LAKSASIKE 5:26 - Ala Ane Wene Ket Mene Warogo Wo'ninapike Wene

²⁶ Atì'nogo yogoisìkì lagaikomo re, at ap kain Ala awì serogo welagaike mene a'nogo agoromì inom lagaukwasik he, it ap Yesùt en inayoko hìlìk laksasike mene amanogo wogisek wagaukwa. Mene re, wogisek wesuogolùk ina'la nen he, “Apùnì logolegat en Yesùt agoromì elele waganogo nit helep oba ninoasinogo,” ìlùk inayùk en inane keirogo wogisek wagì'lek. We, lìok hogo wogisek wagaukwa.

LAKSASIKE 5:26 ပူးပေါင်းရင်းမြစ်များ

LAKSASIKE 5:13

Atogotenem he, it apùnì logolek amanogo nen hogorinapì lagaukwa. Atì'nogo meneat he, it apùnì welek mene nen it inoba ku inayùgat welagaukwa.

LAKSASIKE 4:21

Atì'nogo yogoisasukwama, ap a'nogo elalin hagasukwa atì hesik, apùnì obogat en Ala hogoratì lagaukwa atì nen, ùkùm nìkì'nogo inoba hou heat haga'lagaikomo re, inasuk enek hobuk warogo wulaksasukwa.

LAKSASIKE 5:24

Yogoisasukwama re, it ap Ala awì wùrìk serogo welagaukwa mene amanogo mel, Ala esewerek inogogì kaintek amanogo inom en he, “It ap Yesùt en inayoko hìlìk laksasike mene a'nogo nìkì'nogo haga'lagaikama nen ega,” ìlùk inoake palagaikesik. “Hobuk nìkì'nogo haga'lasigin he,” ìlùk inalabut hisike.

LUKAT 22:2

it ap Ala esewerek mene inogogì kaintek mel, Ala ane helal waganek esewerek mene mel, apùnì obogat inayùk en he, Yesùt ùkùm nìkì'nogo oba hìlìk wasuok he, ìlùk weim abok ìkì lagaukwa.

LUKAT 20:19

At Yesùt en wene atì'nogo yogoisasikomo re, it ap Ala ane helal waganek esewerek mene mel, Ala esewerek inogogì kaintek amanogo mel, inasuk holhukwasik he, “Wene atì nit hesik oba lìrogo yogonisike hìgì,” ìlùk huthasukwasik he, atì sat, at Yesùt ebe hakhouogohik isukwa meneat he, apùnì amanogo inayùk en he, kamo isukwa.

LUKAT 20:6

Nen, Apùnì nen yakùlesukwama pelaginapì lagaike, ìlùk umo re, eige! It apùnì obogat en, Yohanet atì Ala aneat yogonisìkì lagaike, ìlùk akagaresi'mo nogo nen he, helep oba ninebe motok tamuk hogo ninoasinogo,” ìlùk isukwasik he,

MATÌÙT 26:5

Weim abok ìkì logolìk he, mel isukwa: “Pesta hùko isago nikenem atì re, wene wo'larìk elùgùn oba weak asinogo nen he, hakhìgì'lek logopik, o we like halok hakhouok o,” ìlùk weim abok isukwa.

MATÌÙT 21:26

Nen, Apùnì nen yakùlesukwama pelaginapì lagaike, ìlùk yogosumo re, it apùnì yoma obogat en, Yohanet atì Ala aneat yogonisìkì lagaike, ìlùk egaresi'mo atì re, nit ninayùk,” ìlùk isukwasik,

MATÌÙT 26:58

Yesùt atì'nogo wolok laga kolek, at Peterùt a'nogo hobuk inopolik hek-hek laga lagaikesik he, ap kain Kayapat a'nogo awululu kisikesik, “Yesùt nìkì'nogo hagasugun,” ìlùk eileken isagalùk he, at Kayapat agoromì Ala awì wùrìk serogo welagaikarek mene aike inekele'ma hù'lagaike.

LUKAT 22:4

Kisikomo re, at Yùrat, it ap Ala esewerek mene inogogì mel, Ala awì wùrìk serogo welagaikarek mene mel, inoba lagaikesik he, “Yesùt atì wasuageip en he, hineki ba nìkì'nogo hegein he,” ìlùk weim abok inom isukwa.

LAKSASIKE 5:22

Atì'nogo laksasukwama, it a'nogo lagaukwa re, it ap Yesùt en inayoko hìlìk laksasike mene a'nogo ineki hele warek hisagarek oba inebe le'ma. Inebe lek en inapotkwe wagaukwasik he, it ap amanogo mel yogoisasukwa:

LAKSASIKE 5:25

Atì'nogo inalabut hìto were'ma, ap aike wagaikesik he, “Ap sanì. Hit ap ineki hele warogo hisegep a'nogo re, Ala awì wùrì'mo metek logolìk, apùnì apigat wene yakùlisìlì'lùgì o,” ìlùk yogoisasike.