LAKSASIKE 3:16 - Ala Ane Wene Ket Mene Warogo Wo'ninapike Wene

¹⁶ Ap esok wùt warek welaga mene yì nen he, Yesùt atì eberogoat, ìlùk etage palogo, etaùken at oba hìpìrethike atì ba, ap yì hineileken hegeresipmo re, ebe hinelu mene a'nogoat omame aga yì. Etaùken atì'nogo Yesùt oba hìpìrethike atì ba, hit hineilhanemat motok hanothikomo yì.

LAKSASIKE 3:16 ပူးပေါင်းရင်းမြစ်များ

LAKSASIKE 14:9

Hùrek logolìk Paùlùt en wene yogoisikenem asuk hologo were'ma, at Paùlùt en eileken oba lùrogo hìkì logolìk, a'la nen he, “Ap arì a'la nen he, Eberogoat haga'nabigin, ìlùk akikesik werek hìgì,” ìlùk a'la akasike.

LAKSASIKE 4:10

Ma re, wene atì hesik, hit obogat mel, apùnì inùkùl etage Isirael mene aike obogat mel, hinelu asuagalùk wene ero tùkùm hogo yogohisak. At Yesùt Karìsùt aua Nasaret mene hit en e ba menhìlìk watepma Ala nen eluguthike mene a'nogo etage ba ap yì hano agasik hineilhanem metek hano werek yì.

LAKSASIKE 3:6

Eileken inoba were'ma re, at Peterùt en mel yogosike: “Uang emas mel, perak mel, an nekimo motok lek o. We, an werek mene aike wokhesigin. Atì re, hebe mela'lùk kwe nìkì logoinogolùk, Yesùt Karìsùt aua Nasaret mene etage palogo yogohetì,” ìlùk yogosike.

LAKSASIKE 16:18

At helekerek atì hobuk ninhùp-nanhùp ane atì'nogoat ìkì lagaike. Ìkì logolìk, ane Paùlùt oba sabelhì lagaikomo re, at elokwe hebek hogo mokareke oabùt weak mene atì mel yogosike: “Mokareke hoabùt weak mene yì. Hele arì a'la welagen atì, henogo wùlìbi lanogolùk, Yesùt Karìsùt etage palogo yogohetì lagì o,” ìlùk yogosikomo re, aremnogoat a'la nen henogo wùlìpike.

MATÌÙT 9:22

Eki hakasikomo re, at Yesùt en elokwe hebek hogo eileken apotma kelakhìlìk he, mel yogosike: “Na'logo e! Ha'la hai hakan o. Hetaùken noba hìpìrethegen atì nen hano agen o,” ìlùk, iko kolek aremnogoat he, he a'nogo arat hano agaike.

1 KORÌTÙT 13:2

Nen, Ala ane hano motok yogoisìgìk, wene apùnì inamùn elema hinago welagarek mene atì obogat nelu agìk, yì wene tì wene aike obogat neluat welagìk, netaùken Ala ba motok hìpìrethìlìk he, tom aike obùlù'mo nen tukwak hogo wele'ma wo'laka loagalùk yogosusak elok welagìk, ìkì logolìk meneat he, apùnì aike inebe netawìrogo logogin lek halok he, we tùlemat ìkì logousak o.

YOHANET 14:12

At sa nen etaùken an noba hìpìrethike halok he, an hagatì lagì mene atì, at en hagatì logoginat o. An hagatì lagì atì re, hamùlùgat negen meneat he, an nopase oba legein atì nen he, at sa nen etaùken an noba hìpìrìk welagarek mene atì nen ebenagei'mo hùkorogo hagatì logogin o, ìlùk nane eberogoat yogohisìgì.

LAKSASIKE 4:7

Atogosukwasik he, Peterùt Yohanet eperak a'nogo inoba wogisek wagaukwasik inebe tùlem menhisasukwasik he, inanema wanhukwa. Inanema wanhì logolìk he, “Hit en ap esok wùt warek mene hagatep atì re, nena mene omame ba hagatep. Nen, sa etage palogo hagatep,” ìlùk ìkì lagaukwama re,

LAKSASIKE 3:8

Omame agaikesik he, siak hogo mel a'lùk, kwe nìkì lagaikesik he, Peterùt Yohanet eperak inom Ala awì wùrì'mo kisukwa. Kìkì logolìk he, ap a'nogo Ala hogoratì logolìk, ya hogoil hìgìk, ta hogoil hìgìk, kisike.

LAKSASIKE 4:30

Hat homame wo'nisikenem he, hokawerek haput Yesùt etage ba hat heki baat apùnì ou hagarinapìk, wene hùthoagalùk hagasusak lek mene elalinat hagarinapìk, igin atì, ebe nit en hagarinapì logouagalùk homame wo'nisan o,” ìlùk Ala ayoko hesukwa.

YOHANET 7:23

Nen, wene Ala nen ninasuk wasike wene at Musa nen wokhisasike atì sagalinogo ìlùk, ineki sabìt oba Ala hesik welegat logolìk inekalìma mene inogat palinapesep meneat he, an nen nineki sabìt oba Ala hesik welegat logolìk, ap aike ebe motok hano hagatì meneat he, hit en nenahalok wena'netì lagep.

MATÌÙT 14:29

at Yesùt en he, “Eme o,” ìlùk yogosikomo, at Peterùt a'nogo so a'la nen wùlìpikesik he, i agùm obakwe Yesùt oba lagaike.