LAKSASIKE 27:22 - Ala Ane Wene Ket Mene Warogo Wo'ninapike Wene

^22-24 Mene re, nerùgì nagaiya'lak. An nebe esewerek he, Ala atma, an nen at hogoratìrek mene nen, malaikat aike yogo hùako noba lakhei wagama re, nera'lu melasi waga. Melasi wagasik, mel yogonete: Paùlùt. Hayù'lek hogo logoino o. Hat hobuk Kaisat oba legein atì nen, apùnì aroma obogat hinom so ba laga lagep mene, at Ala oabùt hano nen hat etawìrogo hinomat telhinabigin o, ìlùk yogonete atì nen, nagaiya'lak. Hinetaùken hapuk hogo logouageip ìlùk, wene yì yogohisak. Ninebe aike i logoin lek. We, so ebe nek alema'lasigin o.

LAKSASIKE 27:22 ပူးပေါင်းရင်းမြစ်များ

LAKSASIKE 27:36

At tak nasikomo, it inetaùken siok ìlìk he, inebe obogat sùpùrùk nìlìk lagaukwa.

LAKSASIKE 27:25

Atì nen he, nerùgì nagaiya'lak. Ala nen yogonete atì hagat eberogoat haga'lasigin ìlùk, netaùken at oba hìpìrìk welagì atì nen, hit hinetaùken hapuk hogo logoino o.

LAKSASIKE 27:34

Mene re, hit hinebe aike i lagìk, hinoba hamùlùk halok aike weak agìk, igin motok lek o. Halok he, hano teloageip en he, sùpùrùk aike noageip ìlùk yogohisìgì,” ìlùk yogoisasike.

LAKSASIKE 27:44

Nen, hit ato e kagalek yoma mel, so mesalek mene yoma mel, hineki hakìgìk, wolok, inopolik wùlìbi lani o,” ìlùk yogonisasike. Yogonisasikomo, atì'nogoat ninebe obogat telogo i aik oba hano wùlùpugu.

LAKSASIKE 27:31

Ima pelakhesukwama, at Paùlùt en he, ap tentara mene inoe kain a'nogo mel, agoromì amanogo mel, yogoisìkì logolìk he, “It ap yoma i so hùko yì ba logogun lek halok he, hit hinebe obogat telogoin lek hìgì,” ìlùk yogoisasike.

LAKSASIKE 23:11

Atì'nogo yogoisasikomo wolok kisukwama re, o atì sat hùako, ninoe Etagepogot Paùlùt era'lu melasi kìlìk he, mel yogosike: “Hat en he, wene an hesik o Yerusalem yoma pak hago yogoisegen atì hak, hobuk o Ùrùm atoma atì'nogoat pak hogo yogoisa legeinat atì nen he, hetaùken hapuk hogo logomo o,” ìlùk yogosike.