LAKSASIKE 6:14 - Ala Ane Wene Ket Mene Warogo Wo'ninapike Wene

¹⁴ Nen, at en ìlì'logo aike re, Yesùt aua Nasaret mene a'nogo nen, Ala awì wùrìk yì mesalogo hìlìk he, wene at Musa nen ninopalak yakùlisasikomo, nit hagatì lago mene a'nogo, hobuk hùnogoat hagasigin o, ìlùk ikenem ninasuk holho o,” ìlùk isukwa.

LAKSASIKE 6:14 ပူးပေါင်းရင်းမြစ်များ

LAKSASIKE 21:21

Atì'nogo hagatì logolìk, hat habok inasuk holha. Hat en, apùnì Yahuri mene it etakwe mene ina'lakwe welagaikarek mene atì yogoisìkì logolìk he, Wene Musa nen yakùlnisasike wene a'nogo heraksìlìk he, hinagainapùrì inogat inekalìma mene palhì'lek hebisìgìk, apùnì Yahuri mene hagatarek mene a'nogo hagatì'legat, hebisìgìk, ìkì logoino o, ìlùk yakùlisìlì'logo, ìlùk habok inasuk holha o.

LAKSASIKE 15:1

Ap aike o Yurea nen o Atiokia wagaukwasik he, Ala againapùrì atoma mene wene mel ìlùk yakùlisasukwa; “Hit he, wene Musa nen, Yì'nogo, tì'nogo hagatì logousak ìlùk yogonisasike wene atì higit hogo re, hinogat hinekalìma mene palhinapì'lek halok he, hinebe Ala nen telhinabusak lek o,” ìlùk yakùlisasukwa.

KALATIA 3:23

Ninetaùken Karìsùt oba hìpìrethousak higit asi lagì'lek werek kolek, hobuk wene atì weinamethegein atì higit hogo ninetaùken at oba hìpìrethouagalùk, apùnì hele warogo hagisek welagaikarek hak, wene ninasuk wasike wene a'nogo nen hele warogo ha'nisek welagaike.

KALATIA 3:19

Halok he, wene Ala nen ninasuk wasike atì nenahalok. Atì re, nit apùnì weagat hagato welagagu mene atì hukalasuagalùk, ninasuk hobuk wasike atì. Mene re, wene atì Aberaham en tagokwe mene aike wogosigin ìlùk, abok yogosike a'nogo, ebe oan ta'lagì'lek werek kolek elama hesik wene ninasuk wasike wene a'nogo, malaikat en Musa yogotenem at ebe hùlìsanem logolìk, apùnì yakùlisoagalùk he, malaikat inayoko hìlìk laksa wagaike atì.

LAKSASIKE 28:17

Atì'nogo isukwama, nineki hìnagan welagagusik en he, at Paùlùt en, it apùnì Yahuri mene inogogì kaintek atogosi wesuagalùk inayoko hesike. Inayoko hesikomo, inebe arat atogosi wagaukwama, at en he, mel yogoisasike: “Nagaiya'lak. An nen, apùnì nit mene weak aike hagarinapì'lek. Nen, nit en ninopalak hagatì lagaukwa atì hak hagatorek atì mene heraksìlìk weak hagatì'legat. Atì'nogo meneat he, o Yerusalem atoma nen nebe hakhanhukwasik, neki hele warogo, apùnì Ùrùm mene ineki ba hanhukwa.

YOHANET 4:21

at Yesùt en he, mel yogosike: “He yì nerei e. Wene yogohesigin yì eberogoat akano. O tom yì ba mel, o Yerusalem mel, atoma nek Ala hogoratì logousak hùk. Hit Ala hogorasusak higit oba, o hobuk aike we igin mene weregat o.

LUKAT 21:6

“Hit o hineileken lakhìkì lagep aroma, hobuk helep aike hebìgì'lek motok mesalogo laksogoin oba werek o,” ìlùk yogoisasike.

LAKSASIKE 26:3

Nit apùnì Yahuri mene hagatorek mene atì mel, wene ninane hùnogo tomok ogorek mene atì mel, obogat hat helu atì nen, nane harat yogohesigìlùk na'la hai hakìkì lagì o. Halok, yogoheto kolek, ha'la pùk agì'lek hasuk hologo logoino, noe.

LAKSASIKE 25:8

Atì'nogo lek agaikomo, at Paùlùt en ebe elelerogo mel yogosike: “Wene Ala nen nit apùnì Yahuri mene ninasuk wasike wene a'nogo aike sagalogo heraksìlìk weak hagatìk, o Ala awì wùrìk a'nogo weagathìgìk, ninoe kain Kaisat o Ùrùm mene a'nogo ane sagalogo heraksìlìk aike weak hagatìk, motok ìgì'lek o,” ìlùk yogosike.

LUKAT 21:24

Apùnì heta re, karok oba inoatìk, heta re, hele warogo o yì awì tì awì hisa lagìk, ugun o. Nen, o kota Yerusalem arì, apùnì etakwe mene inesok en al lebelogo hìlìk, o sebeli ki wìrìk logogun meneat he, motok sebelek logogun lek o. We, Ala nen, It apùnì etakwe mene, o Yerusalem hùlì tì hùlì baat sebelek logogun, ìlùk akasike higit hogoat logogun o,” ìlùk Yesùt en yogoisasike.

MAREKÙT 14:58

“At yi nen he, Ala awi apùnì ineki nen wusukwa mene yì, an nen mesalogo lakhegein o. Mesalogo lakhìlìk obùlù'mo re, apùnì ineki nen wususak lek. We, hunigat mene neki pìre ba wùtì logopik, aike ba, arat elùgùn warogo wusigin o, ìlùk nineilhanem ikenem ninasuk holhugu o,” ìlùk isukwa meneat he,

MATÌÙT 26:61

“At yì nenat, Ala awì atì mesalogo lakhìlìk he, obùlù'mo, hobuk neki pìre ba wùtì logopik en, aike ba arat elùgùn warogo wusigin o, ìlùk isike mene,” isukwama re,

YOHANET 2:19

Atì'nogo wenagasukwama, at Yesùt en he, mel yogoisasike: “Ala awì wùrìk yì mesalini o. Arat mesalumo re, an nen hobuk neki pìre ba wùtì logopik neki aike ba nen arat wusigin o,” ìlùk yogoisasike.