LAKSASIKE 7:25 - Ala Ane Wene Ket Mene Warogo Wo'ninapike Wene

²⁵ Watì logolik, a'la nen he, It apùnì an palek mene ina'la nen he, Ala nen at ayoko hikomo, at en wo'nisek wùlìbigin, ìlùk hùthanugun, ìlùk akasike meneat he, it en atì'nogo hùthìgì'lek welagaukwa.

LAKSASIKE 7:25 ပူးပေါင်းရင်းမြစ်များ

KOLOSE 1:29

An wene atì hesik katok hogo hagasigìlùk, at Karìsùt omame a'nogo an na'la logolìk nomame'napo kolek, ning hogo nomamerogoat hagatì lagi atì.

2 KORÌTÙT 6:1

At Ala nen he, mel isikomo helal waganogo hesukwama werek: “An nen he, hit hinane nasuk holusak akìgì baat holhì o. Hinebe telhinabusak higit obaat lebethisa wagì o,” ìlùk isike atì re, Ala nen ninane asuk holusak he, o yogotak yaat o. Nen, ninebe telninabusak he, o yogotak yaat o, ìlùk hina'la ebe'ni o. Halok he, nit Ala ninom at hesik hagatì logolìk he, at oabùt hano nen etawìthinapikomo, at ebe wanhigip a'nogo, we tùlemat alematùp o, ìlùk hinasuk watì lago atì.

1 KORÌTÙT 15:10

Atì'nogo usak mea meneat he, Ala oabùt hano nen nayoko hesikomo yì'nogo agagisik welagì o. Nayoko hesike atì we tùlemat hesike lek atì nen he, it aike obogat yabu hamùlùgat hake wanho kolek, an enek he, apik hake wanhì lagì o. Mene re, atì'nogo wanhì lagì atì re, an nen wanhì lagì hùk. Ala oabùt hano nen, neperagat logolìk wanì'logo o.

ÙRÙM 15:18

An nen wene hùnogoat wene u nayùk. We, it apùnì etakwe mene Ala nen awe a'ma hisoagalùk he, at Karìsùt en nayoko hìlìk wene ìgìk, eki nen hagatìk, ìlìk wagaike atì nayù'legat igin.

LAKSASIKE 21:19

Kìlìk hai warinapugusik, at Paùlùt en he, “Apùnì etakwe mene hesik yì'nogoat hagarinapì lagì, tì'nogoat hagarinapì lagarìk wagì, atì ebe re, Ala nenat hagarinapì laga,” ìlùk wene pìlìngìrogo yogoisasike.

LAKSASIKE 15:7

Atì'nogo atogosukwasik, wene it aike nen ìgìk, it aike nen ìgìk, hùkoat ìkì lagaukwasik, at Peterùt melarìk he, mel yogoisasike: “Ap sanì. Nagaiya'lak. It apùnì etakwe mene nen wene hano wene inasuk holhìk, ina'la nen eberogoat ìlùk hùthìgìk, uagalùk, an hageat hit ninom were'ma, it atì yogoisa loagalùk Ala nen wena'nabìk nayoko hesike atì, hinelu o.

LAKSASIKE 15:4

It a'nogo o Yerusalem lagaukwama re, it ap Yesùt en inebe weteberogo inayoko hìlìk laksasike mene amanogo mel, it ap Ala againapùrì hagisek welagaukwa mene mel, it Ala againapùrì aike atoma inebe atogotì lagaukwa mene mel, inom en, hai warogo woginapukwa. Woginapukwama, it en he, “Nit Ala ninom en yì'nogo hagato, tì'nogo hagato,” ìlùk wene pìlìngìrogo yogoisasukwa.

LAKSASIKE 14:27

O Atiokia lìlìk, Ala againapùrì atogorinabìk he, mel yogoisasukwa: “Nit Ala ninom en yì'nogo hagato, tì'nogo hagato,” ìlùk wene pìlìngìrogo yogoisìkì logolìk mel yogoisasukwa: “It apùnì etakwe mene wene atì eberogoat ìlùk wanuagalùk, Ala nen kwe hùthikomo elok wanusak werek o,” ìlùk yogoisasukwa.

LUKAT 18:34

atì'nogo pak hogo yogoisasike meneat he, hinago mene ike salek, at agoromì amanogo nìkì'nogo mene hesik ike heat wongothasukwa.

LUKAT 9:45

wene atì it hùthanogo ìlùk Ala nen inetaùken ohena hake salogo hesikomo, it hùthìgì'lek logolìk, mel isukwa: “Wene atì kì'nogo mene hesik yogonisegen,” ìlùk hinok wokha inayùk en he, kamo isukwa.

MAREKÙT 9:32

it en wene atì wongothasukwasik he, hinok wokha inayùk en kamo isukwa.

1 KORÌTÙT 3:9

Hit hinebe atì Ala eyabu hak were'ma re, nit neperak en Ala woksìkì lago. Aike re, hinebe Ala awì hak were'ma re, neperak en Ala awì wùrogo hisìkì lagoat.

LAKSASIKE 7:24

A'la akasikesik, inoba lagaike hak he, ap Mesit mene aike nen ap Isirael mene aike tùgì watenem eileken hasike. Eileken hìlìk he, at werekwe agaikesik elele waganogo, ap Mesit mene a'nogo ebe pìkì wasike.

LAKSASIKE 7:26

Hùthìgì'legat logolìk he, hùenkwe ap inebe pìre Isirael mene aike eperak tùgì yapenem, eileken isasikesik lapulogo hisagalùk, mel yogoisasike: Nagaiya'lak. Hit he, hagot heperak meneat he, nahalok tùgì wat-wat ìkì lagep, ìlùk yogoisasike.