LAKSASIKE 7:8 - Ala Ane Wene Ket Mene Warogo Wo'ninapike Wene

⁸ Atì'nogo yogosikesik he, An wene warogo wokhinapì atì, enagat logouagalùk inogat inekalima mene palinapì logoino o, ìlùk yakùlesike. Atì'nogo yakùlesikomo, Aberaham en aput Isak takasikesik he, eki 7 hari welagaikesik, eki aike ba ogat ekalìma mene atì'nogo palhike. Nen, hobuk Isak en aput Yakùp takasikesik, atì'nogoat ogat ekalìma mene palhikeat. Nen, Yakùp en he, it nit ninopalak inebe 12 nen amanogo taginabìk he, atì'nogoat inogat inekalìma mene palinapikeat.

LAKSASIKE 7:8 ပူးပေါင်းရင်းမြစ်များ

LAKSASIKE 2:29

“Mene re, nerùgì nagaiya'lak. At ninopa Taùt abok pak hogo yogohisak. At ebe wa'lagaikomo, nit welago ba yoma kweang palogo salhukwa mene, obùlùk alep welagaikesik yogotak werek atì.

IBERANI 7:4

Nit apùnì Isirael mene ninapu Aberaham en weim atì yapì logolìk, yì mene tì mene hùgùleke wanhike mene eki wenagasogo hetakwe mìkìlogo 10 nen lagai wagaike mene, Ala hisìlìk, at Melekiserek wogosike atì nen he, nit nina'la nen, “At Melekiserek atì ebe kain motok,” ìlùk akasak atì hani!

KALATIA 3:17

Wene atì mel hesik ìgì. Ala nen he, “Tì'nogo wokhesigin,” ìlùk, abok tek hogo isikesik, 430 tahun welagaikesik en, wene ninasuk hobuk en wasike atì ba, wene alep mene atì munenogo legethìgì'lek.

KALATIA 3:15

Nerùgì nagaiya'lak. Nit apùnì hagatorek mene aike oba lìrogo yogohisak. Apùnì inebe pìre nen, “Tì'nogo hagasuok,” ìlùk hopuk palogo iko halok, it aike nen munenhìk, wene hùnogoat mene aike oba labelhìk, egarek motok lek o.

ÙRÙM 4:10

Atì'nogo yogosike atì re, at Aberaham ebe nìkì'nogo were'ma. Ogat ekalìma mene palek oba a? At he, pale'lek oba a. Atì re, ogat ekalìma mene palek oba hùk. Oan pale'lek obaat o.

YOHANET 7:22

Mene re, hit hinagainapùrì inekalima mene inogat palinapesep atì re, ero at Musa hùk. Lek o. Ero Musa ebe oan ta'lagì'lek werek kolek ninopalak en palinapì lagaukwa meneat o. Atì nen, Musa nen atì'nogo palinabusak ìlùk yogohisasikomo, hinekì sabìt oba Ala hesik welegat logolìk palinapesep atì.

MATÌÙT 1:2

At Aberaham en Isak tatìk, Isak en Yakùp tatìk, Yakùp en Yehura agoromì inom taginapìk,