LAKSASIKE 4:34 - Ala Ane Wene Ket Mene Warogo Wo'ninapike Wene

^34-35 Atì'nogo leberisiko kolek he, inakweang esewerek welagaukwa mene inom, inawì wùrìk esewerek welagaukwa mene inom, apùnì welek mene inoba oko uang wanhì lagaukwa. Wanìk he, uang atì it en wolok ap Yesùt en inebe weteberogo inayoko hìlìk laksasike mene amanogo ineki ba hei waga lagaukwa. Hei waganem he, it aike inagarok lek mene inebe lopok elok hogoat sùpùrogo aga lagaukwa. Atì'nogo hagatì lagaukwa atì nen, it aike inelageik agì'legat welagaukwa.

LAKSASIKE 4:34 ပူးပေါင်းရင်းမြစ်များ

LAKSASIKE 2:45

Atì'nogo logolìk he, it aike nen, inakweang mel, inagarok mel, oko uang wìlìk he, uang atì it Ala againapùrì mene amanogo inebe lopok sùpùrisìkì logolìk, it aike lek mene elok hogoat sùpùrisìkì lagaukwa.

LUKAT 16:9

Atì halok he, an wene aike yogohisak. Hinagarok yì mene tì mene kweangma mene, ineilmasirogo kolo hagatarek mene atì lek aga halok, hinawì hano motok logousak oba wokhinabuagalùk he, yogotak ya hinagarok atì ba hinagaiya'lak hinom ekaberakìkì logoino o,” ìlùk yogoisasike.

LUKAT 12:33

Hit hinagarok mene atì oko abarìk he, oko uang abasugun mene amanogo it inagarok lek inelageik mene atì sùpùrisano o. Sùpùrisìlìk he, uang awì momok agarek lek mene waganogo hìlìk, kalogo hìkì logou hak, hinagarok hano motok lek asigin lek mene, it ap ineil agasabu weak mene nen yogot hinasi kìgìk, elugeke nen palhìk, ikerek motok le'ma pogot oba atoma kalogo hikoagalùk lakhakìkì logoino o.

LUKAT 22:35

At Yesùt en atì'nogo yogosikesik he, at Peterùt agaiya'lak he'nakìt inom lapuk hogo mel yogoisasike: “An nen, hit hinauang awì mel, hinasukwe mel, hinasepatu mel, wolok lagùp o, ìlùk lakhikasigi a'nogo nen he, hit yì mene tì mene legat welagagip a?” ìlùk Yogoisasikomo, it en he, mel yogosukwa: “Lek o. Elogat welagagu o,” ìlùk yogosukwama,

MAREKÙT 10:21

at Yesùt eileken oba hìlìk etawì arìk he, mel yogosike: “Hat he, wene omakeat enek aike hagatì'lek welagen o. Hat yoma nen lìlìk he, hagarok yì mene tì mene atoma obogat it aike inoba abasi lan o. Abarìk he, oko wokhesugun mene atì, it apùnì aike inagarok lek inelageik mene atì sùpùrogo wogisano. Atì'nogo wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en we'no,” ìlùk yogosikomo,

MATÌÙT 19:21

at Yesùt en he, “Hat hebe hano motok asigìlùk halok, yoma nen lìlìk he, hagarok yì mene tì mene atoma obogat it aike inoba abasi lano. Abarìk he, oko wokhesugun mene atì, it apùnì aike inagarok lek inelageik mene atì sùpùrogo wogisano. Atì'nogo wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en, we'no,” ìlùk yogosike.

1 TIMOTÌÙT 6:19

Atì'nogo hagatì logogun halok he, yì mene tì mene hobuk mene hesik atogorogo hagarek hak, hano hagatì logolìk, hobuk motok logogin mene hesigat hakìkì logopik he, ninebe eberogoat ninelugu'ninabumo logogun atì meneat heloagalùk inasuk Watì logoino o.

LAKSASIKE 4:37

Ap atì akweang were'ma re, it aike inoba oko uang wanhikesik he, uang atì wolok, it ap Yesùt en inebe weteberogo inayoko hìlìk laksasike mene amanogo ineki ba hei wagaike.

YAKOBÙT 1:27

Ninopase Ala nen he, “Apùnì nen an na'la hanorogo higit hano motok hagatì logousak he, yìtogo. Yekerùgì suarek mene mel, hìmì soge mene mel, nong arìk were'ma leberisìgìk, apùnì kweangma weak hagarì'lùgì mene atì inoabùt wanhì'lek inokawerek en tegelìgìk, ìkì logousak o,” ìlùk a'la akikerek atì.

1 TESALONIKA 4:12

Atiat esinethìlìk he, it aike nen waganekkwe nìlìk negarek atì hak hagatì'lek logolìk, apùnì etakwe mene nen, “It hano,” ìlùk uagalùk ineilhanem hinoabùt higit hogo hagatì logoino.

2 KORÌTÙT 8:14

Hit mene yogotak apik werek atì. Halok, it lek werek mene atì hisasak o. It mene hobuk apik arìk he, hit lek werek halok aike hikasak atì. Atì'nogo hagasugun halok, hit en leberisìgìk, it en lebethikìgìk, hinom higit hogo ìkì logogun atì.