LAKSASIKE 6:12 - Ala Ane Wene Ket Mene Warogo Wo'ninapike Wene

¹² Atì'nogo ina'la kagalhukwama, it en apùnì aike ina'la menetik, ap inalùgetek amanogo ina'la menetìk, ap Ala ane helal waganek inelu mene amanogo ina'la menetìk, isukwama, it obogat melagaukwasik, at Sitepanùt ebe hakhìlìk, it ap wene ero pìlìngìtì lagaukwa mene amanogo inoba wolok lagaukwa.

LAKSASIKE 6:12 ပူးပေါင်းရင်းမြစ်များ

LAKSASIKE 14:2

Wanhukwama, it apùnì Yahuri mene he'na nen, wene atì inasuk holìk, eberogoat ìlùk ina'la akìgì'lek mene nen he, it apùnì etakwe mene Ala againapùrì inabìt asuagalùk ina'la kagalhì lagaukwa.

MATÌÙT 26:57

Hese atì'nogo pùgùlhukwama re, at Yesùt ebe hakhesukwasik he, ap Ala esewerek mene inoe kain Kayapat oba wolok lagaukwa. Lagaukwa re, atoma it ap Ala ane helal waganek esewerek mene mel, inalùlgetek mel, atogorek were'ma lagaukwa.

LAKSASIKE 21:27

Eki wenagasogo yogoisasike a'nogo 6 en arat welagaukwasik, aike logopik ineki 7 wenasusak arat aga kolek, it ap Yahuri mene aike o propinsi Asia nen wagaukwasik, Paùlùt ebe Ala awì wùrì'mo were'ma ineileken hasukwa. Ineileken hìlìk he, Paùlùt hakhouagalùk apùnì logolegat ina'la menhesukwasik, inom en ebe hakhesukwa.

LAKSASIKE 17:13

Atì'nogo hìpìrethesukwama re, apùnì nen inabok ìkì logolìk, “Paùlùt en he, Ala ane o Perea yogoisìlì'logo,” ìlùk ikenem he, it apùnì Yahuri mene o Tesalonika welagaukwa mene amanogo inasuk holhukwasik he, wagaukwa. Wagaukwasik he, apùnì logolegat amanogo kolo hagasuagalùk ina'la lo'logoratìk, menetìk isukwa.

LAKSASIKE 13:50

Atì'nogo ukalarìk wùlùpenem he, it apùnì Yahuri mene nen he, hìmì ap etakwe mene inagagwì kaintek Ala ane wanhukwa mene mel, it ap o kota atoma inetagewerek kaintek welagaukwa mene mel, inom en Paùlùt Parenapat eperak mùgisoagalùk ina'la kagalhukwa. Atì'nogo ina'la kagalhukwama re, it en he, “Hit nit ninaua yoma logousak lek o,” ìlùk mùk hogo wulaksasukwa.

LAKSASIKE 5:27

Wogisek wagaukwasik, ap wene ero pìlìngìtì lagaukwa mene amanogo ina'la tùlem menogo hisasukwa. Atì'nogo hisìlìk he, at ap Ala esewerek inoe kain a'nogo nen he, wene mel yogoisasike:

MATÌÙT 5:22

Mene re, an nen wene aike yì yogohisak. Hat sa nen hagaiyak hesik ha'mage lagaiko halok he, wene aike hoba hegein werek o. Nen, hat sa nen hagaiyak aike yogotì logolìk he, Hat he, hebe kepù yì rì! ìlùk iko halok he, it ap wene ero pìlìngìtare'ma atoma wokharek lìlìk, ùkùm hoba hogoinat o. Nen, hat sa nen, Hat he, hetaùken motok lek yì rì! ìlùk iko halok he, wene hoba hìlìk etu aik api'mo lakhagagin o.

LAKSASIKE 18:12

O propinsi Akaya atoma ap kain Kalìo gubemur logouagalùk menhesukwama were'ma, it apùnì Yahuri mene inebe atogothìlìk, Paùlùt ebe wasuogolùk hakhesukwasik he, anema wanuagalùk ap ùkùm inoba hìgìk, kotìk, egarek mene inoba wolok lagaukwa.

LUKAT 20:1

Hobuk ineki aike sapùl he, at Yesùt Ala awì wùrì'mo kisikesik logolìk, apùnì wene hano wene sekek hogo yakùlisìgìk, inasuk watìk, ikenem, it ap Ala esewerek inogogì kaintek mel, Ala ane helal waganek esewerek mene mel, inalùgetek amanogo mel, inom at Yesùt oba wagaukwa.

LAKSASIKE 6:11

Oko nìkì'nogo yogosu heat haga'lagaikomo re, it en, ap aike nen ùkùm at oba houagalùk ina'la kagalhukwa. Atì'nogo ina'la kagalhì logolìk, mel yogoisasukwa: “Hit en he, mel ino. At yì nen Musa abok weak palhìk, Ala abok weak palhìk, ikenem, nit ninasuk holho, ino,” ìlùk ina'la kagalhukwa.