LAKSASIKE 4:27 - Ala Ane Wene Ket Mene Warogo Wo'ninapike Wene

²⁷ Atì'nogo isigin hagat, at Herotet mel, Potìùt Pilatùt mel, apùnì etakwe mene mel, apùnì Isirael mene mel, Yesùt, hat hokawerek haput nit apùnì telninabuagalùk menhesigin mene a'nogo, wasuogolùk eberogoat o yoma atogosi wagaika atì hesik isigin atì.

LAKSASIKE 4:27 ပူးပေါင်းရင်းမြစ်များ

MATÌÙT 27:2

eki hele warogo at Pilatùt ebe Gubernur kain were'ma oba wolok wagaukwasik he, wogosukwa.

LAKSASIKE 4:30

Hat homame wo'nisikenem he, hokawerek haput Yesùt etage ba hat heki baat apùnì ou hagarinapìk, wene hùthoagalùk hagasusak lek mene elalinat hagarinapìk, igin atì, ebe nit en hagarinapì logouagalùk homame wo'nisan o,” ìlùk Ala ayoko hesukwa.

LUKAT 9:22

Inasuk atì'nogo wasikesik he: “An abat ta'lasi wagagi a'nogo, it ap inalùgetek mel, it ap Ala esewerek mene inogogi kaintek mel, Ala ane helal waganek esewerek mene mel, inom en, an nebe inabìt arìk, yì aik tì aik apigat haga'nabìk, nebe noasugun o. Noasumo re, nebe neki pìre warek logopik, aike nen he, Ala nen nelugu'nabigin o,” ìlùk, yogoisasike.

IBERANI 7:26

Nit nina'la nen he, “Ap aike Ala esewerek nit hesik hano katok hogo yì'nogo kain logolìk hagatì logoilep e,” ìlùk akogorek mene, Ala nen ninoe Yesùt atìat menhesikomo werek o. At oabùt he, weak kolo aike hagatì'lek, hano tegelek motok were'ma, apùnì weak hagatarek mene ina'la nen tegelogo pogot abel pokwe po a'loma lìakhesikomo nit hesik werek o.

LAKSASIKE 2:27

Atì'nogo logogin atì re, an nebe apùnì wa'la'lùk lagaikarek oba atoma motok logouagalùk, hat en herakhanhìk, An hat haput hetaùken hutik mene nebe yì hili asuagalùk halolothanhìk, igin lek atì nenat o.

YOHANET 19:34

Atì'nogo hebesukwa meneat he, ap tentara amanogo mene aike nen he, Yesùt abelekenma sìge taluk wasikomo, akokwe amep mel, i mel, wùlìbi wagaike.

YOHANET 18:28

Atì'nogo haga'lùk, sùe ane isikomo hùp siak hogo at Yesùt ap Kayapat were'ma nen, o ùkùm inoba hìgìk, kotìk, egare'ma wolok wagaukwa. Wolok wagaukwasik he, Yesùt enek ouma kelakhesukwasik, “Nit pesta Paskah a'nogo mene nìkì logousa'ma, ninabusak kumo re, nit weak asinogo,” ìlùk he, o ùkùm inoba hìgìk, kotìk, egare'ma atoma kìgì'lek, we, o silimo kamo isukwa.

YOHANET 10:36

an nen he, Nebe Ala aput, ìgì atì nen, Ala etage weagate, ìlùk nenahalok ìkì lagep. Ala nenat nayoko hìlìk eberogoat nebe wenagasogo kweangma yoma lakhani wagaike meneat he, atì'nogo nenahalok ìkì lagep.

YOHANET 1:11

At okawerek aua wagaika meneat he, at oe agot en ebe wanhì'lek hebisasukwa.

LUKAT 22:63

At Peterùt atì'nogo le aga kolek, it ap Yesùt ebe hesogo welagaukwa mene amanogo nen inane sagan wokhìgìk, tùgì watìk, isukwa. Atì'nogo hagatì logolìk,

LUKAT 4:18

“It apùnì inagarok motok lek inelageik mene atì hano wene yì yakùlisìkì logouagalùk menhanhikomo nogo nen he, nopase Etagepogot Areagùn pelakhei wagama an noba louksek werek o. Nen, nayoko hìkì logolìk mel yogonesike: It apùnì ineki hele homago mene hele hikalinabigin wene inom, ineileken pùk mene hano asuagalùk hagarinabigin wene inom, yogoisìgìk, it apùnì inawe a'ma negen sebelogo hebisìlì'lùgì mene telogo inalepma hisìgìk,

LUKAT 1:35

at malaikat a'nogo nen he, “Ala Areagùn hoba louk i wìrìk he, kuna'ma kagarek hak, ninopase Ala Etagepogot omame apik atì awe a'ma hagagin o. Hagoumo, heak Ala aligat aput tasumo re, apùnì nen, At atì Ala aput, ìlùk ìkì logogun o.

