LAKSASIKE 4:12 - Ala Ane Wene Ket Mene Warogo Wo'ninapike Wene

¹² At Ala nen, nit apùnì kweangma yoma mene at aike nen telninabuagalùk etage yakùlnisìgì'lek atì nen he, welek mene nen telninabusak mea o. We, at Yesùt en telninabuagalùk, at aligat etage yakùlnisasike atì,” ìlùk yogoisasike.

LAKSASIKE 4:12 ပူးပေါင်းရင်းမြစ်များ

YOHANET 14:6

at Yesùt en he, mel yogosike: “Kwe mel, ebe wene mel, inelugurinapìrek mel, atì an nebeat o. At sa nen an noba wagì'lek halok, nopase were'ma pìkìt kusak motok mea o,” ìlùk yogosikesik,

1 KORÌTÙT 3:11

At Ala nen he, “O atì tik, Yesùt Karìsùt atìat logouak,” ìlùk hesike atì nen he, at aike nen, o tik hùnogo mene wasusak motok lek o.

YOHANET 3:36

Halok, sa nen etaùken Ala aput oba hìpìrethìlì'logo halok, ineluk logogun mene ese agasik werek o. Meneat he, sa nen, at aput atì ane holhì'lek obaken nene heraksìlì'logo halok, ineluk motok logogun mene atì ese asigin lek. We, Ala a'mage oba hìlìk logogin o.

LUKAT 24:47

Nen, aike mel ìlùk helal waganek weregat: Hit apùnì weak hagatì lagep mene atì, heraksìlìk hinoabùt hebelhep halok he, Ala nen sagalogo legetsegein o, ìlùk, at etage palogo wene ìkì logolìk he, ero o Yerusalem hùlì nen yogoisìlìk, pìkìt hùlì o yì awì tì awì apùnì inùkùl etage lopok motok yogoisìlìk laga logoino, ìlùk Ala ane helal waganek weregat o.

MATÌÙT 1:21

Omalik atì ebe abat tasigin o. Tasumo re, at en oe agot weak hagarìlùgì mene korogo wìlìk telinabigin o, ìlùk etage Yesùt salino,” ìlùk yogosike.

IBERANI 2:3

Atì hak, nit yogotak telninabusak hùko wene atì ninobaken nene heraksogoin halok, weaga'ninabiginat o. Emakum he, wene at ninoe Etagepogot ebe nenat apùnì aike yogoisasikomo inasuk holhukwa mene nen sekek hogo yogonisasukwa mene eberogoat haga'lagaike.

IBERANI 12:25

It apùnì Ala ane kweangma yogoisikenem inasuk holusak inabìt welagaukwa mene, inebe ineluk herakìgì'lek inoatì lagaike atì. Halok he, nit yìrogo re, wene pogot oba nen yogonisikenem ninasuk holusak ninabìt logogun halok he, ninoatì'lek herakhinegein akegep a? Lek o. Motok ninoasigin atì nen he, at ane iko kolek hinasuk holhì'lek, “Ninabìt,” ìlùk heraksanogo ìlùk, hinepe hebelogo logoino o.

KOLOSE 1:23

Halok he, hano wene hinasuk holhigisip he, hina'la nen, “Hobuk hano asigin,” ìlùk, akasigip mene atì, hinetaùken abolok ìlìk kopologo hebìgì'lek ning hogoat hesogo logoino. Hano wene atì, at en o yì awi tì awi apùnì inebe obogat yogoisasike wene atì yogoisìlìk nìkì logouagalùk, an Paùlùt nayoko hesike atì.

LAKSASIKE 2:5

O atì sat he, apùnì Yahuri mene Ala ane hologo hagatì lagaukwa mene hùgì, o yì awì tì awì obogat en Yerusalem atogosi wagaukwasik welagaukwa.

LAKSASIKE 13:26

“Halok he, hit apùnì Aberaham en tagokwe mane mel, etakwe mene Ala ane hologo hagatì lagep mene yoma hinom welagep mene mel, nerùgì nagaiya'lak. Wene telninabusak wene atì Ala nen nirat ninoba lakhei wagama yì.