LAKSASIKE 6:5 - Ala Ane Wene Ket Mene Warogo Wo'ninapike Wene

⁵ Wene atì'nogo ìkì lagaukwama, it apùnì Ala againapùrì amanogo inebe obogat en he, “Atì'nogo egep atì hano,” ìlùk isukwasik inebe heragasogo hisasukwa. Atì'nogo hisasukwa atì aike re, Sitepanùt, etaùken Ala oba hìpìrìk motok were'ma Ala Areagùn a'la peserogo kìlìk welagaike mene mel, Pilipùt mel, Porokorùt mel, Nikanot mel, Timon mel, Paremenat mel, Nikolaùt o Atiokia mene Ala ane wanhikesik, Yahuri mene negen haga'lagaike mene atì mel,

LAKSASIKE 6:5 ပူးပေါင်းရင်းမြစ်များ

LAKSASIKE 21:8

Ninom welagagusik, hùenkwe re, o Kaisarea lagagusik, it ap inebe 7 nen hageat o Yerusalem en weteberogo hisìlìk menhisasukwa amanogo mene aike hano wene yogoisìlìk nìkì lagaike mene etage Pilipùt were'ma, aua kìlìk ninom welagagu.

LAKSASIKE 6:8

At Ala oabùt hano nen wogisikerek mene a'nogo, Sitepanùt hùkorogo wogisikomo omame motok apik welagaike. Logolìk he, apùnì nen wene hùthoagalùk hagasusak lek mene hùkorogo elalinat hagarinapì lagaike.

LAKSASIKE 7:1

At Sitepanùt ùkùm atì'nogo oba hesukwama, at up Ala esewerek mene inoe kain a'nogo nen he, “Wene atì eberogoat ìlì'lùgì a? Inapelìak a,” ìlùk yogosike.

LAKSASIKE 6:3

Halok, hit en he, ap aike Ala Areagùn ina'la peserek logolìk, inetaùken motok kagalek hagatenem, inoabùt enagat isìkì lagep mene halok, inebe 7 nen heraginabino. Heraginapep halok, it en yì mene tì mene atì'nogo sùpùrisìkì logouagalùk, nit en menhisogoin o.

LAKSASIKE 13:1

Ala againapùrì o Atiokia atogotì lagaukwa mene amanogo, it aike nen Ala ane yogoisìgìk, it aike nen yakùlisìgìk, ìkì lagaukwa mene inebe ap aike Parenapat atì, aike Simeon etage Ebemuli ìkì lagaukwa mene atì, aike Lùkìùt o Kirene mene atì, aike Menahem, Herotet kain gubernur agaiyak eperak apine kalinapukwa mene atì, aike Saùlùt atì, welagaukwa.

LAKSASIKE 11:19

At Sitepanùt a'nogo ebe wasukwasik he, Ala againapùrì yì aik tì aik hagarinapì logolìk, sigisek-mugusek hagatì lagaukwama, pùgùlogo o propinsi Penisia mel, Siperùt mel, kota Atiokia mel, wagaukwasik, wene it apùnì Yahuri mene nek yogoisìkì lagaukwa.

LAKSASIKE 6:10

Atì'nogo wenagasukwa meneat he, at Sitepanùt Ala Areagùn a'la kìlìk logolìk, wene higirat kagauk hogo ikenem, it inane oko nìkì'nogo yogosu heat haga'lagaike.

ABÌKAKAN 2:15

Nen, hit aike nen, wene ap Nikolaùt en yakùlisasike mene awene atì waganogo hesogo welagasebat atì. Atì'nogo hagatesep atì, an nabìt motok akìkì lagì o.

ABÌKAKAN 2:6

Atì'nogo meneat he, it aike ap Nikolaùt oabùt waganogo hagatenem, an napsìrì hisìgìrek hagat, hit hinapsìrì hisìkì lagep atì nek he, hano o.

LAKSASIKE 15:22

Wene atì'nogo isukwasik he, it ap Yesùt en inebe weteberogo inayoko hìlìk laksasike mene amanogo mel, it ap Ala againapùrì serisek welagaukwa mene amanogo mel, Ala againapùrì aike atogorek welagaukwa mene obogat mel, inom en wene mel ìlùk palhukwa: “Ap nit mene aike weteberogo inayoko hìlìk, Paùlùt Parenapat eperak inom o Atiokia loak en he, laksùok o,” ìlùk isukwa. Atì'nogo isukwasik he, it Ala againapùrì aike nen, at Yurat etage aike Parasapat atì ho, Silat atì ho, “Inoabùt hano,” ìlùk akìkì lagaukwa mene nen, helal waganek atì inekim wolok loagalùk inayoko hesukwa.

MATÌÙT 23:15

Hit ap Ala ane helal waganek esewerek mene yì mel, hit Parisi mene yì mel, hinogat oba nek hano salek logolìk hinetaùken pìre mene yì rì! Hit hinane wanhì logouagalùk apùnì heraginabìk, i laut yekelek aik ìlì ba wùlìpìk, o yìi awì tì awì lagìk, nìkì lagep mene atì, Ala nen ùkùm hit hinoba hìlìk etu ai'mo atoma hikegein atì hake, it hinane holì'lùgì mene atì Ala nen ùkùm atì'nogoat eki pìre ba sirogo inoba houagalùk ìkì lagep atì nen, weagathinabigin o.

LAKSASIKE 2:4

Ineileken atì'nogo hiko kolek, Ala Areagùn it obogat ina'la peserogo kisike. Kìlìk he, Ala Areagùn nen, “At atì ane tì'nogo ìkì logouak,” ìlùk akasike higit hogoat, it apùnì aike inane ba uagalùk yakùlisiko kolek elalinat ìkì lagaukwa atì.

LAKSASIKE 11:20

It atì'nogo hagatì lagaukwa meneat he, it aike inom pùgùlhukwa mene inaua re, o Siperùt mene mel, o Kirene mene mel, o kota Atiokia wagaukwasik, wene hano wene ninoe Etagepogot Yesùt hagasike wene atì, it apùnì inùkùl etage Yunani mene yogoisasukwaat.

LAKSASIKE 11:22

Atì'nogo hagasukwama, it apùnì aike nen he, “It Yesùt ane wanhasik, inoabùt hebelha o,” ìlùk inabok ìkì lagaukwama re, it Ala againapùrì, o Yerusalem atogotì lagaukwa mene amanogo inasuk holhukwasik he, at Parenapat ayoko hìlìk, ebe o Atiokia lakhei wagaukwa.

LAKSASIKE 11:26

Wagaikesik, ebe eperak apì agaukwasik he, wolok o Atiokia lagaike. O atoma lagaikesik, o mo lagagìk pìgìk iko kolek, 1 tahun logolìk he, Ala againapùrì inom atogothìlìk, apùnì apigat wene yakùlisìkì lagaukwa. It apùnì Yesùt ane wanhenem inùkùl etage Kerisiten agarek atì re, emakum o Atiokia atoma nen salhukwa.

LAKSASIKE 11:27

Atì sat he, it ap Ala ane yogoisìkì lagaukwa mene aike o Yerusalem en o Atiokia lagai wagaukwa.

LAKSASIKE 22:20

At Sitepanùt, wene hat hesik pak hogo apùnì yogoisìkì lagaike mene a'nogo ebe watenem, an nebe atoma metek logolìk, Heing! Hano wata, ìlùk, it ap wasukwawerek inasu nokolek serogo welagagi atì, it ineluat o, ìlùk yogosigi.