LAKSASIKE 4:36 - Ala Ane Wene Ket Mene Warogo Wo'ninapike Wene

³⁶ Atì'nogo hagatì logolìk he, ap aike etage Yùsùp. Ùkùl etage Lewi mene. Ana o etage Siperùt mene, it ap Yesùt en inebe weteberogo inayoko hìlìk laksasike mene amanogo nen, nit ninane ba etage Inetaùkensebele ìlùk u hak, it inane ba etage Parenapat salhukwa.

LAKSASIKE 4:36 ပူးပေါင်းရင်းမြစ်များ

KALATIA 2:13

At ane pìre logolìk hek hogo wùlìpike hak, it apùnì Yahuri mene he'nakìt inebe obogat inom wùlìpì logolìk he, at Parenapat a'nogo a'la kagalogo hobuk it inane pìre mene atì lapo ìlùk wùlìpikeat.

KALATIA 2:9

Atì'nogo hùthinasukwasik he, it Yakobùt mel, Peterùt mel, Yohanet mel, Ala againapùrì nen he, “Nit ninogogì it werek,” ìlùk egarek mene nen he, “Hit en he, wene apùnì etakwe mene yogoisìlìk lano. Nen, nit en he, apùnì inogat inekalìma mene palek mene hesik yogoisìlìk logoin. Ninom hutigat hagatì logouok,” ìlùk he, Parenapat neperak nineki hak-hak hai wa'ninapukwa.

KALATIA 2:1

Atì'nogo isukwama, neki 14 tahun welagagisik en hobuk Parenapat neperak en at Titut ebe wolok he, o Yerusalem lagagu.

LAKSASIKE 15:39

Atì'nogo yogosikomo, eperak wene haro weak palhukwasik he, inaleketegat pùgùlhukwa. At Parenapat en he, Marekùt wolok he, imakwe so warogo o Siperùt wagaike.

1 KORÌTÙT 9:6

Ì a, at he, it atì yabu wanhì'lek welegat werek kolek, an Parenapat neperak ninaligat enek yì mene tì mene nineki ba nen set kalogo herakasak akegep?

LAKSASIKE 21:16

Laga logolìk, it apùnì o Kaisarea mene Yesùt ane wanhukwa mene aike ninomat lagagu. Ninom lagagusik, it en wo'nisek, ap aike etage Manason, aua ero o Siperùt mene, Yesùt ane hageat en wanhikesik o Yerusalem were'ma, at en wo'ninabìk aua logouagalùk, wo'nisek kisukwama atoma ap pogat welagagu.

LAKSASIKE 15:37

Atì'nogo yogosikomo re, at Parenapat an he, at Yohanet etage aike Marekùt a'nogo wolok lagalùk isike.

LAKSASIKE 12:25

Ati'nogo hùko aga kolek he, it Parenapat Saùlùt eperak en, apùnì Yerusalem mene arat leberisalùk he, inapotkwe wesuogolùk, ap etage Yohanet ìgìk, Marekùt ìgìk ìkì lagaukwa mene atì wolok wagaukwa.

LAKSASIKE 11:30

Atì'nogo atogosukwasik he, Parenapat Saùlùt eperak en, inekim wolok lìlìk, it ap Ala againapùrì serisek welagaukwa mene ineki ba hei loagalùk laksasukwa atì.

LAKSASIKE 15:12

Atì'nogo yogoisasikomo, it apùnì logolek amanogo inane ìgì'lek kamo isukwa. Atì'nogo kamo isukwama, Parenapat Paùlùt eperak en wene yogoisìkì logolìk he, “It apùnì etakwe mene wene yogoisikenem hùthoagalùk, nit en elalinat hagarinabìk nìkì lagosik wago atì, ebe re, Ala nenat hagarinapì laga o,” ìlùk pìlìngìrogo yogoisiko kolek, inasuk hologo welagaukwa.

LAKSASIKE 15:2

Wene atì'nogo yakùlisasukwama, at Paùlùt Parenapat eperak en it ap atì mel yogoisasukwa: “Hit en egep atì motok kolo egep o,” ìlùk, inom wene palhìk, serep agìk, apigat isukwa. Wene atì'nogo serep agaukwama re, it atoma mene nen he, Paùlùt Parenapat eperak, it aike inomat o Yerusalem lìlìk he, it ap Yesùt en inebe weteberogo inayoko hìlìk laksasike mene amanogo mel, it ap Ala againapùrì hagisek welagaukwa mene mel, inom en wene atì hesik haluagalùk laksùogolùk isukwa.

