LAKSASIKE 3:24 - Ala Ane Wene Ket Mene Warogo Wo'ninapike Wene

²⁴ It ap alep Ala ane yogoisìkì lagaukwa mene amanogo, hùlì at Samuel atì hùlì nen he, it hobuk Ala me yogoisìkì lagaukwa mene inomat, inebe obogat en he, wane nit o yogotak ya logolìk hagatì lago mene hesik ìkì lagaukwa.

LAKSASIKE 3:24 ပူးပေါင်းရင်းမြစ်များ

LAKSASIKE 3:21

Yogotak ya re, Yesùt ebe pogot oba logousak obaat logogin o. Logopik en, hùlì Ala nen yì mene tì mene obogat agauak hagasigin atì hùlìat pi wesigin o, ìlùk hageat it ap inebe Ala hesik logolìk at ane yogoisìkì lagaukwa mene amanogo nen isukwa hagat haga'lasigin o.

LUKAT 24:27

Atì'nogo yogoisasikesik he, at okawerek hesik Musa nen helal wanhike amanogo hùlì nen pìkìt he, it ap Ala ane yogoisìkì lagaukwa mene nen helal wanhukwa amanogo, obogat tùkùm hogo pìlìngìrogo yogoisasike.

ÙRÙM 3:21

Atì'nogo meneat he, yogotak Ala nen, at ninom hùnogo hinasak wene sele'mathikomo werek. Atì re, ninasuk wasike wene atì hologo higit hogo hagatì lago nen, hobuk hùnogo hinagalùk isike hùk. At he, nit ninetaùken Yesùt Karìsùt oba hìpìrethikenem hùnogo hinagalùk isike o. Atì'nogo hùnogo hisegein ìlùk, abok wene at en ninasuk wasike wene a'nogo ba ìgìk, at ane yogoisìkì lagaukwa mene nen ìgìk, isukwa higit hogoat hùnogo hinagalùk isike atì. Atì re, nit apùnì obogat ninetaùken Yesùt oba hìpìrethogorek mene hùnogo tomok lek. We, ninom higit hogo hùnogo hinagalùk isike o.

LAKSASIKE 13:20

Atì re, atì'nogo hagarinabìk waga kolek he, mo lagagìk pìgìk iko kolek 450 tahun hake welagaukwasik en wogisasike atì. Wogisasikesik en, hobuk he, ap aike nen inanema wanhìk, wene yogoisìgìk, ìkì logouagalùk, menhisìlìk waga lagaikesik hùlì, ap Samuel Ala ane yogoisìkì lagaike mene a'nogo menhesikomo welagaike.

LAKSASIKE 3:19

Atì nen he, hit weak hagatì lagep mene atì, ninopase Etagepogot Ala nen sagalogo legetsìlìk, hinetaùken hesik hineil ekat hogo hagathinabi wagìk, at en he, Karìsùt hinebe telhinapùkwe hinoba lakhei wesigin, ìlùk wene warisasike a'nogo ebe Yesùt atìat hinoba hobuk lakhei wagìk, uak en he, hinoabùt hebelarìk hinelokwe Ala wago'no o.

LAKSASIKE 17:3

Ala ane helal waganek a'nogo ba sekek hogo yogoisìkì logolìk, mel yogoisìkì lagaike: “At Karìsùt Ala nen lakhei wesigin ìlùk isukwa a'nogo re, yì aik tì aik hìlìk hìlìk wa'larìk en, eluk asigin, ìlùk isukwa. It isukwa atì hagat, at Yesùt hagasike wene abok yogohisìkì lagì mene yì, hagasusak higit hogoat hagasikomo. Ala nen lakhei wesigin ìlùk isukwa atì, ebe re, Yesùt atìat o,” ìlùk yogoisasike.

LAKSASIKE 26:23

It en he, Karìsùt ebe wa'larìk he, at tak eluk arìk, wene lìarinabigin wene atì, apùnì Yahuri mene yogoisìgìk, etakwe mene yogoisìgìk, igin o, ìlùk isukwasik helal waganogo hesukwa atì hagat an nen ìkì lagì o,” ìlùk yogosike.