LAKSASIKE 26:25 - Ala Ane Wene Ket Mene Warogo Wo'ninapike Wene

²⁵ Atì'nogo yogosikomo, at Paùlùt en he, “Pesetùt noe. An lùgùlùgì palhìrìk ìkì lagì lek o. We, hano logolìk wene eberogoat yogohisìkì lagì o,” ìlùk isikesik,

LAKSASIKE 26:25 ပူးပေါင်းရင်းမြစ်များ

LAKSASIKE 23:26

“Kain gubernur Pelìkìt noe. An Kelarìùt Lisiat en surat yì palogo hoba lakhei wagì atì.

TITUT 1:9

Wene apùnì hanorinaperek wene yakùlisìkì logolìk inasuk hanorogo watìk, at en ebe wene ikenem, it aike nen, at ane sagalogo hagatenem, at en inane elok sagalogo hisìgìk, elogat ìkì logouagalùk, wene nit en yakùlesugumo, eberogoat ìlùk wanhìkesik, oabùt higit hogoat ning hogo hesogo welagarek mene halok menhousak o.

1 PETERÙT 3:15

Hit en he, Karìsùt agaugeratì logolìk, “Ninoe Etagepogot at o,” ìlùk hinetaùken oba nen hogoratì logoino. Hogoratenem, it aike nen hinok hinoba wanhì logolìk he, “Hano asigin, ìlùk oba eberek welagep atì nahalok,” ìlùk yogohisikenem he, oko wene tùkùm hogo yogoisogoin mene hina'la eberek motok logolìk,

1 PETERÙT 3:9

Apùnì aike nen hit weak hagathinapenem, hit en oko weagarinapùp o. Nen, inane sagan weak wokhikikenem, hit en oko hinane sagan wogisagùbat o. Oko re, Ala nen inebe hanorinabuagalùk, ayoko hìkì logoino. Hobuk at en hano mene wokhisagalùk hinayoko hesike atì nen, hit en oko hano mene wogisìkì logoino.

LAKSASIKE 24:3

Hat en o ya ta ninhùp-nanhùp hanorogo hagatì lagen atì, nit en, Hano, ìlùk, hai motok wathapì lago. Noe.

YOHANET 8:49

at en he, mel yogoisasike: “An mokareke oabùt weak mene na'la kìgì'lek o. An nen nopase hogorato kolek meneat he, hit en an netage weak hagarogo hìkì lagep o.

LUKAT 1:3

Atì'nogo walhìlìk wagaukwa meneat he, an hogo re, wene atì ero ba nen tùkùm hogo yakùlhì lagagisik nogo nen he, hat he, wene yakùlhesukwa mene atì eberogoat ìlùk akanok en he, wene ebe pìlìngìrogo helal waganogo hoba lakhei wesigìlùk akìkì lagìrìk wanhì lagì yì o. Noe.