LAKSASIKE 3:13 - Ala Ane Wene Ket Mene Warogo Wo'ninapike Wene

¹³ Ninopase Ala atì, Aberaham mel, Isak mel, Yakùp mel, ninopalak aike mel, inopase Ala atì nenat he, aput Yesùt esinethike atì. Mene re, hit en, it aike nen wasuagalùk ineki ba hegepma re, at Pilatùt en eki hele hikalogo wulakheigìlùk ikenem, hit en he, Ap atì ninabìt o, ìlùk egep a'nogo.

LAKSASIKE 3:13 ပူးပေါင်းရင်းမြစ်များ

LAKSASIKE 7:32

Hat hopalak Aberaham mel, Isak mel, Yakùp mel, inopase Ala anat o, ìlùk yogosikomo, at Musa nen ebe eileken tùkùm hogo ha la ayùk agaike.

IBERANI 2:9

Meneat he, at Yesùt enek he, arat kain menhesikomo werek hìkì lago. Ala oabùt hano nen, Yesùt apùnì obogat hesik wa'lasuagalùk malaikat inetagewerek esin negen werek kolek, at etage lek mea negen hagarogo hesikomo, ebe yì aik tì aik hìlìk hìlìk wa'lagaike atì ba, Ala nen at etagewerek kain menhesikomo werek atì.

YOHANET 19:15

it en inane ning hogo sì'lamok-wa'lamok, ìkì logolìk he, “At ebe wa'no o! Wa'no o! E ba menhìlìk wa'no o!” ìlùk yogosukwama, at Pilatùt en he, mel yogoisasike: “An nen hit hinoe etagepogot yì, e ba menhìlìk wasusak akìkì lagep?” ìlùk yogoisasikomo, it ap Ala esewerek inogogì kaintek en he, mel yogosukwa: “Nit ninoe etagepogot aike lek. We, Kaisat aligat o,” ìlùk yogosukwama,

YOHANET 19:12

at Pilatùt asuk holhikesik he, Yesùt hele hikalogo heigìlùk walhasike meneat he, it ap Yahuri mene amanogo inane hùkorogo sì'lamok-wa'lamok mel yogosukwa: “Sa nan, An nebe kain netagepogot, ìlùk okawerek en ike halok he, ap Kaisat a'la meathike ugun. Halok he, hat en at ari hele hikalogo wulakhegen halok he, hat ap Kaisat heperak ekabe mene lek o. Huso mene heogoin o,” ìlùk yogosukwama,

YOHANET 18:40

it en inane apik sì'lamok-wa'lamok ìkì logolìk he, mel yogosukwa: “Lek ù. At atì hele hikalusak lek o! We, at Parapat atìat hele hikalnisan o!” ìlùk yogosukwa. At Parapat atì re, oabùt weak ekiabusak wanhì lagaike meneat isukwa atì.

ABÌKAKAN 1:18

neluk motok welagìrek he, anat o. An nebe arat wa'lagagi meneat he, lakhan! Neluk agagisik, neluk motogat logogin o. Wa'lagaikarek atì mel, wa'la'lùk lagaikare'ma atì mel, kwe hùtùkwe an neki ba werek o.

LAKSASIKE 22:14

Hikenem, at en he, At Ala ninopalak en hogoratì lagaukwa mene a'nogo nen he, at a'la akikerek mene helu agìk, at aput oabùt higit mene Yesùt atì heileken ìgìk, at ane ape ba nen ikenem hasuk holhìk, inogolùk, hebe wenakhapesik hayoko hike atì.

YOHANET 12:16

Atì'nogo kisike meneat he, atì sat, it at agoromì ane wanhì lagaukwa mene amanogo nen, wene haga'lagaike mene atì hùthìgìlek. Meneat he, at Yesùt wa'lagaikesi'mo nen hobuk Ala nen eluguthesikesik esinethesikesi'mo nen, ina'la ebesukwasik he, mel isukwa: “At hesik Ala ane helal waganek weregat o. It apùnì nen at hesik hagatenem nineileken hogo a'nogo re, wene helal waganek werek ati higit hogoat hagatama o,” ìlùk ina'la ebesukwa.

YOHANET 7:39

wene atì'nogo yogoisasike atì re, apùnì inetaùken at oba hìpìrethagarek mene hùgì inebe lopok Ala Areagùn wogisegein, ìlùk abok isike meneat he, atem sat, at Yesùt ebe hogorato kolek lagasike a'nogo oan lagagì'lek nogo nen he, Ala Areagùn oan pelabi wagì'lek werek kolek isike.

LUKAT 23:4

at Pilatùt en he, ap Ala esewerek mene inogogì kaintek mel, apùnì apik atogorek welagaukwa mene amanogo mel, yogoisìkì logolìk he, “An nen, at yì anema wanhì mene, at weak aike hagatomo hìgì motok lek o,” ìlùk yogoisasikomo,

MAREKÙT 15:11

Atì'nogo yogoisasike meneat he, it up Ala esewerek mene inogogì kaintek amanogo nen he, apùnì logolek amanogo ina'la kagalhì logolìk, “Parapat atìat eki hele hikalogo wo'nisanok. Yasùt atì lek o, ìlùk yogosuageip,” ìlùk ina'la kagalhukwa.

