LAKSASIKE 5:36 - Ala Ane Wene Ket Mene Warogo Wo'ninapike Wene

³⁶ Alebat, ap aike etage Teùrat melagaikesik he, Kain anat o, ìlùk isikomo, ap logolegat inebe 400 hake at awe a'ma kìlìk opolìk nìkì lagaukwa. Atì'nogo meneat he, at ebe wasukwama, agoromì at awe a'ma kìlìk opolìk nìkì lagaukwa mene atì pùgùlìk-pagalìk isukwama re, at en, Tì'nogo hagasuok, ìlùk ìkì lagaike wene atì legat agaike.

LAKSASIKE 5:36 ပူးပေါင်းရင်းမြစ်များ

LAKSASIKE 8:9

O Samaria atoma ap wesagùn aike etage Simon welagaike. Hageat on at ebe wesagun logolìk wesarogo hagatì logolìk he, “Kain wesagùn nebe anat,” ìlùk ikenem he, it apùnì a Samaria mene nen, “Egi! Nayùk e,” ìlùk, at hogoratì lagaukwa.

2 PETERÙT 2:2

Atì'nogo meneat he, it en inetaùken nen nikenem inekalì legat yì weak tì weak hagatenem, apùnì logolegat en it inoabùt waganogo hagatì logogun atì ba, it apùnì aike nen, Yesùt opolik lagaikarek wene, ebe wene atì, abok weak ugun o.

ABÌKAKAN 17:5

Nen, wene ebe hinago mene eilhaken oba helal yì'nogo waganek: “Apùnì kweangma mene yanani nìlìk negarek mene mel, inoabùt kolo weak motok hagatarek mene mel, obogat inagosa etage Pabel kain yì,” ìlùk helal waganek welaga lakhìgì.

YURAT 1:16

It atì apùnì inabok weak palhìk, wenagisìgìk, iko motogat welagaikarek mene. Yì mene tì mene inetaùken nen nikenem, “Namolo,” akìkì logolìk he, atì meneat hagatìk, inokawerek en hogorakìkì logolìk, yì mene tì mene sabùrogo helùogolùk, it aike inane agauk hogo hogorinapìk, egarek mene.

KALATIA 6:3

Mene re, hat aike hetage lek logolìgat he, “An kain,” ìlùk, ha'la nen akìkì lagen halok he, hokawerek en lalìkì lagen atì.

KALATIA 2:6

It aike ina'la nen he, “Inetagewerek he, it atem,” egarek mene atì nen wene an yogoisìlìk nìgìrek mene a'nogo hobuk hùnogoat yogoisìlìk nìkì logouak en ìlùk yogonetì'legat. Ala nen apùnì inogat etakwe nek eileken isìlìk he, “Yì weak. Yì hano,” ìlùk ikerek lek atì nen, an it atì hesik alebat inetagewerek welagaika mene he a? Lek mene he a, ìlùk, wenesùgì ebetì lagagi lek atì.

LAKSASIKE 21:38

An na'la nen he, hat ap Mesit mene aike hageat melarìk, ap apùnì inoare mene inebe motok logolegat 4.000 mene wogisek o leimo apùnì le'ma wùlìpike a'nogo hat he a, akìgì mene re, hat lek hììgì,” ìlùk yogosike.

ABÌKAKAN 17:3

Atì'nogo yogonetenem he, Ala Areagùn noba louk i wagama, at malaikat a'nogo nen wo'narek, o apùnì le'ma leimo laga. Atì'nogo wo'narek lagama logolìk, lakhìgì hak he, he a'nogo yeke lo yeke hake hùko esi mep hake mene apot oba hùrek nikenem lakhìgì. Yeke lo yeke hake atì ùkùloak he, 7 ba, nen, aik ùkùlak oba re, 10 nen wùlìk, nen, ebe oake re, Ala etage wiik-weak hogo hagatùkwe helal kìlìk-kelek hogo waganek mene lakhìgì.

2 PETERÙT 2:18

Apùnì aike inerùgì inagaiya'lak koloat hagato kolek he, heraksalùk wùlìbi wesuogolùk ikenem, inetaùken nen nikenem hobuk weak hagasuagalùk, it ap atì inokawerek hogorakìkì logolìk we tùlemat inapeliagat ina'la kagalhì logogun.

MATÌÙT 24:26

It apùnì aike nen yogohisìkì logolìk he, Lakhani! At a'nogo o leimo a'loma werek o, iko halok he, hineileken lakha lagùp o. Nen, it aike nen, Lakhani! At a'nogo ouma abùrare'ma hinago werek o, iko halok he, hina'la nen eberogoat ìlùk akagùp o.

MATÌÙT 24:5

Apùnì inebe logolegat en inetage an netage mene salogo nen mel ìlìk wesugun: Karìsut a'nogo nebe wagì yìat o, ìlùk, inane eberogoat salek apùnì apigat lalinabi wesugun o.

LAKSASIKE 5:35

Atì'nogo yogoisasikomo, wulaksasukwama nen, at en wene mel yogoisasike: “Hit ap Isirael mene nagaiya'lak. Ap atì nìkì'nogo hagarinabugun akegep. Hina'la hanorogo ebethìlìk en hagasusak o.