LAKSASIKE 6:13 - Ala Ane Wene Ket Mene Warogo Wo'ninapike Wene

¹³ Wolok lagaukwasik he, ap aike nen inapeliagat ùkùm Sitepanùt oba houagalùk menhisasukwa. Menhisasukwama, it en ìkì logolìk he, “Ap yì nen Ala okawerek awì wùrìk yì abok weak palhìk, wene Ala nen ninasuk wasike wene a'nogo abok weak palhìk, kamo ìgì'lek iko motok welagarek o.

LAKSASIKE 6:13 ပူးပေါင်းရင်းမြစ်များ

LAKSASIKE 6:11

Oko nìkì'nogo yogosu heat haga'lagaikomo re, it en, ap aike nen ùkùm at oba houagalùk ina'la kagalhukwa. Atì'nogo ina'la kagalhì logolìk, mel yogoisasukwa: “Hit en he, mel ino. At yì nen Musa abok weak palhìk, Ala abok weak palhìk, ikenem, nit ninasuk holho, ino,” ìlùk ina'la kagalhukwa.

LAKSASIKE 21:28

Hakhesukwasik he, “Ap Isirael mene a! Nit werekwe a'ni a! Ap yì nen apùnì o yì awì tì awì yakùlisìlìk nìkì logolìk he, nit apùnì Isirael mene nen hagatorek mene atì weak ìlùk, hunik mene yakùlisìgìk, wene Ala nen ninasuk wasike wene a'nogo weak ìlùk, hunik mene yakùlisìgìk, o Ala awì wùrìk yì abok weak ìgìk, ìlìk niko mene a'nogo ebe yìat a! Yogotak ap Yunani mene wogisek Ala awì wùrì'mo ki wagasik, o Ala okawerek awì wùrìk weagathikomo yì a!” ìlùk inane hùkorogo kwe isukwa.

LAKSASIKE 25:8

Atì'nogo lek agaikomo, at Paùlùt en ebe elelerogo mel yogosike: “Wene Ala nen nit apùnì Yahuri mene ninasuk wasike wene a'nogo aike sagalogo heraksìlìk weak hagatìk, o Ala awì wùrìk a'nogo weagathìgìk, ninoe kain Kaisat o Ùrùm mene a'nogo ane sagalogo heraksìlìk aike weak hagatìk, motok ìgì'lek o,” ìlùk yogosike.

LAKSASIKE 7:58

Oba hobotha kìlìk, o kota nen legeta'ma hapok hogo wulaksìlìk he, helep enwasukwa. Ebe wasuogolùk he, it at ane ikenem inasuk holhukwasik, ùkùm oba hesukwawerek amanogo inasu etakwe mene nokologo re, ap elege mene etage saùlùt awe a'ma hesukwa.

MATÌÙT 24:15

Atì'nogo yogoisasikesik he, hobuk aike mel yogoisasike: “Hit en helal waganek yì etage salhì logolìk he, hanorogo hùthìkì logoino o. Ap Taniel Ala ane yogoisìkì lagaike mene a'nogo nen ìkì logolìk he, Apùnì nen ina'meilo mene hagatenem agaserogo pùgùlugun mene o Ala okawerek awì menhaga halok,

MATÌÙT 26:59

Hùrek werek kolek, it ap Ala esewerek inogogì kaintek mel, wene Ala hesik ero pìlìngìtarek mene obogat mel en, at Yesùt wasuogolùk, mel isukwa: “Apùnì at weak hagatenem ineileken haga mene uak en heraginabini,” ìlùk, inapeliak enat ùkùm oba houagalùk heraginapukwa mene re,

IBERANI 7:12

It ap Ala esewerek alep mene heraksìlìk, ket hunigat mene menhisagalùk halok he, wene Ala nen ninasuk wasike wene atì obùlù'mo wene elùgùn hunigat mene ìlìk en menhisasak o.