MAREKÙT 15:31

Atì'nogo iko kolek he, it ap Ala esewerek mene inogogì kaintek amanogo mel, Ala ane helal waganek esewerek mene amanogo mel, inom it-it inane sagan wokhìkì logolìk he, “At en he, it apùnì aike mene elok telinapì laga a'nogo meneat he, okawerek en telasak mea hìgì.

MAREKÙT 10:33

Atì'nogo yogoisìkì logolìk he, mel yogoisasike: “Nagoromì. Nit yogotak o Yerusalem pìkì Lago. Arat pìlì'mo nen he, an abat ta'lasi wagagi a'nogo re, ap en yoko lìlìk, an nebe it ap Ala esewerek inogogì kaintek mel, Ala ane helal waganek esewerek mene mel, ineki ba hanumo ap aike nen noasuagalùk ùkùm noba hìlìk he, it en it ap etakwe mene ineki ba hanugun o.

MATÌÙT 23:37

At Yesùt en atì'nogo yogoisasikesik he, aike mel yogoisasike: “Eigo! Hit apùnì o Yerusalem mene yì netawì lak e! Hit enat ap Ala ane yogoisagarek mene inebe inoatìk, ap Ala nen inayoko hìlìk laksa wagarek mene helep en tamuk-tamak hogo inoatìk, egesep atì netawì lak e. Sùe ayam eagwì ogolabi a'ma atogorogo hisikerek atì hak, an nen ninhùp-nanhùbat hit o yoma welagasep mene obogat atì'nogoat atogorogo hikagalùk ìlùk akìgìrek meneat he, hit en, Ninabìt, egesep atì, netawì lak e.

MATÌÙT 21:28

At Yesùt en atì'nogo yogoisìkì lagaikesik hobuk mel yogoisasike: “Wene igin yì re, hit nìkì'nogo akìkì lagep mene igiìn. Ap aike againapùrì inebe pìre welagaukwa. Were'ma, aput makusa mene atì oba lagaikesik he, mel yogosike: Naput. Yogotak hat he, anggur yabumo a'nogo yabu hagasi lan, ìlùk yogosike.

MATÌÙT 14:1

O atem higit he, at Herotet o Kalilea tokwe kain 14 etagepogot welagaike mene atì, Yesùt en hagatì lagaike mene abok holhikesik he,

MATÌÙT 14:3

At Herotet en Yohanet hageat wasike atì re, wene yì'nogo. At kain Herotet en he, agot Pilipùt agwe Herotìa atì telogo wanhike atì nen, at Yohanet en he, Herotet mel yogosike: “He Herotìa wanusak le'ma wanhen atì, waganek logousak mea o,” ìlùk yogosike atì nen he, Yohanet ebe eki hele warogo re, o eki hele warogo hisagarek oba kelakhesikesik wasigìlùk isike meneat he, it apùnì nen he, “Yohanet atì Ala ane yogoisikerek mene,” ìlùk egaresi'mo re, wasu ayùk agaike.

MATÌÙT 14:6

Meneat he, o at Herotet atì ebe ta'lagaike ha higit asi wagaikomo re, pesta hagatì logolìk, at he Herotìa eak salisik mene atì, apùnì apik inekele'ma nen etawì ouak sogop holok hogo lagagìk pìgìk watenem he, at kain Herotet atì a'la hai hakasike.

LUKAT 23:1

Wene atì'nogo isukwasik, apùnì welagaukwa mene 23 amanogo inebe obogat melarìk he, Yesùt Pilatùt oba wolok wagaukwa.

YOHANET 18:29

O silimo kamo isukwama re, at Pilatùt inoba wùlìbi wagaikesik he, mel yogoisasike: “Ap sanì. Ap yì ùkùm kì'nogo mene oba hegesip en wolok wagep,” ìlùk yogoisasikomo,