LAKSASIKE 27:1 - Ala Ane Wene Ket Mene Warogo Wo'ninapike Wene

¹ It en nit imakwe so ba o Italia lakhina wesuogolùk, wene arat palhukwasik he, ap tentara apik Kaisat agot esa logolhì lagaukwa mene inoe kain etage Yùlìùt en Paùlùt mel, apùnì ineki hele warek mene aike mel, wogisek wesuagalùk eki ba hesukwa.

LAKSASIKE 27:1 ပူးပေါင်းရင်းမြစ်များ

LAKSASIKE 25:25

It en atì'nogo ìlì'lùgì meneat he, an nen wene atì ero heratì mene re, at en weak aike eberogoat hagatenem, ùkùm inoba hìlìk inebe inoatarek higit hogo aike hagate le'ma hìgì. Meneat he, at okawerek en he, Ùkùm yì ap Kaisat en ero heragasogo elùgùn wasuak, ìlùk ikomo, Kaisat oba lakheigìlùk ìgì atì.

LAKSASIKE 25:12

Yogosikomo, ap aike at Pesetùt inom logolìk, “Yì'nogo hagasuok, tì'nogo hagasuok,” ìlùk inom ìkì lagaukwa mene inom en, “Tì'nogo hagasuok,” isukwasik en Paùlùt mel yogosike: “Hat en he, Wene yì, ap Kaisat en ero heragasogo elùgùn wasuak o, ìlùk egen atì nen, Kaisat oba lakhagaginat o,” ìlùk yogosike.

LAKSASIKE 10:1

O Kaisarea atoma ap esa hùko tentara mene etage ap Italia esa ìlùk ìkì lagaukwa mene ap aike inoe kain mene etage Korenelìùt welagaike.

LAKSASIKE 27:11

Atì'nogo yogoisasike meneat he, ap tentara inoe kain a'nogo nen Paùlùt ane sagalogo heraksìlìk, it ap yabu so ba hagatì lagaukwa mene inoe kain atì ho, so elu mene wolok nikerek mene atì ho, eperak inane holhike.

LAKSASIKE 18:2

Ebe oan wagì'lek werek kolek, ap kain Kelarìùt en he, “Apùnì Yahuri mene inebe o kota Ùrùm logousak lek. Motogat hela wùlùbuak o,” ìlùk wene palhikomo re, ap Yahuri mene aike etage Akwila. Ebe o Potùt ta'lagaike mene. Agwe etage Perisikila eperagat, o Italia nen it tak o Korìtùt kerat lagaukwasik were'ma, at Paùlùt hobuk wagaikesik isa wagaike atì.

IBERANI 13:24

Hit en he, it ap hinogogì hit sethisek welagaikarek mene obogat mel, Ala againapùrì he'nakìt obogat mel, “Hai wathinape,” ìlùk yogoisano o. Nen, ninerùgì ninagaiya'lak o Italia welagaikarek mene nen hai wathinapaat o.

LAKSASIKE 28:16

Atoma nen o kota Ùrùm arat wagagumo, it ap kaintek en he, “Paùlùt alepma logouak. Werek kolek, ap tentara mene omakeat en serogo logouak,” ìlùk isukwa.

LAKSASIKE 27:43

Atì'nogo inoasuogolùk isukwa meneat he, it inoe kain a'nogo nen Paùlùt teligìlùk he, “Atì'nogo hagasusak lek o,” ìlùk wene palhike. Wene palhikesik he, “Kume hinelu mene tak pok harogo ima pìlìk i aik oba wùlìbi lani o.

LAKSASIKE 27:6

Atoma nen ap tentara mene inoe kain a'nogo nen i so aike o Aleksataria mene o Italia wesuogolùk ikenem, herasikesik he, i so nit wagagu a'nogo ba nen, i so atì ba wo'nisek kisike.

LAKSASIKE 24:23

Atì'nogo yogosikesik, at agoromì tentara kain aike nen Paùlùt ebe serogo logouagalùk mel yogosike: “Hat en Paùlùt hesogo logolìk, yùgùnat nìkì logouagalùk hebeino. Nen, apùnì at mene nen yì mene tì mene at walok mene lebethùogolùk iko halok he, wenagisagùn o. Heraksìkì logoino,” ìlùk asuk wasike.

