LAKSASIKE 8:14 - Ala Ane Wene Ket Mene Warogo Wo'ninapike Wene

¹⁴ Atì'nogo hagasukwama, apùnì nen he, “Apùnì o Samaria mene Ala ane wanha o,” ìlùk ìkì lagaukwama, it ap Yesùt en inebe weteberogo inayoko hìlìk laksasike mene amanogo, o Yerusalem logolìk, inasuk holhukwasik he, Peterùt Yohanet eperak apùnì Samaria mene inoba laksa wagaukwa.

LAKSASIKE 8:14 ပူးပေါင်းရင်းမြစ်များ

1 TESALONIKA 3:2

Werek kolek he, at ninagot Timotìùt, hano wene Karìsùt hagasike wene a'nogo ninomat, Ala hesik yogoisìlìk nìkì lago mene a'nogo, apùnì nen yì aik tì aik hagathinabì'lùgì atì nen, hit hinetaùken Karìsùt oba hìpìrethesigip mene abolok inogo ìlùk, hinetaùken ago wathinapìk, hinasuk watìk, ìkì logouagalùk hinoba lakhei wago atì o. Yì aik tì aik hagathinabì'lùgì atì, Ala nen wena'ninapì logolìgat, “Atì'nogo hagathinapì logogun,” ìlùk isike hagat haga'ninabì'lùgì atì, hineluat o.

1 TESALONIKA 2:13

Nit en wene Ala ane a'nogo yogohisasugumo, hit en he, “Wene atì apùnì inane mene lek o. We, Ala aneat o,” ìlùk wanhìgip atì re, eberogoat Ala aneat wanhìgip o. Ati nen nit kamo ìgì'lek Ala hai wato motok welago. At Ala nen hit hinetaùken Karìsùt oba hìpìrethesigip mene hùgì hina'la kagalho motok welagarek o.

KALATIA 2:9

Atì'nogo hùthinasukwasik he, it Yakobùt mel, Peterùt mel, Yohanet mel, Ala againapùrì nen he, “Nit ninogogì it werek,” ìlùk egarek mene nen he, “Hit en he, wene apùnì etakwe mene yogoisìlìk lano. Nen, nit en he, apùnì inogat inekalìma mene palek mene hesik yogoisìlìk logoin. Ninom hutigat hagatì logouok,” ìlùk he, Parenapat neperak nineki hak-hak hai wa'ninapukwa.

LAKSASIKE 8:1

At Sitepanùt ebe motogat wasukwa atì, at Saùlùt a'la nen hano akasike. At Sitepanùt ebe wasukwa atì likeat he, it Ala againapùrì o Yerusalem atogotì lagaukwa mene inebe yì aik tì aik weak hogo hagarinapo kolek be, it ap Yesùt en inebe weteberogo inayoko ìlìk laksasike mene amanogo nek, o Yerusalem werek kolek he, Ala againapùrì aike inebe hùkokwe obogat pùgùlogo re, o propinsi Yurea Samaria ya ta atoma mùk hogo wulaksasukwa.

2 TESALONIKA 2:10

Atì'nogo hagatì logolìk he, ebe wene atì apùnì nen walok en wanumo Ala nen telinabusak meneat he, at oabùt weak mene atì nen lalpalogo hagarinapenem, it en he, “Ebe wene atì ninabìt o,” ìlùk, ìkì logogun atì ba weagarinabigin o.

LAKSASIKE 17:11

It apùnì Yahuri o Perea mene inoabùt he, apùnì o Tesalonika mene ina'la pùk welagaukwa atì hak he, lek. We, it he, wene akìlùk hogo wanhì logolìk, “Wene ike atì eberogoat a? Mel a,” ìlùk, Ala ane helal waganogo hesukwa mene a'nogo ninhùp-nanhùbat etage salogo tùkùm hogo hìthìkì lagaukwa.

LAKSASIKE 15:4

It a'nogo o Yerusalem lagaukwama re, it ap Yesùt en inebe weteberogo inayoko hìlìk laksasike mene amanogo mel, it ap Ala againapùrì hagisek welagaukwa mene mel, it Ala againapùrì aike atoma inebe atogotì lagaukwa mene mel, inom en, hai warogo woginapukwa. Woginapukwama, it en he, “Nit Ala ninom en yì'nogo hagato, tì'nogo hagato,” ìlùk wene pìlìngìrogo yogoisasukwa.

LAKSASIKE 11:1

It apùnì aike nen he, “It apùnì etakwe mene Ala ane wanha o,” ìlùk isukwama, it ap Yesùt en inebe weteberogo inayoko hìlìk laksasike mene amanogo mel, Ala againapùrì o Yurea atogotì lagaukwa mene aike mel, inasuk holhukwa.

LAKSASIKE 2:41

Inasuk atì'nogo wasikomo re, it wene wanhukwa mene hùgì ima pelaginapukwa. Atì like inebe 3.000 hake ima pisukwasik he, hobuk inom lapuk hogo welagaukwa.

YOHANET 12:48

At he, at atì an nebe wo'nabu abìrat, nen nane tùkùm hogo wanusak abìrat, atì nen, at atì ùkùm oba hegein mene werek o. Ùkùm oba hegein atì re, o elùgùn oba tegelinabigin atì ba, an nen wene yogohisìkì lagì atì baat ùkùm oba asigin o, ìlùk atì'nogo yogohisìkì lagì atì re,

LUKAT 22:8

Nasak higit agaikomo re, at Yesùt en Peterùt Yohanet eperak laksìkì logolìk he, mel yogoisasike: “Nit pesta Paskah hesik topa wam ninom nùok en he, lìlìk weragasogo tegelogo hìlìk logoino o,” ìlùk yogoisasikomo,

MATÌÙT 13:23

Nen, awì heik aike kweang hanoma heik lakhesike atì ebe re, it apùnì aike Ala ane atì inasuk holharesik he, ebe tùkùm hogo hùthikenem, wene atì eken ìterek o. Ero aike nen eken 100 ìtìk, ero aike nen eken 60 ìtìk, ero aike nen eken 30 ìtìk, ìterek atìat o,” ìlùk yogoisasike.