LAKSASIKE 3:19 - Ala Ane Wene Ket Mene Warogo Wo'ninapike Wene

^19-20 Atì nen he, hit weak hagatì lagep mene atì, ninopase Etagepogot Ala nen sagalogo legetsìlìk, hinetaùken hesik hineil ekat hogo hagathinabi wagìk, at en he, Karìsùt hinebe telhinapùkwe hinoba lakhei wesigin, ìlùk wene warisasike a'nogo ebe Yesùt atìat hinoba hobuk lakhei wagìk, uak en he, hinoabùt hebelarìk hinelokwe Ala wago'no o.

LAKSASIKE 3:19 ပူးပေါင်းရင်းမြစ်များ

LAKSASIKE 2:38

Atì'nogo yogoisasukwama, at Peterùt en he, “Weak hagatì lagep mene atì heraksìlìk hinoabùt hebela'ni o. Atì'nogo hebelasumo re, weak hagatì lagep mene atì, Ala nen sagalogo legetsoagalùk hinebe lopok Yesùt Karìsùt etage palogo ima pelakhinabuak. Atì'nogo hagasumo re, Ala Areagùn atì wokhisegein o.

MATÌÙT 18:3

mel yogoisasike: “Hit apùnì yì re, hinepe hebelarìk hinoabùt yekerùgì yì inoabùt hake haga'lasugun lek halok he, Ala nen awe a'ma hisikere'ma atoma kugun motok lek o, ìlùk eberogoat yogohisìgì.

MATÌÙT 13:15

It apùnì yì ineileken hìgìk, inasuk holhìk, ina'la ebetìk, ìlìk en, inepe hebelumo hobuk an nen hanorìnabinogo ìlùk he, it en ina'la pùk agìk, inasuk togùm-togùm hagatìk, ineileken pùk uagalùk, ineram enat pùk-pùk hagatìk, hagasukwa o, ìlùk Ala nen isikomo Yesaya nen helal waganogo hesike atì higit asuagalùk yogoisìkì lagi o.

LAKSASIKE 11:21

Atì'nogo yogoisikenem, ninoe Etagepogot inomat logolìk, omamerogo leberisikenem he, apùnì inebe logolegat en, “Wene atì eberogoat hìgì,” ìlùk wanìk he, inoabùt hebelarìk, inelokwe at wogosukwa.

2 PETERÙT 3:8

Mene re, nerùgì nagaiya'lak. Hinebe netawì e. Wene omakeat yì lì'mathùgùp. Ninoe Etagepogot a'la akìkì logolìk, o like omakeat welagorek atì re, 1.000 tahun bake akikerek, Nen, 1.000 tahun atì re, o like nineki omakeat welagorek atì hakeat akikerek. Ma re, eperak higit enek akikerek o.

LAKSASIKE 28:27

It apùnì yì, ineileken ìgìk, inasuk holhìk, ina'la ebetik, ìlìk en, inepe hebelumo hobuk an nen hanorinabinogo ìlùk he, it en ina'la pùk agìk, inasuk togùm-togùm hagatìk, ineileken pùk uagalùk ineram enat pùk-pùk hagatìk, hagasukwa o, ìlùk Ala Areagùn nen isikomo, Yesaya nen helal wanhike atì,” ìluk yogoisasike.

1 PETERÙT 2:25

Hit alep he, wam topa wam kwe nong asi lagarek atì hak, nong asi laga lagagip meneat he, yogotak at Ala nen, ap hinebe hakhisek logolìk sethisek welagarek mene oba hinapotkwe wokhisek hika wagama welagep o.

2 TESALONIKA 1:10

At wesigin atì like ebe waganem he, okawerek againapùrì inetaùken at oba hìpìrethìlìk welagaikarek mene nen, at ebe hogoratìk, agaugeratìk, uagalùk wesigin atì. Nen, nit en wene atì ninelu mene pak hogo yogohisa wagagumo re, hit en, “Eberogoat o,” ìlùk wanhìgip atì nen, hit ninom enat, at hogorasugun o.