LAKSASIKE 23:17

Hùsipi yogosi kisikomo, at Paùlùt an ap tentara mene kain aike ebe waerìk he, mel yogosike: “Noe. Ap elege yì nen, hinoe kain a'nogo wene aike yogosusak werek o. Halok, hat an at oba wolok lan o,” ìlùk yogosike.

LAKSASIKE 23:11

Atì'nogo yogoisasikomo wolok kisukwama re, o atì sat hùako, ninoe Etagepogot Paùlùt era'lu melasi kìlìk he, mel yogosike: “Hat en he, wene an hesik o Yerusalem yoma pak hago yogoisegen atì hak, hobuk o Ùrùm atoma atì'nogoat pak hogo yogoisa legeinat atì nen he, hetaùken hapuk hogo logomo o,” ìlùk yogosike.

LAKSASIKE 22:26

Yogotenem, kain a'nogo nen yoko ap tentara esa logolhì lagaukwa mene inoe kain a'nogo oba lagaikesik he, “Hat nìkì'nogo hagasigìlùk egen mene nogo. Ap yì ebe o Ùrùm awìwerek meneat o,” ìlùk yogosike.

LAKSASIKE 21:32

Yoko lagaukwama, at en he, agoromì tentara mene kaintek mel, inagoromì mel, wogisek apùnì inane sagalhì lagaukwa ba atoma humusegat lagaike. Lagaikomo, ineileken hasukwasik: “Tentara inoe kain a'nogo agoromì wogisek waga,” ìlùk inayùk en Paùlùt tùgì watì lagaukwa mene a'nogo kamo isukwa.

LAKSASIKE 19:21

Atì'nogo hagasukwama, at Paùlùt a'la nen akìkì logolìk he, “O propinsi Maketonia lìlìk en he, o propinsi Akaya wìrìk en pìkìt, o Yerusalem legein,” ìlùk a'la akasikesik he, “Lìlìk, hobuk napotkwe wìrìk, o kota Ùrùm neileken ha legeinat o,” ìlùk isike.

LAKSASIKE 16:10

Abìkakan atì'nogo hasikomo, nit en he, mel isugu: “Wene hano wane it apùnì atoma mene yogoisa loagalùk, Ala nen ninayoko hike hìgì,” ìlùk isugusik he, o Maketonia wùlìbi wesuogolùk isugu.

LAKSASIKE 10:22

Atì'nogo yogoisasikomo, it en he, “Ap tentara mene esa logolharek mene inoe kain etage Korenelìùt, atì nen lakhina wagama wago. At atì oabùt higit hogo hagatìk, Ala ebe ayùk hogo welagìk, ikenem, it apùnì Yahuri mene obogat en oabùt palharesik he, atì'nogoat abok hano egarek. At ati atì'nogo hagatenem, malaikat Ala nen yoko pelaksa wagarek mene amanogo aike nen he, Peterùt atì nen wene hat hasuk holusak mene yogohesigin werek o, ìlùk hat hayoko lakhina wesuagalùk yogotomo, at en lakhina wagama hoba wago o,” ìlùk yogosukwa.

LUKAT 23:47

Atì'nogo hagasikomo ap tentara mene inoe kain a'nogo eileken hìlìk Ala hogoratì logolìk he, “Ap yì eberogoat weak hagatì'le'ma hìgì o,” ìlùk isike.

LUKAT 7:2

At ki wagaikomo atoma ap tentara mene inoe kain aike atitigeke aike etaùken hutik mene oba ou motok weak en he, walasusak negen welagaike.

MATÌÙT 27:54

Nen, ap tentara mene inoe kain mene mel, agoromì he'nakìt Yesùt era'lu kagalek welagaukwa mene amanogo mel, lugul langathìgìk, yì hake tì hake haga'lagìk, isike amanogo ineileken hasukwasik inayùk apik arìk he, “Ap yì re, Ala aput eberogoat hìgì o,” ìlùk isukwa.

LAKSASIKE 28:1

Ninebe telogo i aik oba wùlùpugusik were'ma, it apùnì atoma mene nen, “O i ekenma yì etage Malta,” ìlùk yogonisasukwa.