LAKSASIKE 4:32 - Ala Ane Wene Ket Mene Warogo Wo'ninapike Wene

³² It wene eberogoat ìlùk wanhukwa mene atì, inebe logolegat he, inetaùken omakeat welagaukwa. Logolìk he, inagarok yì mene tì mene obogat, “Yì an mene,” ìlùk ìgì'legat he, “Ninebe obogat ninagarok mene,” ìlùk, ìkì lagaukwa.

LAKSASIKE 4:32 ပူးပေါင်းရင်းမြစ်များ

1 KORÌTÙT 1:10

Atì'nogo meneat he, nerùgì nagaiya'lak. Ninoe Etagepogot Yesùt Karìsùt etage ba, wene aike hinasuk wasik. Hit obogat hinebe mìkìlhì'lek hai warek logolìk he, hinane omakeat mene ìgìk, hinetaùken omakeat welagìk, hina'la nen wene omakeat mene ebetìk, ìkì logoino.

1 PETERÙT 3:8

Wene atì elùgùn warogo mel yogohisak. Hit hinebe obogat hina'la nen he, “Ninebe Ala againapùrì ninerùgì ninagaiya'lak ninom,” ìlùk hinetaùken hutik logolìk, hina'la omakeat mene akìgìk, hinetaùken omakeat mene ebetìk, ìkì logoino. Atì'nogo ìkì logolìk, hinokawerek en hogorakìgì'lek, hinetaùken seberogo logolìk, hit-hit netawì-hetawìrogo hagatì logoino.

2 KORÌTÙT 13:11

Nerùgì, nagaiya'lak. Wene elùgùn warogo mel yogohisak. Hina'la hai hakìgìk, hinetaùken katok hogo wurigethakìgìk ìkì logoino. Wene hinasuk warìk wagì atì, hinasuk hanorogo holino. Hinetaùken omakeat logolìk, hinom lapuk hogo logoino. Atì'nogo hagatì logogun halok, Ala apùnì etawìrinapìk, inom lapuk hogo hano hisìgìk, ikerek mene a'nogo sethisek logogin o.

LAKSASIKE 2:1

Apùnì Yahuri mene Pesta Paskah nìkì lagaukwasik ineki 50 hari welagaukwasik, hari Pentakosta logolìk, it apùnì inetaùken Yesùt oba hìpìrìk welagaukwa mene inebe obogat omakìma atogorek were'ma,

PILIPI 1:27

Wene hano wene Karìsùt en hagasike wene a'nogo ba, “Apùnì yì'nogo hagatì logoino, tì'nogo hagatì logoino,” ìlùk yogohisagarek meneat hagatì logoino. Atì'nogo hagatì logolìk, hinebe lapuk hogo hagatì logoumo, it apùnì aike nen hinabok ìkì logolìk he, “It inoabùt he, hano wene yogoisikenem holì'lùgì higit hogoat inetaùken Ala oba hìpìrethìlìk ning hogo metek werek o,” ìlùk, an nebe walegat were'ma yogonesugun he a? Hinoba wìrìk neileken hisegein he a. Wene hano wene yogohisogorek hak, hinom lapuk hogo logolìk, weim yapì logolìk ning hogo yaparek hak, wene atì hesik ning hogo hagatì logoino.

LAKSASIKE 1:14

It inebe atem mel, Yesùt agosa Maria mel, hìmì aike mel, Yesùt agoromì opolik mene inomat, inebe obogat inetaùken omakeat logolìk he, sapan iko motok welagaukwa.

YOHANET 17:11

Yogotak an he, kweangma yoma aregenma logogin lek o. We, hat hea wesigin meneat he, it enek he, kweangma yoma logogun o. Hat weak hagatì'lek tegelek motok welagatek mene, nopase. Nit neperak ninebe omakeat welagorek a'nogo hak, it atì'nogoat inebe omakeat logouak en he, hat hetage esin mene an salnapigin atì ba, it hagisek logoino o, nopase.

1 PETERÙT 4:11

Atì'nogo ìkì logolìk, Yesùt Karìsùt hinom hutik logolìk hagatenem, it apùnì aike nen Ala hogoratì logouagalùk, hit aike nen wene yogoisìkì logolìk, Ala aneat yogoisìgìk, hit aike nen it aike leberisìkì logolìk, Ala omame wo'nisikerek atì baat leberisìgìk, ìkì logoino o. Atì'nogo hagatì logolìk, Yesùt omame apik esok motok welagarek a'nogo hogorato motok logouok ìlùk, “Amin,” ìgì atì.

ÙRÙM 12:5

Atì hak he, ninebe apigat welago meneat he, Karìsùt ninom omakeat hùnogo hinasikomo welago yì. Ninebe omakeat mene re, nineki ninesok ninebe hutik welagarek atì hak, ninerùgì ninagaiya'lak ninom atì'nogo welago.

LAKSASIKE 5:12

It ap Yesùt en inebe weteberogo inayoko hìlìk laksasike mene amanogo apùnì logolegat inom logolìk he, wene apùnì nen hùthoagalùk hagasusak lek mene elalinat hagarinapì lagaukwa. Hagarinapì logolìk, it Ala againapùrì inebe obogat inetaùken omakeat logolìk, inebe Ala awì wùrì'mo selepon etage Salomo aseleponma atogotì lagaukwa.