LAKSASIKE 4:13 - Ala Ane Wene Ket Mene Warogo Wo'ninapike Wene

¹³ It Peterùt Yohanet eperak inayù'lek logolìk, wene pak hogo atì'nogo yogoisikenem he, it ap amanogo nen hogorinapì logolìk he, “Ap yì sekola yakùlhì'lek. We, inokot ouma meneat he, Yesùt inom nìkì lagaika mene a'nogo nen hìgì,” ìlùk huthasukwa.

LAKSASIKE 4:13 ပူးပေါင်းရင်းမြစ်များ

1 KORÌTÙT 1:27

At Ala a'la nenat he, it apùnì kweangma mene ina'la kagalek mene atì, inekalì wasigìlùk he, apùnì nong-hongsek meneat wenagasogo inayoko hesike. Apùnì inomame werek mene atì, inekalì wasigìlùk he, it maben mene wenagasogo inayoko hesike atì.

YOHANET 7:15

Yakùlisikenem he, it ap kaintek Yahuri mene nen he, mel isukwa: “Egi! Nayùk e. Ap yì sekola hagatì'lek meneat he, yì wene tì wene yoma nìkì'nogo nen elu aga akegep,” ìlùk isukwama,

MATÌÙT 11:25

Atì'nogo yogoisasikesik he, o atì sat he, at Yesùt en Ala ebe yogotì logolìk he, “Ala nopase e! Pogot kweang esewerek harat o! Wene obogat atì re, it apùnì ina'la kagalek mene mel, yì wene tì wene inelu mene mel, inelu asinogo ìlùk hinakhìlìk he, it inoabùt yekerùgì ketago mene hake nek he, pak hogo yogoisegen atì ha'la walok akegetik enat yogoisegen atì nen hai wathapì lagì, nopase,” ìlùk yogosike.

MATÌÙT 26:73

aremnogoat were'ma, it apùnì apik amanogo Peterùt oba wagaukwasik he, mel yogosukwa: “Hat hebe eberogoat it meneat o. Hane enagat hùthìkì lago,” ìlùk yogosukwama,

YOHANET 7:49

Motok lek meneat he, it apùnì apik yoma wene Ala nen ninasuk wasike wene a'nogo inokot logolìk ìlì'lùgì atì, Ala nen homan inoba hisikomo werek o,” ìlùk yogoisasukwa.

LUKAT 22:8

Nasak higit agaikomo re, at Yesùt en Peterùt Yohanet eperak laksìkì logolìk he, mel yogoisasike: “Nit pesta Paskah hesik topa wam ninom nùok en he, lìlìk weragasogo tegelogo hìlìk logoino o,” ìlùk yogoisasikomo,

MATÌÙT 26:71

kwe hùko ape pale'ma wùlùparek oba wùlìbi wesigìlùk ikenem he, at helekerek aike inatitigeke hùnogoat mene eileken lakhìlìk, apùnì apik amanogo mel yogoisasike: “Ap yì Yesùt Nasaret mene a'nogo inom negarek meneat o,” ìlùk yogoisasikomo,

YOHANET 19:26

At agosa mel, agoromì ane wanhì lagaukwa mene aike etaùken hutik motok welagaike mene a'nogo mel, era'lu atì'nogo metek were'ma eileken isasikesik, at agosa yogotì logolìk he, “He yì nagosa. Hat heak arìat o,” ìlùk yogosikesik,

LAKSASIKE 4:14

Hùthasukwasik, ap esok hano hagasukwa mene a'nogo, it Peterùt Yohanet eperak inom metek were'ma, ineileken isìlìk he, it ap amanogo nen wene nìkì'nogo yogoisa heat haga'lagaikomo re, yogoisìgì'lek kamo isukwa.

LAKSASIKE 4:19

Atì'nogo yogoisasukwama re, it Peterùt Yohanet eperak en he, “Ala eilhanem higit hogo hagasusak he, kì. Hit en, Tì'nogo hagasusak, ìlùk egep mene atì hologo hagasusak a? At he, Ala nen, Tì'nogo hagasusak, ikerek mene atì hologo hagasusak a. Hina'la ebe'ni. Nit he, nineileken hìgìk, ninasuk holhìk, ogo mene atì, apùnì aike yogoisìgì'lek kamo usak he, mea atì nen he, yogoisìkì logogunat o,” ìlùk yogoisasukwa.

LAKSASIKE 4:29

Mene re, ninopase. Nit ninoasuogolùk ìlì'lùgì atì heileken isan o. Nit hagoromì yoma wene hat en isigin mene atì, ninayù'lek hogo yogoisìkì logouagalùk homame wo'nisan o.

LAKSASIKE 4:31

Atì'nogo Ala ayoko hìkì lagaukwama re, o it atogorek welagaukwa ba atì abolok isike. Abolok ìkì logolìk he, Ala Areagùn inebe obogat ina'la peserogo kisikomo, wene Ala nen isike mene apùnì inayù'legat yogoisìkì lagaukwa.

LAKSASIKE 9:27

Atì'nogo werek kolek, at Parenapat en Saùlùt ebe wanhikesik wolok he, it ap Yesùt en inebe weteberogo inayoko hìlìk laksasike mene amanogo aike inoba lagaike. Wolok lìlìk he, mel yogoisasike: “Ap yì re, kwe ebekwe laga logolìk, ninoe Etagepogot eileken hasikomo, at en wene tì'nogo yogotomo nen, at ebe o Tamìsìk logolìk, ayù'legat Yesùt etage palogo wene pak hogo yogoisìkì laga mene wolok wagì o,” ìlùk pìlìngìrogo yogoisasike.

LAKSASIKE 9:28

Atì'nogo yogoisasikomo, at it inom hano nek o Yerusalem ya ta nìkì logolìk he, ayù'legat ninoe Etagepogot Yesùt etage palogo wene pak hogoat yogoisìkì lagaike.

1 KORÌTÙT 14:25

at a'la hinago mene hukalasigin. Hukalaganem he, oabùt isong hogo at ebe soma ìlìk Ala hogoratì logolìk he, mel igin: “Eberogoat Ala hinom welagep o,” ìlùk yogohisegein o.

2 KORÌTÙT 3:12

Hobuk atì'nogo hano asigin ìlùk, nina'la hai hakìkì logolìk he, wene ninayùk motok legat yogoisìkì lago o.