LAKSASIKE 8:1 - Ala Ane Wene Ket Mene Warogo Wo'ninapike Wene

¹ At Sitepanùt ebe motogat wasukwa atì, at Saùlùt a'la nen hano akasike. At Sitepanùt ebe wasukwa atì likeat he, it Ala againapùrì o Yerusalem atogotì lagaukwa mene inebe yì aik tì aik weak hogo hagarinapo kolek be, it ap Yesùt en inebe weteberogo inayoko ìlìk laksasike mene amanogo nek, o Yerusalem werek kolek he, Ala againapùrì aike inebe hùkokwe obogat pùgùlogo re, o propinsi Yurea Samaria ya ta atoma mùk hogo wulaksasukwa.

LAKSASIKE 8:1 ပူးပေါင်းရင်းမြစ်များ

LAKSASIKE 22:20

At Sitepanùt, wene hat hesik pak hogo apùnì yogoisìkì lagaike mene a'nogo ebe watenem, an nebe atoma metek logolìk, Heing! Hano wata, ìlùk, it ap wasukwawerek inasu nokolek serogo welagagi atì, it ineluat o, ìlùk yogosigi.

LAKSASIKE 7:58

Oba hobotha kìlìk, o kota nen legeta'ma hapok hogo wulaksìlìk he, helep enwasukwa. Ebe wasuogolùk he, it at ane ikenem inasuk holhukwasik, ùkùm oba hesukwawerek amanogo inasu etakwe mene nokologo re, ap elege mene etage saùlùt awe a'ma hesukwa.

LAKSASIKE 5:40

Inetaùken sebelhikomo, it ap Yesùt en inayoko hìlìk laksasike mene amanogo waisasukwama kisukwama re, tùgì inoasukwasik en, “Yesùt atì etage palogo, wene hobuk atì'nogo yogoisìkì logogùp o,” ìlùk inasuk warogo wulaksasukwa.

LAKSASIKE 5:33

Atì'nogo yogoisasikomo re, it ina'mage apik lagalìk ap Yesùt en inayoko hìlìk laksasike mene a'nogo inoasuogolùk isukwa.

LAKSASIKE 1:8

Atì'nogo meneat he, Ala Areagùn hinoba pi waga halok, hinomame asigin. Hinomame arìk he, o kota Yerusalem en, propinsi Yurea nen, Samaria nen, hùlì o yì awì tì awì esako esako a'lomaat laga logolìk, an yì mene tì mene hagarìk nikenem hineileken neegep mene a'nogo, an hesik yogoisìlìk laga logoino o,” ìlùk yogoisasike.

LAKSASIKE 8:14

Atì'nogo hagasukwama, apùnì nen he, “Apùnì o Samaria mene Ala ane wanha o,” ìlùk ìkì lagaukwama, it ap Yesùt en inebe weteberogo inayoko hìlìk laksasike mene amanogo, o Yerusalem logolìk, inasuk holhukwasik he, Peterùt Yohanet eperak apùnì Samaria mene inoba laksa wagaukwa.

LAKSASIKE 9:31

Atì'nogo hagasukwama, hobuk en he, it apùnì Ala againapùrì o propinsi Yurea mene mel, Kalilea mene mel, Samaria mene mel, weagarinapì'lek hano lìok hogo welagaukwa. Were'ma, Ala Areagùn nen leberisikenem, inetaùken wurik agìk, ninoe Etagepogot inayùk hogo welagìk, ìkì logolìk he, inebe apik seik-peik ìkì lagaukwa.

LAKSASIKE 8:4

Atì'nogo hagarinapo kolek, it pùgùlogo lagaukwa mane amanogo o yì awì tì awì laga logolìk he, hano wene a'nogo yogoìilìk pùgùlhukwa.

YOHANET 15:20

Nen, ap kain aike inawe a'ma negen werek kolek, at atitigeke mene esin negen welagarek lek o, ìlùk yogohisasigi a'nogo hina'la ebe'ni o. It en an weaga'napa halok he, hit atì'nogoat weagathinabugunat o. Nen, it en an nane hologo hagata halok he, hit hinane hologo hagasugunat o.

IBERANI 11:27

Atì'nogo akìlìk wùlìpikesik he, etaùken Ala oba hìpìrethìlìk, “Ap kain Piraùn atì a'mage lagousak atì nayùk e,” ìlùk a'la akìgì'legat, Ala ebe nineileken hogorek lek mene atì eileken hìkì logolìk negen, “Netaùken at oba lakhìgìrì'mo re, wùlìbiginat o,” ìlùk o Mesit heraksalùk wùlìbi wagaike atì.

PILIPI 1:12

Nerùgì nagaiya'lak. Wene yì hinelùrogo yogohisak. An yì'nogo haga'napa yì ba re, hano wene lek agì'lek hùkoat arìk lìlì'logo.

LAKSASIKE 13:1

Ala againapùrì o Atiokia atogotì lagaukwa mene amanogo, it aike nen Ala ane yogoisìgìk, it aike nen yakùlisìgìk, ìkì lagaukwa mene inebe ap aike Parenapat atì, aike Simeon etage Ebemuli ìkì lagaukwa mene atì, aike Lùkìùt o Kirene mene atì, aike Menahem, Herotet kain gubernur agaiyak eperak apine kalinapukwa mene atì, aike Saùlùt atì, welagaukwa.

