LAKSASIKE 7:52 - Ala Ane Wene Ket Mene Warogo Wo'ninapike Wene

⁵² It ap Ala ane yogoisìkì lagaukwa mene amanogo, hinopalak en inebe weagarinapì'lek aike welagaukwa nogo? Weagarinapì lagaukwa nek akìgì. It Ala Ane yogoisìkì lagaukwa mene nen he: Ala atitigeke oabùt higit hogo hagasigin mene atì hobuk wesigin o, ìlùk ebe wagì'lek werek kolek, abok tak ìkì lagaukwa mene inebe hinopalak enat inoatì lagaukwa atì. Hobuk, it en abok tak isukwa mene atì ebe wagaikomo re, hit enat at ebe wasuagalùk yoko lagìk, ebe watìk, egep atì.

LAKSASIKE 7:52 ပူးပေါင်းရင်းမြစ်များ

YOHANET 16:10

Nen, aike re, an nopase were'ma laganem, hit hineileken neogoin motok lek atì nen, at lebethisìkì logogin mene atì wìrìk he, wene higit hogo hagatì logousak mene hesik hukalogo yogohisa wesiginat.

LAKSASIKE 2:23

Mene re, at Ala elu logolìk, a'la nen, Atì'nogo hagasuak o, ìlùk akasike baat, Yesùt ebe hineki ba hesikomo, hit en ap inoabùt weak mene ineki waganogo, at ebe e ba menogo hìlìk watep atì.

LAKSASIKE 22:14

Hikenem, at en he, At Ala ninopalak en hogoratì lagaukwa mene a'nogo nen he, at a'la akikerek mene helu agìk, at aput oabùt higit mene Yesùt atì heileken ìgìk, at ane ape ba nen ikenem hasuk holhìk, inogolùk, hebe wenakhapesik hayoko hike atì.

LAKSASIKE 3:18

Hageat Ala nen he, An nen telhinabigin mene Karìsùt hinoba lakhei wesigin atì, ebe yì aik tì aik oba hìlìk wasugunat o, ìlùk wene wa'nisasike mene atì, ebe it ap at ane yogoisìkì lagaukwa mene amanogo inebe obogat en ìkì lagaukwa atì hagat haga'lasuagalùk haga'laga atì.

LAKSASIKE 3:24

It ap alep Ala ane yogoisìkì lagaukwa mene amanogo, hùlì at Samuel atì hùlì nen he, it hobuk Ala me yogoisìkì lagaukwa mene inomat, inebe obogat en he, wane nit o yogotak ya logolìk hagatì lago mene hesik ìkì lagaukwa.

LAKSASIKE 4:10

Ma re, wene atì hesik, hit obogat mel, apùnì inùkùl etage Isirael mene aike obogat mel, hinelu asuagalùk wene ero tùkùm hogo yogohisak. At Yesùt Karìsùt aua Nasaret mene hit en e ba menhìlìk watepma Ala nen eluguthike mene a'nogo etage ba ap yì hano agasik hineilhanem metek hano werek yì.

1 TESALONIKA 2:15

It ap Yahuri mene nenat, it ap hageat Ala ane yogoisìkì lagaukwa mene inebe inoatìk, ninoe Etagepogot Yesùt ebe watìk, isukwa hagat, nit yì aik tì aik haga'ninabì'lùgì atì, Ala nen hano ìlùk akikerek lek. Apùnì inom weak enek hagatì logolìk,

2 TIMOTÌÙT 3:4

inebe omakeat mene it aike nen inoasuagalùk yoko lagìk, inoabùt al hatok hogo hagatìk, inokawerek agaugerakìgìk, Ala ebe inetawìratì'lek, apùnì ina'la hairogo hagatarek atì meneat walok welagìk,

1 PETERÙT 1:11

Atì'nogo yogoisìkì lagaukwa atì, at Karìsùt Areagùn ina'la logolìk yogoisìkì logolìk he, mel isike: “Karìsùt aik hìlìk hìlìk wa'lasigin. Wa'larìk en, hobuk eluk aganem hogoratì logogun,” ìlùk yogoisasikomo it en ìkì logolìgat he, “Nìkì'nogo haga'lasigin. Mera nen haga'lasigin,” ìlùk hinok tùkùm hogo wanhì lagaukwa.

1 YOHANET 2:1

Nen, nagainapùrì e. Hit weak hagatì logoinogo ìlùk, wene yì helal waganogo hinoba lakhei wagì o. Atì'nogo meneat he, sa nen weak hagate halok, ninopase Ala were'ma nit lebe'nisikerek mene ap aike hùlìsanem werek. At atì ebe Yesùt Karìsùt oabùt higit hogo hagaterek mene a'nogoat o.

ABÌKAKAN 19:10

Atì'nogo yogonetì lagama, an nen, at malaikat a'nogo awe a'ma kìlìk neitep awì yagasogo hogorasigìlùk ìgì meneat he, at en yogonetì logolìk: “Hùk. Atì'nogo hogo'nabusak lek o. An nebe re, hat mel, hagaiya'lak mel, ninom higit. Wene Yesùt en yogonisasike mene yogoisìlìk negarek mene atì, at Ala Areagùn nen ina'la kagalogo yogoisikenem yogoisagarek atì, wene ero at Yesùt en yogonisasike atìat o. Halok he, at Ala at hogorasusak o,” ìlùk yogonete.

ABÌKAKAN 3:7

Atì'nogo yogonetesik hobuk yogonetì logolìk he: “An weak hagatì'lek, keksek logolìk, mene ebarogoat enek ìgìrek mene nen kwe hùtùkwe Taùt mene wolok kwe hùtì halok, apùnì aike nen yagasusak mea o. Nen, kwe yagatì halok, apùnì aike nen hususak meaat mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Pilalepia atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak: