Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




LAKSASIKE 8:21 - Ala Ane Wene Ket Mene Warogo Wo'ninapike Wene

21 Ala eilhanem ha'la motok weak ebetì lagen atì nen, nit hagatì lago atì, hat ninom ese asusak lek o.

အခန်းကိုကြည့်ပါ။ ကော်ပီ




LAKSASIKE 8:21
19 ပူးပေါင်းရင်းမြစ်များ  

Ala eilhanem he, yì mene tì mene at en elalhike mene aike hinago werek nogo? Motok lek o. We, at eilhanem he, yì mene tì mene obogat he, weinam hukalek motok welagarek atì nen, nit hagatì lago mene, at elumo re, ninoba lopogat ninom ugun o.


Anema eki pìre ba wokhasikesik hobuk anema aike mel wokhasike: “Simon Yohanet aput nagot e. Hat en an nebe hetawì a?” ìlùk, anema atì'nogo eki pìre ha wokhasikesik en, hobuk aike ba, “Hat en an nebe hetawì welagen a?” ìlùk yogosike atì nen he, a'la kolo agaikomo, at en Yesùt mel yogosike: “Noe. Hat he, yì wene tì wene obogat helu o. Halok, an nen noe hebe netawì welagì atì, hat helu o,” ìlùk yogotì lagaikomo, at Yesùt en he, mel yogosike: “Halok he, an nako topa hanorogo serisek logoino o,” ìlùk yogosike.


Nen, sa nen yì wene tì wene hobuk haga'lasigin mene yogonete mene helal wanhì mene yì werek kolegat he, wene atì mene aike sebelogo pelape halok he, e eken nikenem inelugurinaperek mene atì eken aike at noagalùk werek meneat he, Ala nen he, Hat nasak lek, ìlùk, yogotìk, nen, o Ala okawerek awì kota a'nogo at atì esewerek arìk wùlhìk-kìgìk ìkì logouagalùk werek meneat he, Ala nen, Hat kusak lek, ìlùk, yogotìk, igin,” ìlùk yogohisìgì atì o.


It apùnì emakum wa'lagaukwa mene aike hobuk warek motok logouagalùk ùkùm inoba hìlìk inoasumo wa'lasugun. Meneat he, it aike emakum inapotkwe inelugurinabìk, inebe Ala hesik hisegein mene atì nek he, ina'la motok hai hakogoin o. It atì hobuk wa'lagì'lek logolìk, inebe Ala mel, Karìsùt mel, eperak esewerek arìk, o mo lagagìk, pìgìk, iko kolek 1.000 tahun oba, it Karìsùt inom apùnì aike inawe a'ma hisìlìk hagisek logogun isìgì.


Atì'nogo hagatenem, it Ala againapùrì o yì awì tì awì atogotarek mene obogat en ineileken hìlìk, it en he, At Ala re, apùnì ina'la ebetarek mene atì mel, inetaùken kagalharek mene atì mel, elumo re, apùnì ninebe lopok ninoabùt hagatorek mene higit hogoat ùkùm ninoba hìgìk, oko wo'nisìgìk, igin o, ìlùk, an hùthanuagalùk, it apùnì at he atì ane wanharek mene inebe inoasiginat o.


It agwe eperak atì re, ninopase Etagepogot en, “Yì'nogo haga'no, tì'nogo haga'no,” ìlùk, yakùlnisìgìk, ninasuk watìk, isike mene a'nogo, motok higit hogoat hagatì lagaukwama re, at Ala nen he, “It atì inoabùt hano motok,” ìlùk, enagat eileken isìkì lagaike.


It apùnì pailak haksagarek mene mel, inekalì lek weak hagatarek mene mel, “Yì mene tì mene an mene nek logoilep,” ìlùk ina'la nen akìlìk hagatarek atì, tùgì hareken oba hìpìrìk logolìk hagatarek hagat hagatarek halok, Karìsùt Ala eperak inawe a'ma hisikenem welagaikarek oba atoma esewerek asugun motok lek o, ìlùk, hanorogo hina'la akano.


ìlùk yogosikomo, at Pilipùt en he, “Noe. Hetaùken omakeat logolìk, Yesùt oba hìpìrethegetik egen halok he, ima pelakhabusagat o,” ìlùk yogosikomo, at ap a'nogo nen he, “At Yesùt Karìsùt atì, eberogoat Ala apurat o, ìlùk na'la akìgì,” ìlùk yogosike.]


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