LAKSASIKE 7:38

Nen, ninopalak inom o leimo apùnì le'ma atoma atogorek were'ma, tom Sinai atì a'ma malaikat Ala nen yoko pelaksa wagarek mene amanogo aike oba pi wagaikesik he, eperak wene ane isukwa atì, at Musa at o. Ninopalak amanogo inomat were'ma, at Ala nen, wene nineluk logogun wene atì, nit yogonisoagalùk yogosike atì, at Musa at o.

LAKSASIKE 5:20

Wogisek wùlìbi wagaikesik, at en yogoisìkì logolìk he, “Hit hinebe Ala awì wùrì'mo lano o. Lìlìk atoma kìlìk metek logolìk he, wene hano wene hinebe hineluk logolìk ket hùnogoat hagatì logousak wene atì obogat yogoisa lano,” ìlùk yogoisasike.

LAKSASIKE 2:47

Atì'nogo hagatì logolìk, it en Ala hogorato were'ma, it apùnì obogat en, “It hano,” ìlùk hogorinapì lagaukwa. Hogorinapo were'ma re, ninoe Etagepogot an he, eki aike kamo ìgì'legat, apùnì aike telogo Ala againapùrì inom omakeat lapuk hogo hisìkì lagaike.

YOHANET 16:2

Apùnì nen o sapan egare'ma nen hit hineki lisogo wulakhikogoinat o. Nen, hobuk it apùnì hit hinoasugun mene inebe lopok ina'la nen he, Ala hesik hano inoato, ìlùk, ugun mene weregat o.

MATÌÙT 23:34

Halok hinasuk hanorogo holini. An nen ap Ala ane yogoisagarek mene mel, ina'la kagalek mene mel, Ala ane helal waganek esewerek mene mel, laksa wesigin mene atì, hit en he'nakìt e ba menhisìlìk inoatìk, he'nakìt o hit sapan egesep obakwe kìlìk tùgì wiik-weak hogo inoatìk, he'nakìt mùk hogo mak hogo o kota aike nen o kota aike laksìgìk, hagarinabugun o.

MATÌÙT 22:6

it aike nen, at kain atitigeke laksasike mene amanogo inebe haksìlìk tùgì inoarìk he, inebe motok inoatìk, isukwa.

MATÌÙT 5:13

Atì'nogo yogoisasikesik he, “Apùnì yoma obogat hesik, mayu hake hirat welagep o. Mene re, mayu atì aik lek aga halok he, nena mene ba aik weregerasusak akegep. Lek o. Aik weregerasusak motok lek en he, kesalogo laksìlìk apùnì inesok en lìlìbùk warogo laksagarek o.

LAKSASIKE 7:54

At Sitepanùt en wene atì'nogo yogoisìkì lagaikomo, it inasuk holhukwasik, ina'mage lagalìk, inaik hùnethìlìk ebe wasuogolùk isukwa.

LAKSASIKE 8:2

Atì'nogo wulaksasukwama, it apùnì Ala ane hologo hagatì lagaukwa mene aike nen he, Sitepanùt a'nogo ebe warek kweangma salhukwasik ha, ouak la apik aga lagaukwa.

LAKSASIKE 8:5

Atì'nogo yogoisìlìk pùgùlhì logolìk he, at Pilipùt o kota Samaria atoma wagaikesik, wene mel yogoisasike: “Ala nen he, Ap aike telhinabuagalùk lakhei wesigin, ìlùk wene wa'nisasike a'nogo, ebe lakhei wagama wagasik tì'nogo hagate,” ìlùk abok yogoisìkì lagaike.

LAKSASIKE 13:36

At Taùt atì re, agaiya'lak apìne ta'lagaukwa mene inom logolìk, Ala nen, Tì'nogo hagasuak, ìlùk a'la akasike higit hogo hagatì lagaikesik en, ebe wa'lagaike atì. Wa'lagaikomo re, opalak warek salinapukwa ba inoba louk hogo salhukwama re, hili arìk, lek akasike atì.

LAKSASIKE 26:10

Atì'nogo hagatì logolìk, alep o Yerusalem logolìk, Ala againapùrì ineki hele wasigìlùk isigimo re, it ap Ala esewerek inogogì kaintek en, Ì o. Hano, ìlùk surat wo'nesukwama, Ala againapùrì inebe logolegat ineki hele warogo hisìgìk, inebe inoasuogolùk ikenem, Ì o. Inoasuogat, ìlùk ìgìk, ìkì lagagi.

ÙRÙM 1:32

Atì'nogo hagatarek atì nen, at Ala nen he: “Apùnì inoabùt atì'nogo hagatarek mene halok he, an nen ùkùm inoba hìlìk inebo motok inoasusak higit obaat inoasigin o,” ìlùk isike mene inelu logolìgat he, it inokawerek en atì'nogo hagatoat welagaikarek atì. It atì'nogo hagatì logolìk, it aike nen atì'nogoat hagatenem he: “Elok hagatì lagep,” ìlùk yogoisagaregat.