LAKSASIKE 6:1 - Ala Ane Wene Ket Mene Warogo Wo'ninapike Wene

¹ Atì sat he, apùnì Yesùt ane wanhukwa mene inebe apigat haga'lagaukwama re, it apùnì inebe Yahuri meneat he, inane re, Yunani mene nen he, mel isukwa: “Apùnì ninhùp-nanhùbat yì mene tì mene sùpùrisìkì logolìk he, hìmì soge nit mene halok halolotsìlì'lùgì atì nahalok,” ìlùk, it Yahuri inawìwerek mene inom wene serep agaukwa.

LAKSASIKE 6:1 ပူးပေါင်းရင်းမြစ်များ

LAKSASIKE 2:41

Inasuk atì'nogo wasikomo re, it wene wanhukwa mene hùgì ima pelaginapukwa. Atì like inebe 3.000 hake ima pisukwasik he, hobuk inom lapuk hogo welagaukwa.

YAKOBÙT 5:9

Nerùgì nagaiya'lak. Atì'nogo serogo logolìk he, Ala nen ùkùm hinoba heinogo ìlùk, hit-hit ìkì logolìk, “Nagaiyak ari oabùt hagarì'logo nabìt e,” ìlùk inabok palhì'lek logoino o. At Ala nenat ùkùm apùnì inoba hìgìk, kotìk, igin atì, kwe ape ba horok asi waga atì lakhani!

LAKSASIKE 9:39

“Ì o. Halok he, puok,” ìlùk inom pisukwa. Pisukwasik he, Peterùt ebe wolok hùlùpo inom lagasukwa. Hùlùpo lagalìk were'ma, it hìmì soge mene at oba horok hogo atogosi wagaukwasik, le aga logolìk he, su eilemkwe mene lek, etakwe uan mene lek, he Torekat eluk oba inom logolìk, karisasike mene ìnùkhasukwa.

LAKSASIKE 6:7

Atì'nogo hagatì lagaukwama re, Ala ane hùko aga logolìk, apùnì o Yerusalem mene Yesùt ane wanhukwa mene inebe apigat haga'lagaukwa. Atì'nogo haga'laganem, it ap Ala esewerek mene amanogo inebe esa hùkoat en, wene atì wanhukwasik inetaùken Yesùt oba hìpìrethesukwaat.

LAKSASIKE 2:47

Atì'nogo hagatì logolìk, it en Ala hogorato were'ma, it apùnì obogat en, “It hano,” ìlùk hogorinapì lagaukwa. Hogorinapo were'ma re, ninoe Etagepogot an he, eki aike kamo ìgì'legat, apùnì aike telogo Ala againapùrì inom omakeat lapuk hogo hisìkì lagaike.

PILIPI 3:5

An nebe ta'lagagimo ineki 7 nen welagaukwasik en, ineki aike ba, nogat nekalìma mene palnapukwa atì. Nebe Isirael mene, nùkùl etage Penyamin meneat, nagosa nopase Yahuri mene nogo nen he, nebe Yahuri ebe Yahuri meneat ta'lagagi atì. Wene Ala nen ninasuk wasike wene a'nogo hesik, ap Parisi mene nen hesogo welagaikarek hak, ning hogoat hesogo welagagi mene.

LAKSASIKE 11:20

It atì'nogo hagatì lagaukwa meneat he, it aike inom pùgùlhukwa mene inaua re, o Siperùt mene mel, o Kirene mene mel, o kota Atiokia wagaukwasik, wene hano wene ninoe Etagepogot Yesùt hagasike wene atì, it apùnì inùkùl etage Yunani mene yogoisasukwaat.

LAKSASIKE 9:41

Hù'lagaikomo, at Peterùt en eki hagasogo menhìlìk he, it Ala againapùrì aike mel, hìmì soge mene amanogo mel, waisasikomo kisukwama re, “At ebe eluk aga yì,” ìlùk wogisasike.

LAKSASIKE 9:29

Yogoisìkì logolìk he, it aike inebe Yahuri meneat he, inane Yunani mene inane ìkì lagaukwa mene wene yogoisikenem, it en hinok wanhenem, oko yogoisìgìk ikenem he, ebe wasuogolùk walhìkì lagaukwa.

LAKSASIKE 5:14

Werek kolek he, it Ala againapùrì haga'lagaukwa mene were'ma re, it aike ap lek, hìmì lek, ina'la nen he, “Ninoe Etagepogot eberogoat,” ìlùk inetaùken at oba hìpìrethìlìk, it inom lapuk hogo inebe motok apik aga lagaukwa.

LAKSASIKE 4:4

Atì'nogo meneat he, it Peterùt Yohanet eperak atì'nogo oan kelaksìgì'lek werek kolek, wene apùnì yogoisasukwama, it wene inasuk holhukwa mene amanogo inebe logolegat en, “Wene atì eberogoat,” ìlùk wanhukwama re, it alep mene inom, hobuk mene inom, lapuk hogo, ap enek inebe apigat 5.000 hake haga'lagaikeat atì.

IBERANI 13:1

Nerùgì nagaiya'lak. Ala againapùrì hinebe omakeat mene negen netawì-hetawìrogo hagatesep mene atì, atì'nogo hinom hutigat hagatì logoino o.

