LAKSASIKE 3:2 - Ala Ane Wene Ket Mene Warogo Wo'ninapike Wene

² Lagasukwa hak he, ap aike agosa a'la nan esok wùt warek motok ta'lagaikesik welagai'ke mene, kwe ape pale'ma etage Enegeke ìlùk ìkì lagaukwa ba atoma hei wagaukwama were'ma hasukwa. Apùnì nen ap atì ineki aike kamo ìgì'lek ninhùp-nanhùbat apùnì aike Ala awì wùrì'mo kikenem he, yì mene tì mane ape kìno weak yogoisìkì logouagalùk, kwa ape pale'ma atoma yerogo hei waga lagaukwa.

LAKSASIKE 3:2 ပူးပေါင်းရင်းမြစ်များ

LAKSASIKE 14:8

O Lisitera atoma ap aike agosa a'la nen ta'laga logolìk esok wùt warek ta'lagaikesik esok etawì lek en kwe lagì'lek hùrek motogat welagaike.

YOHANET 9:8

Atì'nogo hano a'lùk waganem, it apùnì at agaiya'lak mene mel, it aike ap a'nogo alep ape kìno weak ikenem ineileken hìkì lagaukwa mene mel, ineileken hasukwasik he, mel isukwa: “Egi! Nayùk e. Ap yì re, ebe hùrek enek logolìk, ape kìno weak ikerek mene a'nogo lek nogo? Ap a'nogoat o,” ìlùk isukwama,

LUKAT 16:20

Meneat he, ap aike eilmo lek mene etage Lasarùt. Ebenakwe oumo motok apik welagaike mene, ap kain agarok motok apik mene a'nogo aua kwe ba atoma hei waga lagaukwa.

LAKSASIKE 10:31

Sapan atì'nogo ikenem he, ap aike asu amùlìt apik laberek mene an neilhanemat melasi pi waga. Melasi pi wìrìk he, Korenelìùt. Hat sapan egetek atì, Ala asuk holhomo. Nen, apùnì inekim lek inelageik mene leberisegetek atì, Ala nen hoba eberek weregat o.

LUKAT 18:35

At Yesùt o Yeriko ki lagalùk horok hogo asi lagaike hak he, ap aike eileken mùm logolìk ape kìno weak ìkì lagaike mene ebekalem aremnogo hùrek were'ma re,

LAKSASIKE 10:4

Yogosikomo, at Korenelìùt eileken at oba lùrogo hìkì logolìk, ayùk arìk he, “Ì, noe. Nahalok,” ìlùk isikomo, at en he, “Hat sapan ìgìk, apùnì inekim lek inelageik mene leberisìgìk, ìkì lagen atì re, Ala elu agasik hoba eberek werek o.

LAKSASIKE 4:22

Ap esok wùt warek mene elalin hagasukwa atì re, ebe 40 tahun welagaikesi'mo nen, hano hagasukwa atì.

LAKSASIKE 3:10

Ineileken hasukwasik he, at ebe enagat hùthasukwasik, “Ala awì wùrìmo kwe etage Enegeke ape pale'ma olilu kwe ba atem hùrek logolìk he, yì mene tì mene wogotì logouagalùk kìno ikerek mene a'nogo ebe yì. Egi! Nìkì'nogo nen hano aga. Nayùk e,” ìlùk hogorasukwa.