LAKSASIKE 7:27 - Ala Ane Wene Ket Mene Warogo Wo'ninapike Wene

²⁷ Mene re, at agot tùgì watì logolìk, at Musa ebe helek hogo kwe pei'mo lakhìkì logolìk he, mel yogosike: Hat nit ninoe kain logolìk ùkùm inoba hìgìk, kotìk, ìkì logouagalùk, sa nen menhagaikomo.

LAKSASIKE 7:27 ပူးပေါင်းရင်းမြစ်များ

LAKSASIKE 7:35

Hageat it apùnì Isirael mene nen he: Hat nit ninoe kain logolìk ùkùm inoba hìgìk, kotìk, ìkì logouagalùk, sa nen menhagaikomo. Ninabìt o, ìlùk wenagasukwa a'nogo, at Musa at o. Atì'nogo wenagasukwa meneat he, malaikat Ala nen yoko pelaksa wagarek mene amanogo, at Musa eileken hoagalùk aike pelakhei wagaikomo re, e sebele'ma nen weinam agaikomo eileken hasike mene a'nogoat, inoe kain logolìk telinabuagalùk ayoko hìlìk lakhesike atì.

LUKAT 12:14

at Yesùt en he, mel yogosike: “Hinebe tegelogo hikìlìk hinagarok lopok sùpùthikasak atì, an menhanhama akegen?” ìlùk yogosikesik he,

LAKSASIKE 7:54

At Sitepanùt en wene atì'nogo yogoisìkì lagaikomo, it inasuk holhukwasik, ina'mage lagalìk, inaik hùnethìlìk ebe wasuogolùk isukwa.

LAKSASIKE 7:39

“Atì'nogo yogosike meneat he, ninopalak amanogo nen, at ane hologo logousak inabìt welagaukwa. Atì'nogo logolìk he, ebe heraksasukwasik, O Mesit atoma ninapotkwe la mene, ìlùk inetaùken lakhìlìk welagaukwa.

LAKSASIKE 5:33

Atì'nogo yogoisasikomo re, it ina'mage apik lagalìk ap Yesùt en inayoko hìlìk laksasike mene a'nogo inoasuogolùk isukwa.

LAKSASIKE 4:7

Atogosukwasik he, Peterùt Yohanet eperak a'nogo inoba wogisek wagaukwasik inebe tùlem menhisasukwasik he, inanema wanhukwa. Inanema wanhì logolìk he, “Hit en ap esok wùt warek mene hagatep atì re, nena mene omame ba hagatep. Nen, sa etage palogo hagatep,” ìlùk ìkì lagaukwama re,

MATÌÙT 21:23

At Yesùt en wene atì'nogo yogoisalùk he, at ebe Ala awì wùrì'mo kisikesik logolìk wene yakùlisikenem he, it ap Ala esewerek mene inogogì kaintek mel, it ap inalùgetek mel, Yesùt oba wagaukwasik he, mel yogosukwa: “Hat he, nena mene esewerek agatik yì hagatìk, tì hagatìk, ìkì lagen. Nen, ap sa nen esewerek logouagalùk, menhageikomo hagatì lagen,” ìlùk yogosukwama,