2 KORÌTÙT 11:22

It atì inebe Yahuri mene hak, an hogo re, nebe Yahuri meneat o. It inebe Isirael mene hak, an hogo re, nebe Isirael meneat o. It inebe inopase Aberaham en tago mene hak, an hogo re, nebe nopase Aberaham en tago meneat o.

LAKSASIKE 2:45

Atì'nogo logolìk he, it aike nen, inakweang mel, inagarok mel, oko uang wìlìk he, uang atì it Ala againapùrì mene amanogo inebe lopok sùpùrisìkì logolìk, it aike lek mene elok hogoat sùpùrisìkì lagaukwa.

MATÌÙT 23:13

Atì'nogo yogoisasikesik he, it Ala ane helal waganek esewerek mene mel, Parisi mene mel, inom mel yogoisasike: “Hit ap Ala ane helal waganek esewerek mene yì mel, hit Parisi mene yì mel, hinogat oba nek hano salek logolìk hinetaùken pìre mene yì rì! Hit atì apùnì Ala awe a'ma kinogo ìlùk he, hit enat kwe yagatì lagep yoma rì! Hit hinokawerek kìgì'lek logolìk he, it aike kuogolùk ikenem, hit en he, Kusak lek o, ìlùk wene palhì lagep yoma rì!

YAKOBÙT 4:5

Holoat Ala ane aike halal waganogo hìkì logolìk, mel isukwa: “Hìmì inetawìrogo logolìk elele waganek motok welagaikarek atì hak, Ala nen Areagùn nina'la hinasikomo ninebe etawìrogo logolìk, elele waganogo ha'nisek welagarek,” ìlùk helal waganogo hesukwa atì, hit hina'la nen he, “We, tùlemat isukwa,” ìlùk akìkì lagep a? Tùlemat isukwa lek o.

YAKOBÙT 1:27

Ninopase Ala nen he, “Apùnì nen an na'la hanorogo higit hano motok hagatì logousak he, yìtogo. Yekerùgì suarek mene mel, hìmì soge mene mel, nong arìk were'ma leberisìgìk, apùnì kweangma weak hagarì'lùgì mene atì inoabùt wanhì'lek inokawerek en tegelìgìk, ìkì logousak o,” ìlùk a'la akikerek atì.

1 TIMOTÌÙT 5:9

It hìmì soge mene Ala againapùrì nen leberisìkì logouagalùk inetage helal palugun halok he, inebe ta'lagaukwasik oba nen umur 60 tahun oan haga'lagì'lek mene inetage palusak lek o. We, umur 60 tahun haga'laga mene halok inetage palusak. Mene re, inagonì omakeat motok waganek were'ma soge hisaga mene halok inetage palusak.

1 KORÌTÙT 10:10

Nen, apùnì it mene aike nen yì anga hù anga palhì lagaukwama re, malaikat pogot oba mene inoaterek mene Ala nen lakhei wagaikomo, apùnì inebe apigat inoasike atì hak, nit ninoasinogo ìlùk, yì anga hù anga palusak motok lek o.

LAKSASIKE 5:28

“Hit en up atì etage palogo nen wene yakùlisagùp o, ìlùk nit en hinasuk hanorogo wato a'nogo meneat he, hit en wene atì wìak hogo yakùlisìkì lagepma re, apùnì o Yerusalem mene yoma obogat inelu aga atì re, at ap atì wata atì, ùkùm nit ninoba houogolùk ìkì lagep hìgì,” ìlùk yogoisasukwa.

LAKSASIKE 6:2

Wene atì'nogo serep agaukwama, it ap inebe 12 Yesùt en inayoko hìlìk laksasike mene amanogo nen, apùnì Yesùt ane wanhukwa mene inebe obogat atogosuagalùk waisasukwa. Waisasukwama wagaukwama, inebe omakìma atogothìlìk logolìk, it en he, mel yogoisasukwa: “Nit Ala ane yakùlisìkì lago atì, heraksìlìk, yì mene tì mene sùpùrisìkì logousak he, weak o.

LAKSASIKE 11:26

Wagaikesik, ebe eperak apì agaukwasik he, wolok o Atiokia lagaike. O atoma lagaikesik, o mo lagagìk pìgìk iko kolek, 1 tahun logolìk he, Ala againapùrì inom atogothìlìk, apùnì apigat wene yakùlisìkì lagaukwa. It apùnì Yesùt ane wanhenem inùkùl etage Kerisiten agarek atì re, emakum o Atiokia atoma nen salhukwa.

LAKSASIKE 11:29

Atì sùpùrùk no ebe oan haga'lagì'lek werek kolek he, it apùnì Yesùt ane wanhukwa mene amanogo nen he, “Halok he, nit ninebe lopok uang ninekimo aga mene higit hogo ninerùgì ninagaiya'lak o propinsi Yurea atoma atogotarek mene leberisùok en atogorogo lakhouok o,” ìlùk wene palhukwasik uang atogosukwa.

ÙRÙM 12:7

Nen, it aike nen, apùnì aike leberisìkì logouagalùk inoabùt wogisasike mene atì re, hanorogo leberisìkì logousak. Nen, it aike nen, wene yakùlisìkì logouagalùk inoabùt wogisasike mene atì re, hanorogo yakùlisìkì logousak.

1 TIMOTÌÙT 5:3

Nen, hìmì soge apùnì it mene nen leberisasak mene le'ma inaligat werek mene halogat, agaugerinapì logoino.