LAKSASIKE 4:31 - Ala Ane Wene Ket Mene Warogo Wo'ninapike Wene

³¹ Atì'nogo Ala ayoko hìkì lagaukwama re, o it atogorek welagaukwa ba atì abolok isike. Abolok ìkì logolìk he, Ala Areagùn inebe obogat ina'la peserogo kisikomo, wene Ala nen isike mene apùnì inayù'legat yogoisìkì lagaukwa.

LAKSASIKE 4:31 ပူးပေါင်းရင်းမြစ်များ

MATÌÙT 21:22

Nen, hit yì mene tì mene Ala kìno yogotì logolìk hinetaùken at oba hìpìrethegep halok he, wokhisegeinat, o,” ìlùk yogoisasike.

LAKSASIKE 2:4

Ineileken atì'nogo hiko kolek, Ala Areagùn it obogat ina'la peserogo kisike. Kìlìk he, Ala Areagùn nen, “At atì ane tì'nogo ìkì logouak,” ìlùk akasike higit hogoat, it apùnì aike inane ba uagalùk yakùlisiko kolek elalinat ìkì lagaukwa atì.

YAKOBÙT 1:5

Mene re, at Ala oabùt hano nen apùnì obogat etawì logolìk wenagisìgì'lek wogisikerek atì nen, hit aike hina'la kagale'lek halok, at kìno yogosumo hina'la kagaliginat o.

LAKSASIKE 2:2

aremnogoat, sogoi uare'ma hunha waga logolìk ane ikerek atì hak, Ala nen pogot oba nen pelakhei wagaikomo re, it apùnì ouma hùrek welagaukwa mene amanogo obogat ane inasuk holhukwa.

LAKSASIKE 4:29

Mene re, ninopase. Nit ninoasuogolùk ìlì'lùgì atì heileken isan o. Nit hagoromì yoma wene hat en isigin mene atì, ninayù'lek hogo yogoisìkì logouagalùk homame wo'nisan o.

YOHANET 15:7

Hit an ninom hutik logolìk nane hina'la werek halok, we, nena mene hit walok mene an kìno yogonesumo wokhisamo helogoinat o.

YOHANET 14:12

At sa nen etaùken an noba hìpìrethike halok he, an hagatì lagì mene atì, at en hagatì logoginat o. An hagatì lagì atì re, hamùlùgat negen meneat he, an nopase oba legein atì nen he, at sa nen etaùken an noba hìpìrìk welagarek mene atì nen ebenagei'mo hùkorogo hagatì logogin o, ìlùk nane eberogoat yogohisìgì.

YOHANET 15:16

Hit en an wena'napigip hùk. We, an nen hit wenakhinapigi atì, e eken ìterek atì hak, motok logogin mene hagasi loageip en ìlùk, hinebe wenakhinabìk menhikasigi. Atì nen he, we, nena mene, hit walok mene an netage palogo nopase kìno yogosugun halok he, at en wokhisegeinat o.

PILIPI 1:14

An neki hele warogo hanhama welagì yì nen, Ala againapùrì aike inebe hùkokwe inetaùken ninoe Etagepogot oba hìpìrethìlìk wurik arìk he, wene Karìsùt hesik inane ba pak hogo yogoisìkì logousak inayù'lek arì'logo atì.

LAKSASIKE 2:1

Apùnì Yahuri mene Pesta Paskah nìkì lagaukwasik ineki 50 hari welagaukwasik, hari Pentakosta logolìk, it apùnì inetaùken Yesùt oba hìpìrìk welagaukwa mene inebe obogat omakìma atogorek were'ma,

LAKSASIKE 4:13

It Peterùt Yohanet eperak inayù'lek logolìk, wene pak hogo atì'nogo yogoisikenem he, it ap amanogo nen hogorinapì logolìk he, “Ap yì sekola yakùlhì'lek. We, inokot ouma meneat he, Yesùt inom nìkì lagaika mene a'nogo nen hìgì,” ìlùk huthasukwa.

LAKSASIKE 14:3

Ina'la atì'nogo kagalho kolegat he, at Paùlùt Parenapat eperak ineki logolegat o atoma inayù'lek hogoat logolìk he, wene ninoe Etagepogot hagatì lagaike wene atì yogoisìkì lagaukwa. Yogoisìkì logolìk, Ala oabùt hano nen wo'nisikerek wene atì, “Eberogoat,” ìlùk hùthoagalùk yogoisikenem, it en hagasusak lek mene elalinat hagarinapì logouagalùk, Ala nen inomamerinapì lagaike.

PILIPI 1:20

An na'la nen he, wene Karìsùt hesik u nekalì agì'lek yogoisìkì logousak namolo. Halok, nekalì agì'lek yogoisìkì logogin o, ìlùk, hùthìlìk na'la hano welagì. Ninhùp-nanhùbat pak hogoat yogoisìgìrek hak, yogotak atì'nogoat yogoisagalùgat welagì. Nebe neluk logoumo hanoat. Nen, wa'lasumo hanoat. An atì'nogo haga'napo kolek, nebe abirekeat Karìsùt hesik hagatì lagì atì ba, apùnì nen Karìsùt hogorasuagalùgat welagì.