LAKSASIKE 9:27

Atì'nogo werek kolek, at Parenapat en Saùlùt ebe wanhikesik wolok he, it ap Yesùt en inebe weteberogo inayoko hìlìk laksasike mene amanogo aike inoba lagaike. Wolok lìlìk he, mel yogoisasike: “Ap yì re, kwe ebekwe laga logolìk, ninoe Etagepogot eileken hasikomo, at en wene tì'nogo yogotomo nen, at ebe o Tamìsìk logolìk, ayù'legat Yesùt etage palogo wene pak hogo yogoisìkì laga mene wolok wagì o,” ìlùk pìlìngìrogo yogoisasike.

MAREKÙT 3:17

Sepeteùt againapùrì Yakobùt agot Yohanet eperak inetage nit ninane ba okuku ane ikerek hake u hak, it inane ba Poanerekìt salinapike mene mel,

LAKSASIKE 13:1

Ala againapùrì o Atiokia atogotì lagaukwa mene amanogo, it aike nen Ala ane yogoisìgìk, it aike nen yakùlisìgìk, ìkì lagaukwa mene inebe ap aike Parenapat atì, aike Simeon etage Ebemuli ìkì lagaukwa mene atì, aike Lùkìùt o Kirene mene atì, aike Menahem, Herotet kain gubernur agaiyak eperak apine kalinapukwa mene atì, aike Saùlùt atì, welagaukwa.

LAKSASIKE 13:2

Logolìk he, ineki aike ba Ala againapùrì inom ninoe Etagepogot awe a'ma kìlìk, sùpùrùk nìkì'lek, at hogorato were'ma, Ala Areagùn nen yogoisìkì logolìk, “Parenapat Saùlùt eperak en an hesik hagatì logouagalùk, inayoko hìgìma atì nen he, it inebe weteberogo an hesik hanino o,” ìlùk yogoisasike.

LAKSASIKE 13:4

It Parenapat Saùlùt eperak Ala Areagùn nen laksa wagaikomo re, o Seleukia pi wagaukwa. Pi wìrìk he, o Seleukia atoma nen he, imakwe so ba o Siperùt i ekenma wagaukwa.

LAKSASIKE 13:15

Hù'lagaukwasik were'ma re, it apùnì atoma mene nen, wene Ala nen ninasuk wasike wene a'nogo etage salhìk, wene it ap Ala ane yogoisìkì lagaukwa mene nen helal wanhukwa mene etage salhìk, isukwasik he, inogogì kaintek en Paùlùt lak yogoisìkì logolìk: “Nagaiya'lak. Apùnì yoma inetatùken wurik asuak en he, hit en wene aike werek halok he, yogonisoageip ìlùk hinayoko hogo o,” ìlùk isukwama,

LAKSASIKE 21:3

Laga logolìk he, i ekenma o etage Siperùt atì nineki peikkwe nineileken lakhìlìk-hìlìk imakwe laga lagagusik, o propinsi Sìrìa lagagusik, o kota Tìrùt wùlùpugu. Wùlùpugusik, atoma nen, sukwe so a'la wolok lagaukwa mene wulabuogolùk isukwama re, nit no a'la nen atoma wùlùpugu.

LAKSASIKE 27:4

Lagaikesik wagaikesik he, o atoma nen, imakwe so ba waga logolìk, sogoi ninelokokwe nen laga lagaikomo re, i ekenma etage Siperùt atì abel he'nakwe re, sogoi kwe pale'ma hano ìlùk atìkwe wagagu.

1 KORÌTÙT 14:3

Atì'nogo meneat he, at sa nen Ala ane apùnìat pak hogo yogoisikenem he, inetaùken ago watìk, inasuk watìk, inetaùken sebelhìk, ikerek atì.

KOLOSE 4:10

Arisitarekùt an neperak nineki hele warek welago mene nen hai wathinapìk, Parenapat agaiyak Marekùt a'nogo nen hai wathinapìk, ega o. At Marekùt hesik wene alep yogohisasigi a'nogo hagat, at ebe hinoba waga halok, hanorogo wanino.