LAKSASIKE 27:31 - Ala Ane Wene Ket Mene Warogo Wo'ninapike Wene

³¹ Ima pelakhesukwama, at Paùlùt en he, ap tentara mene inoe kain a'nogo mel, agoromì amanogo mel, yogoisìkì logolìk he, “It ap yoma i so hùko yì ba logogun lek halok he, hit hinebe obogat telogoin lek hìgì,” ìlùk yogoisasike.

LAKSASIKE 27:31 ပူးပေါင်းရင်းမြစ်များ

LAKSASIKE 27:11

Atì'nogo yogoisasike meneat he, ap tentara inoe kain a'nogo nen Paùlùt ane sagalogo heraksìlìk, it ap yabu so ba hagatì lagaukwa mene inoe kain atì ho, so elu mene wolok nikerek mene atì ho, eperak inane holhike.

YOHANET 6:37

Mene re, an pogot oba nen pi wagagi atì re, an nokawarek na'la nen kagalogo hagasigìlùk pi wagagi hùk. We, at lakhani wagaike mene a'la akikerek mene atìat higit hogo hagasigìlùk pi wagagi atì nen he, apùnì an nopase nen wo'neterek mene inebe lopok noba waganem he, an nen, Hit an noba wesusak lek, ìlùk, wenagisegein lek o.

LAKSASIKE 27:30

Atì'nogo ìkì logolìk, it ap yabu so ba hagatì lagaukwa mene amanogo so ba nen hese lùogolùk he, it aike mel yogoisasukwa: “Nit en so ago ekin mene so ùkùlkwe nen hele kelogo pelakhei logoin,” ìlùk inapeliagat isukwasik, so eagalak mene hele kelogo ima pelakhesukwa.

LAKSASIKE 27:32

Atì'nogo yogoisasikomo, it en he, so eagalak a'nogo kopì kelik welagaike mene tek hogo laksasukwama i lagaike.

LAKSASIKE 27:44

Nen, hit ato e kagalek yoma mel, so mesalek mene yoma mel, hineki hakìgìk, wolok, inopolik wùlìbi lani o,” ìlùk yogonisasike. Yogonisasikomo, atì'nogoat ninebe obogat telogo i aik oba hano wùlùpugu.