LAKSASIKE 6:3 - Ala Ane Wene Ket Mene Warogo Wo'ninapike Wene

³ Halok, hit en he, ap aike Ala Areagùn ina'la peserek logolìk, inetaùken motok kagalek hagatenem, inoabùt enagat isìkì lagep mene halok, inebe 7 nen heraginabino. Heraginapep halok, it en yì mene tì mene atì'nogo sùpùrisìkì logouagalùk, nit en menhisogoin o.

LAKSASIKE 6:3 ပူးပေါင်းရင်းမြစ်များ

1 TIMOTÌÙT 5:10

It apùnì aike nen it hìmì soge mene atì inabok ìkì logolìk, “It inoabùt hano hagarì'lùgì,” ìlùk egarek mene halok, inetage palusak. Hano hagatarek atì re, inokawerek ineagwì hanorogo kùlinapìk, ap pok waganem inebe hanorogo woginapìk, Ala againapùrì aike inesok obakwe sobalisìgìk, it aike weak were'ma leberisìgìk, ineki aike kamo ìgì'lek yì hesik tì hesik leberisiko motok welagìk, egarek mene halok, inetage palusak o.

3 YOHANET 1:12

Atì'nogo meneat he, at Temeterìùt hesik enek he, apùnì obogat en mel, at Ala eberogoat enek ikerek a'nogo nen mel, an nen mel, “At hano hagarì'logo,” ìlùk abok hano ogorek. At abok ogorek atì, eberogoat hano ogorek atì hit hinelu o.

YAKOBÙT 1:17

Ninopase Ala pogot oba mene a'nogo nenat yì mene tì mene lorek mene wo'nisìgìk, hano motok mene wo'nisìgìk, pela'nisa wagarek atì. At enat pogot obakwe lìa welagarek mene atì elalhikesik he, at ebe hùnogoat haga'lagìk, abel etenogo mùm agìk, lìa agìk, ikerek lek.

EPESÙT 5:18

Anggur eken amusu hùkorogo nikenem atì nen hinebe lùgùlùgì palìk weagathinabinogo nen he, nìkì logogùp o. At he, Ala Areagùn atìat hina'la peserogo wanino.

1 KORÌTÙT 16:3

Hisìlìk he, ap wolok logoin mene hit en, “It elok,” ìlùk akegep mene halok inayoko heino. Atì'nogo inayoko hìlìk were'ma, an nebe wìrìk he, hit en hisegep mene atì wolok loak en, sùesika palogo o Yerusalem laksegein o.

LAKSASIKE 22:12

“Kisukwama, o Tamìsìk atoma ap aike etage Ananiat. Wene Ala nen ninasuk wasike wene a'nogo hesogo logolìk higit hogo hagatenem, it apùnì Yahuri mene o Tamìsìk mene obogat en inane agauk hogo yogotì lagaukwa.

LAKSASIKE 10:22

Atì'nogo yogoisasikomo, it en he, “Ap tentara mene esa logolharek mene inoe kain etage Korenelìùt, atì nen lakhina wagama wago. At atì oabùt higit hogo hagatìk, Ala ebe ayùk hogo welagìk, ikenem, it apùnì Yahuri mene obogat en oabùt palharesik he, atì'nogoat abok hano egarek. At ati atì'nogo hagatenem, malaikat Ala nen yoko pelaksa wagarek mene amanogo aike nen he, Peterùt atì nen wene hat hasuk holusak mene yogohesigin werek o, ìlùk hat hayoko lakhina wesuagalùk yogotomo, at en lakhina wagama hoba wago o,” ìlùk yogosukwa.

LAKSASIKE 6:6

inebe 7 atem heragasogo hisìlik he, it ap Yesùt en inayoko hìlìk laksasike mene amanogo inoba hisa wagaukwa. Hisa wagaukwama, it en ineki inùkùloak sebelogo sapan isukwa.

LAKSASIKE 2:4

Ineileken atì'nogo hiko kolek, Ala Areagùn it obogat ina'la peserogo kisike. Kìlìk he, Ala Areagùn nen, “At atì ane tì'nogo ìkì logouak,” ìlùk akasike higit hogoat, it apùnì aike inane ba uagalùk yakùlisiko kolek elalinat ìkì lagaukwa atì.

