LAKSASIKE 27:4 - Ala Ane Wene Ket Mene Warogo Wo'ninapike Wene

⁴ Lagaikesik wagaikesik he, o atoma nen, imakwe so ba waga logolìk, sogoi ninelokokwe nen laga lagaikomo re, i ekenma etage Siperùt atì abel he'nakwe re, sogoi kwe pale'ma hano ìlùk atìkwe wagagu.

LAKSASIKE 27:4 ပူးပေါင်းရင်းမြစ်များ

LAKSASIKE 4:36

Atì'nogo hagatì logolìk he, ap aike etage Yùsùp. Ùkùl etage Lewi mene. Ana o etage Siperùt mene, it ap Yesùt en inebe weteberogo inayoko hìlìk laksasike mene amanogo nen, nit ninane ba etage Inetaùkensebele ìlùk u hak, it inane ba etage Parenapat salhukwa.

LAKSASIKE 27:7

Wo'nisek kìlìk, nineki aike nogo ìgìk, aike nogo ìgìk, erogat waga lagagusik, wesusak mea hake haga'lagaike meneat he, o etage Kìnerùt higit wagagu. Wagagusik, sogoi en kwe higit wesusak lek agaikomo re, kwanìrogo, i ekenma etage Kereta atì abel he'nakwe sogoi kwe palek hano ìlùk, Salomone amisangma atì hebùlùk pìkìt wagagu.

LAKSASIKE 21:16

Laga logolìk, it apùnì o Kaisarea mene Yesùt ane wanhukwa mene aike ninomat lagagu. Ninom lagagusik, it en wo'nisek, ap aike etage Manason, aua ero o Siperùt mene, Yesùt ane hageat en wanhikesik o Yerusalem were'ma, at en wo'ninabìk aua logouagalùk, wo'nisek kisukwama atoma ap pogat welagagu.

LAKSASIKE 21:3

Laga logolìk he, i ekenma o etage Siperùt atì nineki peikkwe nineileken lakhìlìk-hìlìk imakwe laga lagagusik, o propinsi Sìrìa lagagusik, o kota Tìrùt wùlùpugu. Wùlùpugusik, atoma nen, sukwe so a'la wolok lagaukwa mene wulabuogolùk isukwama re, nit no a'la nen atoma wùlùpugu.

LAKSASIKE 15:39

Atì'nogo yogosikomo, eperak wene haro weak palhukwasik he, inaleketegat pùgùlhukwa. At Parenapat en he, Marekùt wolok he, imakwe so warogo o Siperùt wagaike.

LAKSASIKE 13:4

It Parenapat Saùlùt eperak Ala Areagùn nen laksa wagaikomo re, o Seleukia pi wagaukwa. Pi wìrìk he, o Seleukia atoma nen he, imakwe so ba o Siperùt i ekenma wagaukwa.

MAREKÙT 6:48

O hi isikesik he, hùako re, sogoi inelokokwe nen hunha wagaikomo re, it so aninirogo watenem, Yesùt eileken lagisasike. Eileken lagisalùk he, o we ìgìlùk etawiì wekelho kolek, at esok i agùm obakwe hìlìk inoba wagaikesik he, inera'lukwe kwanìrogo pìkìt wesigìlùk negen isike.

MATÌÙT 14:24

Werek kolek, agoromì amanogo i so warogo walegat i eken tùlem asi wagaukwasi'mo nen, sogoi aninirogo inelokokwe nen hunha wagaikomo, i ha'labu hunalogo apik lagakì logolìk, i so a'nogo abel eten-haten hogo hagatì lagaike.

LUKAT 8:22

Ineki aike sapùl he, at Yesùt ebe inom, agoromì ane wanhì lagaukwa mene amanogo inom, i so a'la kisukwasik he, mel yogoisasike: “I aik ìlì bakwe wùlùbuok o,” ìlùk yogoisasikesik he, wùlùpukwa.