LAKSASIKE 11:18

At Peterùt en atì'nogo yogoisasikomo, it en wenagatì lagaukwa a'nogo re, hobuk kamo ìlìk mel isukwa: “Halok he, Ala oabùt hano nen, nit haga'ninaperek hagat, it apùnì etakwe mene inoabùt hebelaganem ineluk motok logouagalùk elok hagarinabusagat hìgì,” ìlùk Ala hogorasukwa.

ÙRÙM 11:25

Nerùgì nagaiya'lak. Wene Ala amùn elema wene yì hinokot logousak atì, an nabìt. Hit hinokawerek en he: “Nit wene ninelu o,” ìlùk hogorakanogo ìlùk he, wene yì yogohisak. It apùnì Isirael mene aike inetaùken ningsek atì re, elama hesigat werek o. Nen, hobuk it apùnì etakwe mene ki wesugun mene hùlì elok ki wagaika halok he,

LAKSASIKE 17:26

At Ala nenat, yì apùnì tì apùnì o inawì lopok logouagalùk, o hùlì hìgìk, Tahun tì ba logopik, tì ba lek asuak, ìlùk hùlì hìgìk, a'la tak akasikesik en, yì apùnì tì apùnì inùkùl etage lopok obogat wìalarìk loagalùk, ero ba re, ap omakeat walhasike.

LAKSASIKE 15:3

It Ala againapùrì nen atì'nogo isukwasik laksasukwama re, o atoma nen he, Penisia nen, Samaria nen, laga logolìk he, mel yogoisìlìk lagaukwa: “It apùnì etakwe mene inoabùt hebelarìk inelokwe Ala wogotama o,” ìlùk yogoisìlìk laganem, it Ala againapùrì atoma mene ina'la hai hùkoat hakasukwa.

LAKSASIKE 3:21

Yogotak ya re, Yesùt ebe pogot oba logousak obaat logogin o. Logopik en, hùlì Ala nen yì mene tì mene obogat agauak hagasigin atì hùlìat pi wesigin o, ìlùk hageat it ap inebe Ala hesik logolìk at ane yogoisìkì lagaukwa mene amanogo nen isukwa hagat haga'lasigin o.

LAKSASIKE 1:6

At Yesùt en wene atì'nogo yogoisasikesik, at agoromì inom atogorek logolìk he, agoromì nen at oba hinok mel wanhukwa: “Noe. Holoat yì apùnì tì apùnì nit Yahuri mene ninoe kain awe a'ma welagaukwa atì hak, hobuk atì'nogo logogun mene, yogotak ya baat hisegein a? Oan a,” ìlùk yogosukwa,

ABÌKAKAN 21:4

Atì'nogo logolìk, yì wene tì wene alep mene legetsìlìk, at en it ineil amusu arat terogo hìlì'mo nogo nen he, inebe wa'laga logogun legat, ina'la weak aga logogun legat, le aga logogun legat, heinet watì logogun legat o,” ìlùk ikenem holhì.

2 TIMOTÌÙT 2:25

Atì'nogo yakùlisikenem, it apùnì aike nen at ane sebeluogolùk ikenem, at en ane lìok hogoat inasuk watì logousak. Atì'nogo inasuk watenem, it weak hagatarek mene heraksìlìk, ebe wene atì wanuagalùk, Ala nen ina'la kagaliginat he a, ìlùk inasuk watì logousak.

IBERANI 4:1

Atì halok he, Ala nen againapùrì set waloagalùk abok yogoisasike mene atì lek agì'lek werek mene atì, hobuk nit set waloagalùk wo'nisegeinmo atoma hit aike kìgì'lek kamo inogo ìlùk hinayùk hogo logolìk higit hogo hagatì logoino o.

LUKAT 22:57

at Peterùt en labelhì logolìk he, mel yogosike: “Lek o. Hele yì! Ap atì ebe an nokot o,” ìlùk yogosike.