LAKSASIKE 26:32 - Ala Ane Wene Ket Mene Warogo Wo'ninapike Wene

³² Atì'nogo isukwasik, at Agarìpa nen Pesetùt yogotì logolìk he, “Paùlùt en he, Ùkùm noba haga mene yì, at Kaisat en ero heragasogo elùgùn wasuak o, ìlùk ìgì'lek logoilepma re, nit en eki hele hikalilo,” ìlùk yogosike.

LAKSASIKE 26:32 ပူးပေါင်းရင်းမြစ်များ

LAKSASIKE 28:18

Atì'nogo hanhukwama, it ap kaintek en wene ero heratì logolìk he, Ap yì re, ebe wasusak bake aike hagatì'lek hìgì, ìlùk hele hikalnabuogolùk isukwa.

LAKSASIKE 25:25

It en atì'nogo ìlì'lùgì meneat he, an nen wene atì ero heratì mene re, at en weak aike eberogoat hagatenem, ùkùm inoba hìlìk inebe inoatarek higit hogo aike hagate le'ma hìgì. Meneat he, at okawerek en he, Ùkùm yì ap Kaisat en ero heragasogo elùgùn wasuak, ìlùk ikomo, Kaisat oba lakheigìlùk ìgì atì.

LAKSASIKE 9:15

Atì'nogo yogosike meneat he, ninoe Etagepogot en he, “Lan o. At en he, apùnì etakwe mene mel, inogogì inetagepogot mene mel, apùnì Isirael mene mel, an netage yogoisìlìk nìkì logouagalùk, an nen ap atì ebe weteberogo ayoko hìgìma o.

LAKSASIKE 24:27

Atì'nogo iko kolek, mo lagagìk pìgìk 2 tahun welagaukwasik en, hobuk Pelìkìt obùlù'mo ap aike etage Perekìùt Pesetùt gubernur asuagalùk menhesukwa. Menhouogolùk ikenem, at Pelìkìt en he, “It apùnì Yahuri mene ina'la hanorogo,” ìlùk Paùlùt eki hele waregat herakhesike.

LAKSASIKE 28:19

Atì'nogo isukwa meneat he, it ap Yahuri mene nen he, Lek o, ìlùk inane ning hogoat isukwa atì nen, an nen he, Ùkùm noba haga mene yì, Kaisat en ero heragasogo elùgùn wasuak o, ìlùk yogoisasigi o. Atì'nogo isigi atì re, an nen ùkùm aike it nagaiya'lak inoba heigìluk isigi lek o.