LAKSASIKE 5:20 - Ala Ane Wene Ket Mene Warogo Wo'ninapike Wene

²⁰ Wogisek wùlìbi wagaikesik, at en yogoisìkì logolìk he, “Hit hinebe Ala awì wùrì'mo lano o. Lìlìk atoma kìlìk metek logolìk he, wene hano wene hinebe hineluk logolìk ket hùnogoat hagatì logousak wene atì obogat yogoisa lano,” ìlùk yogoisasike.

LAKSASIKE 5:20 ပူးပေါင်းရင်းမြစ်များ

YOHANET 6:63

Ala Areagùn nen apùnì inelugurinaperek o. Apùnì kweangma mene inomame ba aike hagasusak mea o. Mene re, wene an nen yogohisìkì lagì atì, Ala Areagùn nenat ikerek mene nogo nen he, inelugurinaperek wene yogohisìkì lagì o.

YOHANET 6:68

Atì'nogo yogoisìkì lagaikomo, at Simon Peterùt a'nogo nen he, mel yogosike: “Eigo. Noe. Ninebe nineluk motok logousak hesik mene re, wene hat en yogonisìkì lagen hake yama re, hat herakhagalùk ap sa ba lasak akegen.

MATÌÙT 21:23

At Yesùt en wene atì'nogo yogoisalùk he, at ebe Ala awì wùrì'mo kisikesik logolìk wene yakùlisikenem he, it ap Ala esewerek mene inogogì kaintek mel, it ap inalùgetek mel, Yesùt oba wagaukwasik he, mel yogosukwa: “Hat he, nena mene esewerek agatik yì hagatìk, tì hagatìk, ìkì lagen. Nen, ap sa nen esewerek logouagalùk, menhageikomo hagatì lagen,” ìlùk yogosukwama,

LAKSASIKE 11:14

At en hat hebe mel, hoe hagot mel, hagainapùrì mel, Ala nen telhinabuagalùk, wene yogohisegein mene werek o, ìlùk yogonete, ìlùk ike.

YOHANET 18:20

at Yesùt en he, mel yogosike: “An nen apùnì kweangma mene wene yogoisìkì logolìk he, pak hogo nek yogoisìgìrek o. O it apùnì Yahuri mene obogat atogothìlìk sapan egarek obakwe mel, Ala awì wùrì'mo mel, atoma nek yakùlisìgìrek o. Wene hinagasogo aike ìgìrek motok lek meneat he,

YOHANET 17:3

It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

YOHANET 12:50

Nan, at on nit nineluk logouagalùk wene ninasuk warogo, Yì'nogo haga'no, tì'nogo haga'no, ìlùk ninasuk warogo yogonisikerek atì nit nineluk logouagalùk yogonisikerek, ìlùk an nelu o. At nopase nen wene yogonìrì'logo meneat yogohisìkì lagì o,” ìlùk yogoisasike.

YOHANET 17:8

Wene hat en yogonesigin mene amanogo, it arat yogoisigima, arat wanhasik, an hesik ìkì logolìk he, Ala nen lakhei wagaikomo, at were'ma nen eberogoat wagaike, ìlùk inelu agaikasik he, nebe hùthanha o.

MATÌÙT 10:27

Nen, an nen hit o mùmmo yogohisìgì mene, hit an o lìa ba ìkì logoino. Nen, hinesakoma nane sami-samok yogohisìgì mene atì, hit en o weinamma lagalìk hinane pak hogo yogoisìkì logoino o.

LAKSASIKE 13:26

“Halok he, hit apùnì Aberaham en tagokwe mane mel, etakwe mene Ala ane hologo hagatì lagep mene yoma hinom welagep mene mel, nerùgì nagaiya'lak. Wene telninabusak wene atì Ala nen nirat ninoba lakhei wagama yì.