LAKSASIKE 8:12 - Ala Ane Wene Ket Mene Warogo Wo'ninapike Wene

¹² Atì'nogo meneat he, at Pilipùt en hano wene Ala nen awe a'ma hisikerek wene atì yogoisìgìk, Yesùt Karìsùt etage atì yakùlisìgìk, hano wene atì ìkì lagaikomo re, apùnì amanogo nen he, “Wene atì eberogoat,” ìlùk wanhukwa mene hùgì, ap lek, hìmì lek, ima pelaginapì lagaike.

LAKSASIKE 8:12 ပူးပေါင်းရင်းမြစ်များ

LAKSASIKE 2:38

Atì'nogo yogoisasukwama, at Peterùt en he, “Weak hagatì lagep mene atì heraksìlìk hinoabùt hebela'ni o. Atì'nogo hebelasumo re, weak hagatì lagep mene atì, Ala nen sagalogo legetsoagalùk hinebe lopok Yesùt Karìsùt etage palogo ima pelakhinabuak. Atì'nogo hagasumo re, Ala Areagùn atì wokhisegein o.

LAKSASIKE 1:3

Yesùt ebe wa'lagaikesik en eluk a'lùk, eki 40 hari inom logolik he, at ebe sekek hogo hùthoagalùk yì mene tì mene elalin logolegat hagatì lagaike. Atì'nogo hagatì logolìk, at en he, “An nebe yì. Ineileken tùkùm hogo neoak o,” ìlùk hobugalep inelokoma melarìk ìnùgisìgìk, Ala awe a'ma welagaikarek wene yogoisìgìk, ìkì lagaike.

MATÌÙT 28:19

Halok he, yì apùnì tì apùnì ìnùkùl etage lopok obogat an nagoromì haga'lasuagalùk, nopase Ala etage ba, an aput netage ba, Areagùn etage ba, ninetage palogo ima pelaginapìk, an nen wene hinasuk watì mene atì obogat it apùnì aike nen higit hogo hagatì logouagalùk yakùlisìgìk, ìlìk laga logoino o. Lakhani! Hit atì'nogo hagarinabìk laganem, an nebe ninom moto'-motogat were'ma, hùlì o elùgùn oba haga'lasigin o,” ìlùk yogoisasike.

1 PETERÙT 3:21

It i ba telinapike atì inomanem, nit yogotak ima pogorek atì ba telninaperok o. I ba telninaperek atì re, ima pelakhiaikenem, ninogat i atì ba sobalagarek atì ba telninaperek hùk. At he, ninetaùken oba nen wene ninoba selek asuagalùk Ala ayoko hikenem, Yesùt Karìsùt wa'lagaikesik eluk agaike atì ba telninaperek o.

LAKSASIKE 2:41

Inasuk atì'nogo wasikomo re, it wene wanhukwa mene hùgì ima pelaginapukwa. Atì like inebe 3.000 hake ima pisukwasik he, hobuk inom lapuk hogo welagaukwa.

KALATIA 3:28

Wìlìk, hobuk en he, hit obogat he, Karìsùt Yesùt hinom hutik logolìk hinebe omakeat mene welagep atì nen he, hit o'moko Yahuri mene, o'moko Yunani mene ìgìk, o'moko inatitigeke mene, o'moko inalepma mene ìgìk, o'moko hìmì, o'moko ap ìgìk, ìkì logousak lek.

ÙRÙM 10:10

Apùnì inetaùken Ala oba hìpìrethikenem he, at en ùkùm inoba mene korogo wokhìlìk, hobuk inapotkwe at inom hùnogo hisikerek. Nen, inape ha nen, at abok pak hogo ikenem he, telinaperek atì.

1 KORÌTÙT 11:11

Atì'nogo meneat he, ninoe Etagepogot ninom hutik logolìk he, hìmì re, ap le'ma inalepma welagìk, ap he, hìmì le'ma inalepma welagìk, logousak lek.

LAKSASIKE 28:31

Atì'nogo woginapenem, it aike nen wenagatì'lek werek kolek, at ayù'lek pak hogoat wene Ala nen awe a'ma hisikerek wene a'nogo yogoisìgìk, ninoe Etagepogot Yesùt Karìsùt hagatì lagaike wene a'nogo yakùlisìgìk, ìkì lagaike.

LAKSASIKE 20:25

“An hit nerùgì nagaiya'lak obogat wene Ala awe a'ma kìlìk logogun atì wene yogohisìlìk nìkì lagì atì re, hùlì yogotak yì ba nen he, hit en hobuk nelokoken hineileken neogoin lek o, ìlùk an nelu.

LAKSASIKE 20:21

An nen apùnì Yahuri mene mel, Yunani mene mel, hinasuk watì logolìk he, Weak hagatì lagep mene heraksìlìk, hinoabùt hebelarìk he, hinelokwe Ala wogo'ni o. Wogorìk he, hinetaùken ninoe Etagepogot Yesùt oba hìpìrethìlìk logouageip ìlùk yogohisìkì lagì atì.

LAKSASIKE 18:8

Ap Kerìsìpùt, o apùnì Yahuri mene sapan ìkì lagaukwa ba atì kain esewerek welagaike mene ebe mel, againapùrì mel, “Wene atì eberogoat,” ìlùk inetaùken ninoe Etagepogot oba hìpìrethesukwa. Hìpìrethesukwama re, it apùnì o kota Korìtùt mene aike inebe logolegat wene holìk he, “Eberogoat,” ìlùk wanhì lagaukwama re, inom ima pelaginapukwa.

LAKSASIKE 11:20

It atì'nogo hagatì lagaukwa meneat he, it aike inom pùgùlhukwa mene inaua re, o Siperùt mene mel, o Kirene mene mel, o kota Atiokia wagaukwasik, wene hano wene ninoe Etagepogot Yesùt hagasike wene atì, it apùnì inùkùl etage Yunani mene yogoisasukwaat.

LAKSASIKE 5:14

Werek kolek he, it Ala againapùrì haga'lagaukwa mene were'ma re, it aike ap lek, hìmì lek, ina'la nen he, “Ninoe Etagepogot eberogoat,” ìlùk inetaùken at oba hìpìrethìlìk, it inom lapuk hogo inebe motok apik aga lagaukwa.

LUKAT 9:60

Atì'nogo yogosikomo, at Yesùt en he, mel yogosike: “Warek mene halok, it apùnì inebe warek mene hake werek atì nenat salinapì logouak en he, hat Ala awe a'ma hisikerek wene atì, o yì awì tì awì yogoisìlìk nìkì logoino o,” ìlùk yogosike.

LUKAT 9:2

Atì'nogo hagarinapikesik he, it en Ala awe a'ma hinegein wene a'nogo yogoisìgìk, ou inoba werek mene hagarinapìk, ìlìk loagalùk laksasike.

LAKSASIKE 8:4

Atì'nogo hagarinapo kolek, it pùgùlogo lagaukwa mane amanogo o yì awì tì awì laga logolìk he, hano wene a'nogo yogoìilìk pùgùlhukwa.

LAKSASIKE 19:5

Atì'nogo yogoisasikomo it inasuk holhukwama re, ninoe Etagepogot Yesùt etage palogo hobuk ima pelaginapukwaat.