LAKSASIKE 28:9 - Ala Ane Wene Ket Mene Warogo Wo'ninapike Wene

⁹ Atì'nogo hano agaikomo, it apùnì o i ekenma atoma mene ou wanhì lagaukwa mene aike Paùlùt oba wagaukwama, hagarinapenem inoba hano agaukwaat.

LAKSASIKE 28:9 ပူးပေါင်းရင်းမြစ်များ

LAKSASIKE 5:15

Atì'nogo aga lagaukwama re, it apùnì ou wanhì lagaukwa mene, he'nakìt e talek oba hisìgìk, he'nakìt lit talek oba hisìgìk, ìlìk he, Peterùt waganem apùnak inoba higit aga halok se asuagalùk, ebekalem hisa waga lagaukwa.

LAKSASIKE 5:12

It ap Yesùt en inebe weteberogo inayoko hìlìk laksasike mene amanogo apùnì logolegat inom logolìk he, wene apùnì nen hùthoagalùk hagasusak lek mene elalinat hagarinapì lagaukwa. Hagarinapì logolìk, it Ala againapùrì inebe obogat inetaùken omakeat logolìk, inebe Ala awì wùrì'mo selepon etage Salomo aseleponma atogotì lagaukwa.

MATÌÙT 4:24

Atì'nogo hagarìnabìk nikenem, abok o Sirìa atoma motok sak isikomo re, yì ou tì ou, yì hat tì hat inoba werek mene inom, mokareke oabùt weak mene ina'la kìlìk inepe lùgùlùgì palharek mene inom, wa'lagìk ineluk agìk egarek mene inom, ineki inesok wùt warek mene inom, oba wogisek waganem hagarìnapi lagaike.

LAKSASIKE 13:6

O Siperùt ekenma atoma, o sili lopok nìkì lagaukwasik en, hobuk o etage Papot wagaukwa. Wagaukwasik he, ap Yahuri mene aike etage Pareyesùt atì, ebe wesagùn logolìk he, Ala ane salek okawerek ane meneat yogoisìkì lagaike mene were'ma wagaukwa.

LAKSASIKE 28:8

O at were'ma atoma, at opase oba agaken agaikesik, a'ma horok laga logolìk he, weitek motok welagaike. Weitegat were'ma, at Paùlùt oba kisikesik he, eki hakìlìk, Ala ayoko hesikomo, oba hano agaike.

LAKSASIKE 28:10

Atì'nogo hagarinapì lagaikomo, it apùnì amanogo nen, agauk hogo hai warogo yì mene tì mene apik wo'nisasukwasik he, hobuk nit o atoma hebùlùk wesuogolùk ikenem, yì mene tì mene ebekalem hesik wo'nisasukwaat.