ပူးပေါင်းရင်းမြစ်များ

ÙRÙM 8:36

Wene atì higit hogo Ala ane ba helal wanhì logolìk, mel isukwa: “Hat hesigat he, apùnì nen likene hutik, hùako hutik, ninoasuogolùk haga'ninapo motogat werek o. Apùnì nen topa warn wasuogolùk abok palharek atì hak, ninabok palhoat werek o,” ìlùk helal waganogo hesukwama werek.

YOHANET 1:29

Wene atì'nogo isukwasik, nogo ìlùk, hùenkwe, at Yesùt Yohanet oba waganem eileken lakhìlìk he, wene mel yogoisasike: “Ala ako topa mene nit apùnì kweangma weak hagatorek mane korogo heraksegein mene a'nogo waga a'lì hineileken lakhani.

1 PETERÙT 1:19

At he, oko hùko mene ba palogo telhinapike o. Wam topa wam eak weak mene hùk, we, hano otolik mene Ala hesik amep wulagasogo waresu hak, at Karìsùt amep wulagasogo wa'lagaike atì ba, hinoko palogo telhinapike atì.

LUKAT 23:34

Atì'nogo menhisasukwama logolìk, at Yesùt en Ala mel yogosike: “Nopase e! It yì inokot logolìk haga'nabì'lùgì yì re, ùkùm inoba hìgì'lek sagalogo heraksano o,” ìlùk yogosike. Nen, it ap tentara mene amanogo nen he, atì'nogo menhisìlìk, “At Yesùt asu nokolek amanogo sanì hak asugun,” ìlùk he, oageke lakhìgìk, wakhìgìk, isukwasik, oageke inoba agaike mene hùgì sùpùrogo helasukwa.

LAKSASIKE 8:31

at en he, “Wene atì ebe sa nen sekek hogo yogonesumo nen hathasak,” ìlùk yogosikesik he, “Hat neperak puok en, ya hù'lasi lagai me o,” ìlùk yogosike.

1 KORÌTÙT 15:3

Wene emakum an yakùlnesukwama, wanhigi meneat hit hobuk yakùlhisasigi atì re, ebe mel akìgì. Nit weak hagatì lagagu mene hesik, at Karìsùt nineki elùgùn oba wasugun ìlùk helal waganogo hesukwa higit hogoat ebe wasukwa atì.