LAKSASIKE 8:26 - Ala Ane Wene Ket Mene Warogo Wo'ninapike Wene

²⁶ O kota Yerusalem lagaukwasi'mo re, malaikat ninoe Etagepogot en yoko pelaksa wagarek mene aike Pilipùt oba pi wagaikesik wene yogotì logolìk he, “Hat hebe siak hogo, kwe o Yerusalem en o Kasa i apùtmo higit pagarekkwe, apùnì inelokwe lekkwe atìkwe pino,” ìlùk yogosikomo re, siak hogoat pisike.

LAKSASIKE 8:26 ပူးပေါင်းရင်းမြစ်များ

LAKSASIKE 5:19

Hisasukwama, were'ma re, malaikat ninoe Etagepogot en yoko pelaksa wagarek mene amanogo aike hùako pi wagaikesik he, o apùnì ineki hele warek hisagarek oba, kwe yagarek mene hua'lapuk hìlìk inebe wogisek wùlìbi wagaike.

IBERANI 1:14

Ala agoromì malaikat atì inebe re, nìkì'nogo hagatarek mene nogo. It inebe re, nit Ala nen telninabigin mene hùgì lebe'nisìkì logouagalùk, at en inayoko hìlìk laksa wagarek meneat o.

LAKSASIKE 10:22

Atì'nogo yogoisasikomo, it en he, “Ap tentara mene esa logolharek mene inoe kain etage Korenelìùt, atì nen lakhina wagama wago. At atì oabùt higit hogo hagatìk, Ala ebe ayùk hogo welagìk, ikenem, it apùnì Yahuri mene obogat en oabùt palharesik he, atì'nogoat abok hano egarek. At ati atì'nogo hagatenem, malaikat Ala nen yoko pelaksa wagarek mene amanogo aike nen he, Peterùt atì nen wene hat hasuk holusak mene yogohesigin werek o, ìlùk hat hayoko lakhina wesuagalùk yogotomo, at en lakhina wagama hoba wago o,” ìlùk yogosukwa.

LAKSASIKE 10:7

Arat yogo'lùk he, malaikat Ala nen yoko pelaksa wagarek mene a'nogo wùlìpikesik lagasikomo re, at Korenelìùt en, atitigeke mene aua welagaikarek mene inebe pìre mel, ap aike ebe tentara, ekaragùn mene Ala ebe hogoratì logolìk Korenelìùt wolok nìkì lagaike mene atì mel, waisasike.

LAKSASIKE 8:5

Atì'nogo yogoisìlìk pùgùlhì logolìk he, at Pilipùt o kota Samaria atoma wagaikesik, wene mel yogoisasike: “Ala nen he, Ap aike telhinabuagalùk lakhei wesigin, ìlùk wene wa'nisasike a'nogo, ebe lakhei wagama wagasik tì'nogo hagate,” ìlùk abok yogoisìkì lagaike.

LAKSASIKE 8:29

Atì'nogo salìk piko kolek he, at Ala Areagùn nen Pilipùt yogotì logolìk he, “Kereta oto hake atì pikenem agap hakha lìlìk oba horok hogo lan o,” ìlùk yogosike.