LAKSASIKE 1:21

Halok he, nit ninom nìkì logouagalùk, ap aike menhouok. Ap menhousak atì re, hùlì at Yohanet ima pelaginapì lagaike atì hùlì nen he, ninoe Etagepogot Yesùt ninom ninhùp-nanhùbat opolik nìkì lagosik, hùlì Yesùt opase nen nit nina'la nen kìgìlogo pogot oba lìakhike atì hùlì, ninom nìkì lago mene halok, Yesùt eluk aga atì eberogoat. Nineileken hogosik, ìlùk ninom yogoisìlìk nìkì logouagalùk, menhouok o,” ìlùk yogoisasike.

MATÌÙT 23:8

Meneat he, hit hinopase re, guru wene yakùlhisikerek mene omakeat enek werek atì nen he, hinerùgì hinagaiya'lak hinom higit halok, it aike nen, Guru noe, ìlùk yogohisasak motok lek o.

1 KORÌTÙT 12:8

At Ala Areagùn nen, at aike wene kagauk hogo ìkì logouagalùk wogoterek. Nen, at Areagùn ati nenat, at aike yì wene tì wene elu motok logouagalùk wogoteregat.

LAKSASIKE 16:2

Ala againapùrì o Lisitera mene mel, o Ikonìùm mene mel, obogat en he, “Timotìùt oabùt hano,” ìlùk abok hano ìkì lagaukwa.

LAKSASIKE 15:23

Wene atì ba helal waganogo hìkì logolìk, mel isukwa: “Nit hinerùgì hinagaiya'lak Yesùt en ninebe weteberogo ninayoko hìlìk lakhina wagaike mene mel, Ala againapùrì serisek welagorek mene mel, ninom en he, hit o Atiokia mene, Sìrìa mene, Kilikia mene, hinebe etakwe meneat he, Ala againapùrì mene ninerùgì ninagaiya'lak, ìlùk hai wathinapo atì o.

LAKSASIKE 9:30

Wasuogolùk walhiko kolek, it Ala againapùrì it-it inerùgì inagaiya'lak inom omakeat mene aike nen, Saùlùt ebe o Kaisarea wolok wagaukwasik he, atoma nen o Tarasùt lagai wesuagalùk lakhei wagaukwa.

YOHANET 21:23

it Yesùt agoromì ane wanhì lagaukwa mene nen he, “Yesùt en he, Nagot arì ebe hobuk wa'lasigin motok lek o,” ìlùk ike salek, abok wìagathesukwa. Meneat he, at Yesùt en he, “An nagot arì hobuk wa'lasigin motok lek o,” ìlùk ìgì'lek. We, “An na'la nen, ap arì ebe elugat were'ma an hobuk wesigin akìgì halok he, hat en hagasusak mene hùk. An noba lopok o,” ìlùk wene atì mane hesik isike meneat, ati'nogo isukwa atì.

LAKSASIKE 1:15

Atì sat, Ala againapùrì aike inom inebe 120 hake atogorek logolìk, at Peterùt ina'la mel agaikesik he, wene mel yogoisasike:

LAKSASIKE 6:2

Wene atì'nogo serep agaukwama, it ap inebe 12 Yesùt en inayoko hìlìk laksasike mene amanogo nen, apùnì Yesùt ane wanhukwa mene inebe obogat atogosuagalùk waisasukwa. Waisasukwama wagaukwama, inebe omakìma atogothìlìk logolìk, it en he, mel yogoisasukwa: “Nit Ala ane yakùlisìkì lago atì, heraksìlìk, yì mene tì mene sùpùrisìkì logousak he, weak o.

LAKSASIKE 6:5

Wene atì'nogo ìkì lagaukwama, it apùnì Ala againapùrì amanogo inebe obogat en he, “Atì'nogo egep atì hano,” ìlùk isukwasik inebe heragasogo hisasukwa. Atì'nogo hisasukwa atì aike re, Sitepanùt, etaùken Ala oba hìpìrìk motok were'ma Ala Areagùn a'la peserogo kìlìk welagaike mene mel, Pilipùt mel, Porokorùt mel, Nikanot mel, Timon mel, Paremenat mel, Nikolaùt o Atiokia mene Ala ane wanhikesik, Yahuri mene negen haga'lagaike mene atì mel,

LAKSASIKE 28:14

O Pùtìolì atoma Ala againapùrì mene aike were'ma ninom apì arìk, it en he, “Ninom logouok o,” ìlùk ninayoko hesukwama, nineki 7 nen ninom welagagu. Welagagusik o atoma nen o kota Ùrùm wesuogolùk wagagu atì.