LAKSASIKE 5:32 - Ala Ane Wene Ket Mene Warogo Wo'ninapike Wene

³² Atì'nogo hagate ìlùk nit nineileken tùkùm hogo hogosik en, Eberogoat, ìlùk yogohisìkì lago. Apùnì Ala ane hologo hagatorek mene hùgì, at Areagùn wo'nisikerek atì ninom enat wene atì yogohisìkì lago,” ìlùk yogoisasike.

LAKSASIKE 5:32 ပူးပေါင်းရင်းမြစ်များ

LAKSASIKE 1:8

Atì'nogo meneat he, Ala Areagùn hinoba pi waga halok, hinomame asigin. Hinomame arìk he, o kota Yerusalem en, propinsi Yurea nen, Samaria nen, hùlì o yì awì tì awì esako esako a'lomaat laga logolìk, an yì mene tì mene hagarìk nikenem hineileken neegep mene a'nogo, an hesik yogoisìlìk laga logoino o,” ìlùk yogoisasike.

1 PETERÙT 1:12

Hinok wanhenem, at Ala nen he, “Wene atì re, hit hinokawerek hesik he, lek o. It hobuk oan mene hesik hagatì lagep o,” ìlùk hit hesigat isike. Atì'nogo yogoisasikesik welagaikesik en, hobuk Ala Areagùn pogot oba nen pelakhei wagaikomo, it ap hano wene Yesùt Karìsùt hagasike wene a'nogo yogohisoagalùk ina'la logolìk yogotak pak hogo yogohisìlì'lùgì ebe atì hesik ìkì lagaukwa atì. Wene atì, it malaikat Ala nen yoko pelaksa wagarek mene amanogo nen he, “Eige, nit wene atì tùkùm hogo ninelu a'lo e,” ìlùk akagarek.

LAKSASIKE 13:31

Eluguthesikomo re, it Yesùt inom a Kalilea tokwe nen o Yerusalem pisukwa mene amanogo ineileken hoagalùk inelokoma eki apik oba melaga lagaike. Atì'nogo inelokoma melaga lagaikomo, ineileken hasukwasik, it en he, Ebe eberogoat nineileken tì'nogo hogo, ìlùk yogotak apùnì Isirael mane yogoisìlì'lùgì atì.

LAKSASIKE 5:29

Atì'nogo yogoisìkì lagaukwama, it Peterùt lak, Yesùt en inayoko hìlìk laksasike mene amanogo nen he, “Nit he, apùnì mene inane hologo hagatì'lek, Ala ane atìat hologo hagasusak o.

LAKSASIKE 15:28

Nit Ala Areagùn ninom logolìk he, wene mel ìlùk palho atì. Wene ekin mene yogohisasak lek. We, wene yìat hinasuk holusak ago.

LAKSASIKE 2:4

Ineileken atì'nogo hiko kolek, Ala Areagùn it obogat ina'la peserogo kisike. Kìlìk he, Ala Areagùn nen, “At atì ane tì'nogo ìkì logouak,” ìlùk akasike higit hogoat, it apùnì aike inane ba uagalùk yakùlisiko kolek elalinat ìkì lagaukwa atì.

YOHANET 7:39

wene atì'nogo yogoisasike atì re, apùnì inetaùken at oba hìpìrethagarek mene hùgì inebe lopok Ala Areagùn wogisegein, ìlùk abok isike meneat he, atem sat, at Yesùt ebe hogorato kolek lagasike a'nogo oan lagagì'lek nogo nen he, Ala Areagùn oan pelabi wagì'lek werek kolek isike.

2 KORÌTÙT 13:1

An alep neki pìre ba hinoba wagagisik he, hobuk aike wesigin atì. Ala ane ba helal mel ìlùk waganek werek: “Apùnì nen it aike yì ùkùm tì ùkùm inoba houogolùk halok he, apùnì aike inebe pìre he a? Hìnagan he a, weak hagatenem ineileken haga mene nen, Eberogoat nineileken hogo, iko halok he, eberogoat akasak,” ìlùk isike atì nen he, an wìrìk, atìtì'nogoat hagasi wesigin atì.

LAKSASIKE 10:44

At Peterùt en wene atì oan yogoisiko were'ma, Ala Areagùn it apùnì wene atì inasuk holhì lagaukwa mene amanogo inebe obogat inoba louk i pi wagaike.

LAKSASIKE 2:32

Atì'nogo isike higit hogoat, at Yesùt Ala nenat eluguthikomo, nit ya obogat nineileken hogosik nineluat welago atì.

ÙRÙM 8:16

Atì'nogo ìkì lago atì re, at Ala Areagùn nen, “Hinebe Ala againapùrì o,” ìlùk yogonisikenem, nit ninetaùken oba nen ogorek atì.