LAKSASIKE 6:6 - Ala Ane Wene Ket Mene Warogo Wo'ninapike Wene

⁶ inebe 7 atem heragasogo hisìlik he, it ap Yesùt en inayoko hìlìk laksasike mene amanogo inoba hisa wagaukwa. Hisa wagaukwama, it en ineki inùkùloak sebelogo sapan isukwa.

LAKSASIKE 6:6 ပူးပေါင်းရင်းမြစ်များ

2 TIMOTÌÙT 1:6

Atì'nogo hìpìrìk welagen atì nen he, an nen neki hùkùl sebelhenem, Ala oabùt hano nen, “Hat tì'nogo hagatì logoino,” ìlùk hoabùt wokhesike mene atì, etu hìrìmìtarek hak, ha'la agaken hogo arìk logoinogolùk ha'la kagalogo yogohetì o.

LAKSASIKE 1:24

Inetage isukwasik, Ala ayoko hìkì logolìk he, “Ninopase. Yùrat hat hane yogoisìlìk nìkì logouagalùk ayoko hesigin meneat he, at en heraksalùk wa'lasusak higit hogoat wa'lagama, obùlù'mo ap inebe pìre yì, hat en ap kì hak ayoko hegen. Hat apùnì inebe obogat inetaùken helu atì. Halok, Ap ebe yì ayoko hìgì, ìlùk, hat en yakùlnisan o,” ìlùk yogosukwa.

1 TIMOTÌÙT 4:14

Hat hesik hageat it ap Ala againapùrì serisek welagaikarek mene nen ineki hùkùloak sebelho kolek, it ap Ala ane yogoisagarek mene nen mel isukwa atì: “Hat hobuk tì'nogo hagatì logoino,” ìlùk, yogohesukwa higit hogo, Ala oabùt hano nen ninoabùt lopok wo'nisikerek a'nogo hat wokhesike mene atì ba hagatì'lek hobaken nen hìgìk heraksagun o.

LAKSASIKE 8:17

Atì'nogo Ala ayoko hìkì logolìk, ineki inoba sebelhenem he, Ala nen Areagùn wogisasikomo helasukwa.

LAKSASIKE 13:3

Yogoisasikomo re, sùpùrùk nìkì'lek sapan ìkì lagaukwasik en, ineki it Parenapat Saùlùt eperak inùkùloak sebelogo laksa wagaukwa.

LAKSASIKE 9:17

Atì'nogo yogosikomo, at Ananiat a'nogo lagaikesik he, ouma kìlìk, eki Saùlùt oba sebelhì logolìk he, mel yogosike: “Saùlùt, nagaiyak. Ninoe Etagepogot Yesùt, hat o yoma wesigìlùk kwe ba waganem, helokoma melagama, heileken hegen mene a'naga nen, hat heileken hekenagìk, Ala Areagùn ha'la peserogo ki wagìk, uagaluk lakhani wagama wagì o,”

1 TIMOTÌÙT 5:22

Apùnì aike Ala hesik hagatì logouagalùk, inùkùloak hepok-hepok sebelinapì logogùn o. Nen, it aike weak hagatenem hinom hagatì'lek heil lopok hogo logoino.

IBERANI 6:2

Ima pagarek wene atì yakùlhìk, inùkùl sebelharek wene atì yakùlhìk, wa'larì'mo Ala nen ninelugu'ninabigin wene atì yakùlhìk, elùgùn oba ùkùm ninoba hìgìk, kotìk, ikenem moto'-motok logogun wene atì yakùlhìk, isugu mene atì ninane etenogo hobuk yakùluok legat o.

MAREKÙT 5:23

“Yesùt noe. An na'logo ebe oan mene oba ou en wa'lasigìlùk iko kolek wagì. Hat en heki hakamo ebe hano arìk eluk logouak en, neperak lùogolùk hayoko wagì o,” ìlùk ane elageik ane yogosike.

LAKSASIKE 9:12

Sapan atì'nogo ikenem, at abìkakan mel hikomo. Hat Ananiat hebe re, at oba ki lìlìk en, eileken hekenasuagalùk heki oba sebelhenem abìkakan hikomo a'naga,” ìlùk yogosike.

LAKSASIKE 19:6

Pelaginapukwama, at Paùlùt en eki inùkùl sebelhenem he, Ala Areagùn inoba pi wagaikomo, it en he, wene it aike inane inokot mene ba elalinat ìgìk, Ala ane it aike yogoisìgìk, ìkì lagaukwa.