MATÌÙT 28:18

Atì'nogo akiko kolek, at Yesùt ebe inera'lu wagaikesik he, mel yogoisasike: “Ala nen he, pogot oba mene mel, kweangma mene mel, obogat he, an esewerek hanhomo o.

MATÌÙT 27:2

eki hele warogo at Pilatùt ebe Gubernur kain were'ma oba wolok wagaukwasik he, wogosukwa.

MATÌÙT 20:19

Ùkùm noba hìlìk he, it ap etakwe mene nen inane kerethìgìk yogonetìk, tùgì labìsake noatìk, ìlìk he, nebe e ba menhanìlìk noasuagalùk wogisogoin o. Nen, arat noatenem, neki pìre warek logopik en he, Ala nen nelugu'nabigin o,” ìlùk yogoisasike.

MATÌÙT 11:27

Atì'nogo yogosikesik, it apùnì amanogo mel yogoisasike: “An nopase nen yì mene tì mene obogat esewerek logouagalùk wo'nesike. Nen, an Ala aput yì, apùnì obogat motok inokot meneat he, nopase Ala aligat enek elu welagarek. Atì hak he, an nopase Ala atì, apùnì obogat motok inokot meneat he, aput an naligat enek nelu welagìrek o. Nen, Ala aput an nenat na'la akìlìk en nopase ebe apùnì aike inelu asuagalùk pak hogo yogoisìgìrek mene hùgì atìat inelu agaikarek.

LUKAT 6:37

Atì'nogo yogoisasikesik he, wene aike mel yogoisasike: “Ala nen ùkùm hinoba heinogo ìlùk he, hit en apùnì aike ùkùm inoba hùgùp o. Ala nen ùkùm hinoba hìlìk he, weagathinabinogo ìlùk, hit en apùnì aike ùkùm inoba hìlìk he, weagarinapùp o. Halok he, hit an weak hagatì lagep mene Ala nen sagalogo legetsoagalùk he, apùnì nen weagathinabì'lùgì mene hit en sagalogo legetsìkì logoino o.

YOHANET 19:11

at Yesùt en he, mel yogosike: “At Ala men he, Hat en ùkùm apùnì inoba hìgìk, kotìk, ìkì logoino, ìlùk hat esewerek hageilep le'ma re, hat en ùkùm noba housak meaat o. Atì nen he, Hat weak hagaten, ìlùk ùkùm hoba hamùlùgat negen werek meneat he, at aike nen an nebe waganogo hat heki ba hani waga mene atì nek he, weak hagate, ìlùk ùkùm hùko negen oba werek o,” ìlùk yogosikomo,

LAKSASIKE 3:12

Atogosukwama re, at Peterùt eileken isìlìk he, mel yogoisasike: “Hit apùnì Isirael mene yì sanì. Ap yì kwe niko yì, nit ninokawerek ninomame ba hagatìk, ninoabùt hano Ala ane hologo hagatì lago ba, hagatìk, ogo salek, hit hogoratìk, hineileken lùrogo nisìgìk, ìkì lagep ama nahalok.

LAKSASIKE 3:26

Ala nen he, wene atì waresike hak, hit weak hagatì lagep mene hinebe lopok hinapotma heraksoagalùk aput ebe hanothinabigin mene hit tak hinoba pelakhei wagaike atì,” ìlùk inasuk wasike.

LAKSASIKE 4:27

Atì'nogo isigin hagat, at Herotet mel, Potìùt Pilatùt mel, apùnì etakwe mene mel, apùnì Isirael mene mel, Yesùt, hat hokawerek haput nit apùnì telninabuagalùk menhesigin mene a'nogo, wasuogolùk eberogoat o yoma atogosi wagaika atì hesik isigin atì.

LAKSASIKE 4:30

Hat homame wo'nisikenem he, hokawerek haput Yesùt etage ba hat heki baat apùnì ou hagarinapìk, wene hùthoagalùk hagasusak lek mene elalinat hagarinapìk, igin atì, ebe nit en hagarinapì logouagalùk homame wo'nisan o,” ìlùk Ala ayoko hesukwa.

LAKSASIKE 24:14

Mene re, wene eberogoat hagatì lagì mene ebe yì pak hogo yogohesik. It en he, Apùnì Yesùt opolik lìlì'lùgì atì weak, ìlùk egarek. Meneat he, an enek he, it en, weak egarek mene atì ane hologo, Ala nit ninopalak awe a'ma kìlìk welagaukwa mene atìat hogoratì lagì atì nek he, eberogoat hagatì lagìat o. Hogoratì logolìk, wene Ala nen ninasuk wasike wene atì mel, ap at ane yogoisìkì lagaukwa mene inane mel, obogat helal waganogo hesukwa mene werek atì, eberogoat ìlùk hesogo welagì.

ÙRÙM 9:5

Nit ninopalak he, it en tagokwe mene. At Karìsùt ebe nit apùnì ta'lagorek hak ta'lagaike atì, it mene nen tasukwa mene re, ebe Ala meneat o. Yì mene tì mene obogat he, a'ma negen meneat he, at enek he, abel pokwe hesaksek atì nen he, at enek hogoratì logogun atì, ebe asuak, ìlùk u hak, “Amin,” ìkì logouok.

LUKAT 22:57

at Peterùt en labelhì logolìk he, mel yogosike: “Lek o. Hele yì! Ap atì ebe an nokot o,” ìlùk yogosike.